1 Korɛ̃tɩ 9:21 - A SƐB-SÕW

²¹ A bɛlɩ dem na bɛ bãw a Moyiir wulu a zie a, ɩ̃ mɩ́ ɩrɛ na mɛ̃ a bɛl a, k'ɩ̃ɩ páw a bɛlɩ dem na bɛ bãw a Moyiir wulu a. Ɛcɛ ɩ̃ bɛ ɩ nɩr na bɛ bãw a Naaŋmɩn wulu a ɩ, Kɩrɩta na n'ʋ ɩ a ɩ̃ wulu a ƴãw.

1 Korɛ̃tɩ 9:21 ပူးပေါင်းရင်းမြစ်များ

Sɛb-sõw yielu 119:32

A fʋ nɛ-ƴãwnɩ sɔ́r zu n'a ɩ̃ zɔrɛ, fʋ na ɩ a ɩ̃ yã ʋ yuo a ƴãw.

Nɩ-toni 15:28

A Vʋʋrʋ Sõw nɩ a tɩɩm tɛɛ za sɩrɩ na yel kɛ́ tɩ kʋ̃ tʋ̃ɔ́ lɛb ƴãw fɛrʋ kãw za dɔwlɩ a nyɩ zu, a bɛ ɩ a yel-fɛrɩ á ŋá na bɛ tɛr nɩɩr-bɛrʋ a ɩ:

Nɩ-toni 16:4

A ten al za pʋɔ a Pol nɩ a Sɩlasɩ na mɩ́ tɩ tɔlɛ a, bɛ mɩ́ tɩ manɛ nɩ a nɛ́ɛ al za a nɩ-toni nɩ a Zerizalɛm nɩ-kore na ƴãw a, kʋ̀rɛ a nɩbɛ, ɛ́ yere kʋ̀rɛ bɛ kɛ́ bɛ tuur.

Nɩ-toni 21:25

Ɛcɛ, a nɩ-bʋʋr-yoru nɩbɛ bɛl na lɩɛbɩ a kɩrɩta-nɩbɛ a, tɩ sɛb'a yel kʋ̀ bɛ kɛ́ bɛ ciir a bàwr nɛnɛ nɩ a zɩ̃ɩ, kɛ́ bɛ ciir dʋ̃w bɛ na bɛ ŋmãa a kɔkɔr a nɛn, kɛ́ bɛ ta maalɛ pɩ̃ɔ-yele ɩ.»

Ʋrɔm 2:12

Bɛlɩ dem za na bɛ tɩ bãw a Moyiir wulu ɛ́ maalɩ yel-bier a, bɛ na kpi n a Wulu bɛ-bãwfʋ kũu. Ɛcɛ bɛlɩ dem za na tɩ bãw a Wulu ɛ́ maalɩ yel-bier a, a Wulu ŋa n'ʋ bɛ na maal'ɩ bɛ a ƴɛ̀rʋ.

Ʋrɔm 2:14

A lɛn daar nɩ-bʋʋr-yoru na bɛ bãw a Naaŋmɩn wulu a, na mɩ́ wa nyɛ̃ bɛ tʋɔra ɩrɛ mɛ̃ a lɛ a Wulu na ƴãw a nʋɔr a, bɛl mɩŋa mɩ́ bãw nɩ a lɛ a na sɛw kɛ́ bɛ ɩrɛ a, bɛl na saa bɛ bãw a Naaŋmɩn wulu a.

Ʋrɔm 7:22

A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za.

Ʋrɔm 7:25

Naaŋmɩn so puoru, a Yeezu Kɩrɩta tɩ Sore ƴãw! A na ɩ à ŋá a, ɩ̃ ɩ n a Naaŋmɩn wulu gbãgbaa a ɩ̃ yã pʋɔ, ɛcɛ a ɩ̃ bãbàalʋ pʋɔ ɩ̃ ɩ a yel-bier wulu gbãgbaa.

Ʋrɔm 8:4

A Naaŋmɩn ɩ n à à ŋá k'aa mɩnʋ a Wulu na bɔbr kɛ́ tɩ tɛr a, tʋ̃ɔ́ paalɩ tɩ, tɩɩm na bɛ tuur a tɩ nɩsaalʋ ɛ́ tuur a Vʋʋrʋ Sõw a.

Galasi 3:2

Nyɩ caalɩ mɛ̃ niwn a yel ŋa tɛwr ƴãw: a Naaŋmɩn wulu sàwfʋ zũú n'a nyɩ páw a Vʋʋrʋ Sõw bɩɩ nyɩ na bɛr wõ ɛ́ sàw de a Yel-nʋ̃ɔ̀ a ƴãw n'a?

Galasi 6:2

Nyɩ tuore taa tuor, lɛ n'a nyɩ na sàw a Kɩrɩta Wulu.

Ebre 8:10

A Sore yere na, a Wõ-taa n'ɩ ŋa ɩ̃ na na maal'ɩ a Ɩsɩrayɛl nɩbɛ, a bibie al pùorí a: Ɩ̃ na ƴãw nɩ a ɩ̃ Wulu a bɛ tɩɛrʋ pʋɔ, ɩ̃ na sɛb ʋ na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.