1 Korɛ̃tɩ 9:19 - A SƐB-SÕW

¹⁹ Mãa na so ɩ̃ tʋɔra bɛ ɩ nɩr za gbãgbaa a, ɩ̃ sàw na lɩɛbɩ nɩbɛ za gbãgbaa, k'ɩ̃ɩ tʋ̃ɔ́ páw a bɛ bɛ́rʋ zie kʋ̀ a Kɩrɩta.

1 Korɛ̃tɩ 9:19 ပူးပေါင်းရင်းမြစ်များ

Zʋkpaɩ 11:30

A nɩ-mɩŋa ɩ na mɛ̃ tɩɛ na tɩrɛ nyɔ-vʋʋrʋ a, ɛ́ a yã-bãwnɛ mɩ́ páw a nɩbɛ socie.

Matie 18:15

«A fʋ yɛb wa ɩ sãw fʋ a, cen tɩ páw ʋ, fʋ̃ʋ nɩ ʋl tɛwr zie, ɛ́ wul ʋ a ʋ sãwna. Ʋlɛ wa bɛr wõ fʋ a, fʋ na páw nɩ a fʋ yɛb.

Ʋrɔm 1:14

Ɩ̃ dɩ n a sɛb-bãwnbɛ nɩ a sɛb-bɛ-bãwnbɛ san, a yã-bãwnbɛ nɩ a dãbole san.

Ʋrɔm 11:14

tɩɛrɛ nɩ k'ɩ̃ɩ ɩ a ɩ̃ bʋʋrɛ nyuur ìr, ɩ̃ tʋ̃ɔ́ faa bɛ mɩnɛ.

Ʋrɔm 15:2

Ŋa za a tɩ pʋɔ, ʋ mɩ́ bɔbr k'ʋʋ ɩrɛ nʋ̃ɔ̀ kpɩɛr a ʋ tɔ sob a ʋ vla ƴãw, k'ʋʋ tʋ̃ɔ́ sõwne ʋ ʋ kɛrɛ a ʋ sàw-deb pʋɔ.

1 Korɛ̃tɩ 10:29

A ka a, a nyɩ tɩɛrʋ ƴɛ̀rʋ bɛ n'a ɩ̃ ƴɛ̀rɛ ɩ, a sob nɛ na yel kʋ̀ nyɩ a, tɩɛrʋ n'ʋ ɩ̃ yere. Bʋ̃ʋ n'ʋ vɛ̃, bʋ̃ʋ ƴãw n'a nɩ-yũo tɩɛrʋ na bãwnɛ a ɩ̃ tʋɔra sob yele?

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

1 Korɛ̃tɩ 7:16

Yel-mɩŋa n'a, ŋmɩŋmɩn za n'a a fʋ̃ʋ pɔw na bãw kɛ́ fʋ na faa nɩ a fʋ sɩr? Bɩɩ a fʋ̃ʋ sɩr kɛ́ fʋ na faa nɩ a fʋ pɔw?

1 Korɛ̃tɩ 9:1

Ɩ̃ bɛ so ɩ̃ tʋɔra bɩɩ? Ɩ̃ bɛ ɩ nɩ-tona bɩɩ? Ɩ̃ bɛ nyɛ̃ a Yeezu tɩ Sore ɩ? Nyɩmɛ bɛ nɛbɛ ɩ a ton ɩ̃ na tõ a Sore pʋɔ a ɩ?

2 Korɛ̃tɩ 12:14

Mãa n'ɩ ŋan cɔbrɩ a nyɩ zie waa baarɩ, ɩ̃ na na wa a gb'a ata sob a, ɛcɛ ɩ̃ cãà kʋ̃ ƴãw nyɩ hanɩ a ɩ̃ ƴãw ɛ. Bʋ̃ʋ n'ʋ vɛ̃, a nyɩ bʋ̃-tɛrɩ bɛ n'a ɩ̃ bɔbr ɛ, a nyɩɩm tɛɛ za n'a ɩ̃ bɔbr. Bibiir bɛ nɛbɛ a fɛrɛ kɛ́ bɛ bɔbr bine a dɔwrbɛ ƴãw ɛ, dɔwrbɛ nɛbɛ a fɛr kɛ́ bɛ ɩrɛ a lɛ a bibiir ƴãw.

2 Korɛ̃tɩ 4:15

A nyɩɩm ƴãw n'a tɩ sàwr tuo za, k'aa Naaŋmɩn maalʋ tarɛ nɩ-yaga dɔwlɛ, lɛ n'a nɩ-yaga na puore a Naaŋmɩn yãanɩ a ʋ yúor-vɩɛlʋ-danʋ ƴãw.

2 Korɛ̃tɩ 4:5

Tɩɩm mɩŋa bɛ nɛbɛ tɩ hiere yere kʋ̀rɛ a nɩbɛ ɩ, Sore Yeezu Kɩrɩta n'ʋ. Tɩɩm a, tɩ yere na kɛ́ tɩ ɩ n a nyɩ tõ-tõ-biir a Yeezu zũú.

Galasi 5:1

A Kɩrɩta ír tɩ na bɛr a gbãgbaalʋ pʋɔ, kɛ́ tɩ sɩrɩ so tɩ tʋɔra. A na ɩ à ŋá a, nyɩ ƴãw fãw ta lɛb de a gbãgba-mie ɩ.

Galasi 5:13

Yɛbr i, a nyɩɩm a, a tʋɔra-sob ƴãw n'a bɛ bʋɔlɩ nyɩ. Ɛcɛ nyɩ taa wa yel kɛ́ a tʋɔra-sob ŋa ƴãw ɛ́ tuur a nyɩ nɩsaal yel-bɔbrɩ na bɛ vɩɛl a ɩ. Nyɩ nɩ̃ɛ mɩ́ kaarɛ taa zie a nɔ̃wfʋ zũú.

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

1 Pɩɛr 3:1

Lɛ mɩ̀ n'a, a nyɩɩm pɔwbɛ, nyɩ sàwr a nyɩ sɩrbɛ nʋɔr, kɛ̀ bɛ mɩnɛ saa wa zawrɩ a Naaŋmɩn ƴɛ̀rʋ sàw deb a, bɛ̃ɛ sàw de ɛ́ nɩr bɛ ƴɛ̀r ƴɛ̀rʋ ɛ, a bɛ pɔwbɛ na ɩrɛ vla a ƴãw.