1 Na-mɩnɛ 1:9 - A SƐB-SÕW

⁹ Bibir kãw, a Adonɩasɩ tɩ maal'ɩ cuw-kpɛ̃ɛ a “Kʋsɩɛr-na-salɛ-a” na pɩɛlɩ a Ɛɩn-Orogɛl a pɛr. Ʋ tɩ kʋ n píir, nadɛɛ nɩ nadeli-'wɔɛ a be maal'ɩ bàwr. Ʋ tɩ bʋɔl'ɩ a ʋ yɛbr na ɩ a nãà Daviir bidɛbr a, nɩ a Zuda nɩbɛ bɛl za na tone a nãà tome a,

1 Na-mɩnɛ 1:9 ပူးပေါင်းရင်းမြစ်များ

2 Samɩɛl 17:17

A Zonatã nɩ a Ahimaasɩ tɩ àr'ɩ a Ɛɩn-Orogɛl. Tõ-tõ-bi-pɔwle kãw nãá tɩ cen na tɩ yel yel kʋ̀ bɛ, ɛ̀ bɛ mɩ̀ cen tɩ yel kʋ̀ a nãà Daviir. Bʋ̃ʋ n'ʋ vɛ̃, a bɛ tɩ tɛr kɛ́ bɛ kpɛ a tẽw pʋɔ, nɩr wa mab nyɛ̃ bɛ ɩ.

1 Na-mɩnɛ 1:19

Bʋ̃ʋ n'ʋ vɛ̃, ʋ maal'ɩ cuw-kpɛ̃ɛ, kʋ nadɛɛ nɩ nadeli-'wɔɛ nɩ píir yaga za maal'ɩ bàwr. Ʋ bʋɔl'ɩ a fʋ bidɛbr za, a bàwr-maalɛ Abɩataar nɩ a sojarɩ nɩ-kpɛ̃ɛ Zowab, a cuw, ɛcɛ ʋ bɛ bʋɔlɩ a fʋ bidɛb Salomɔ̃ ɩ.

1 Na-mɩnɛ 1:25

Bʋ̃ʋ n'ʋ vɛ̃, ʋ siw nɩ a Ɛɩn-Orogɛl a dɩ̃a, tɩ maal'ɩ cuw-kpɛ̃ɛ, kʋ nadɛɛ yaga za, nadeli-'wɔɛ nɩ píir yaga yaga maal'ɩ bàwr. Ʋ bʋɔl'ɩ a fʋ bidɛbr a be, de nɩ a sojarɩ nɩ-bɛrɛ nɩ a bàwr-maalɛ Abɩataar. Bɛ za lãw nɩ ʋ na dɩrɛ ɛ́ nyúur, cáarɛ yere nɩ à ŋá: “A nãà, ʋ vʋʋrɛ!”

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Matie 22:4

Ʋ tɩ lɛb'a tõ tõ-tõ-biir bɛ mɩnɛ kɛ́ bɛ tɩ yel a nɩbɛ ʋ na bʋɔlɩ a: “Nyɩ nyɛ̃, ɩ̃ cɔbr'ɩ a cuw dɩb baarɩ, ɩ̃ kʋ n a ɩ̃ nadɛɛ nɩ a ɩ̃ dʋ̃-'wɔɛ, bom za cɔbr'a baarɩ, nyɩ wa a kul-taa cuw dɩb zie.”

Zozue 15:7

Ʋ tɩ cãà na tu Akɔɔr fʋɔla do Deviir, ɛ́ a saa-pɛrɩ́-gʋba-lowr nidaa za, ʋ lɩɛbɩ tu Gilgal lowr na tori a Adumim dob zie na be a fʋɔla saa-pɛrɩ́-dʋrʋ-lowr a. Ʋ tɩ tɔl a pɩɛlɩ Ɛɩn-Semɛsɩ bul-nɛ́ɛ, ɛ́ tɩ nyɔw Ɛɩn-Orogɛl.

Zozue 18:16

Ʋ tɩ yi n a be, ɛ́ siw a Hinom fʋɔla tãw sɩɛmɩ́, a Erefayitɩ mɩnɛ fʋɔla saa-pɛrɩ́-gʋba-lowr. Ʋ tɩ lanɛ nɩ a Hinom fʋɔla, a Zebizitɩ mɩnɛ tãw sɩ̃ɛ́, a saa-pɛrɩ́-dʋrʋ-lowr, ɛ́ siw tɩ tɔ a Ɛɩn-Orogɛl.