1 Korɛ̃tɩ 9:18 - A SƐB-SÕW

¹⁸ A na ɩ lɛ a, a ɩ̃ sã-ya pãa n'ɩ buor a? Ʋlɛ n'ɩ k'ɩ̃ɩ hiere a Yel-nʋ̃ɔ̀ kʋ̀rɛ a nɩbɛ zawlalɛ, ɛ́ bɛr a tɔnɛ al za ɩ̃ na tɛr sɔ́r nãá páwr a Yel-nʋ̃ɔ̀ hieru pʋɔ a.

1 Korɛ̃tɩ 9:18 ပူးပေါင်းရင်းမြစ်များ

Zã 4:36

A bʋ̃-diere tĩ na páwr a ʋ sã-ya, ʋ dier'ɩ a ʋ bome ɓanɛ taa a nyɔ-vʋʋrʋ na be kʋralɛ a ƴãw. Lɛ so, a bʋ̀r-bʋ̀rɛ nɩ a bʋ̃-diere lãw na cɩlɛ.

Nɩ-toni 18:3

Ʋlɛ nɩ a bɛl na tɩ lãw tõ-nʋɔr wóbr pɛnɛ-sɛwr a, ʋ tɩ be n a bɛ zie tone.

Ʋrɔm 14:15

Fʋ̃ʋ wa dɩrɛ bom a waar'ɩ pʋ-sãwna a fʋ yɛb zie a, a fʋ ɩb bɛ cãà tuur a nɔ̃wfʋ ɛ. Gù vla taa ɩrɛ a sob ŋa ƴãw a Kɩrɩta na kpi a, ʋ wa kpiir bʋ̃-dɩra tɛwr ƴãw ɛ.

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

1 Korɛ̃tɩ 3:8

A sob nɛ na sɛl a nɩ a sob nɛ na cɔ̀r a ɩ n been, ɛ́ ŋa za na páw nɩ a ʋ sã-ya sɛw taa nɩ a ʋ tome.

1 Korɛ̃tɩ 7:31

bɛlɩ dem na nyɛrɛ tɔnɛ nɩ a tẽw ŋa bome a, bɛ ɩ mɛ̃ bɛ bɛ nyɛrɛ tɔnɛ a. Bʋ̃ʋ n'ʋ vɛ̃, a tẽ-daa ŋa ŋmɛ̃a tɔlɛ na.

1 Korɛ̃tɩ 8:9

Ɛcɛ nyɩ gù vla k'aa nyɩ só-nyɩ-tʋɔra taa ɩrɛ a bãbàalbɛ bɛ lore ɩ.

1 Korɛ̃tɩ 9:12

Bɛ mɩnɛ wa tɛr sɔ́r na ɩrɛ a lɛ a nyɩ zu, bʋ̃ʋ n'ʋ so tɩɩm kʋ̃ nɩ̃ɛ ɩrɛ a lɛ zuo lɛ? Ɛcɛ tɩ bɛ ɩ à à ŋá tɩ na tɩ tɛr sɔ́r na ɩrɛ a ɩ. Tɩ nɩ̃ɛ na sàw de bom za, kɛ́ yel za ta piw a Kɩrɩta Yel-nʋ̃ɔ̀ ɩ.

1 Korɛ̃tɩ 9:15

Ɛcɛ mãa a, à á ŋá za ɩ̃ na tɩ tɛr sɔ́r nãá ɩrɛ a, ɩ̃ bɛ ɩ a towtow ɛ, ɛ́ mɩ̀ bɛ lɛb sɛbr à á ŋá k'ɩ̃ɩ tʋ̃ɔ́ ɩrɛ a ɩ. Mãa nɩ̃ɛ kpi a, alɛ sa. Nɩr bɛ be na faa a nyʋʋr bom ŋa a ɩ̃ zie ɩ.

1 Korɛ̃tɩ 9:17

Mãa mɩŋa tɩ n'ʋ nɔnɛ tone a ton ŋa a, ɩ̃ tɩ tɛr'ɩ sɔ́r nãá páwr sã-ya. Ɛcɛ ʋlɛ wa ɩ fɛrʋ ton a, ʋ ɩ n ton bɛ kʋ̀ m.

2 Korɛ̃tɩ 4:5

Tɩɩm mɩŋa bɛ nɛbɛ tɩ hiere yere kʋ̀rɛ a nɩbɛ ɩ, Sore Yeezu Kɩrɩta n'ʋ. Tɩɩm a, tɩ yere na kɛ́ tɩ ɩ n a nyɩ tõ-tõ-biir a Yeezu zũú.

1 Tesalonikɩ 2:6

Tɩ na ɩ a Kɩrɩta nɩ-toni a ƴãw, tɩ nãá tʋ̃ɔ́ na dɩ nɩ-kpɛ̃ɛnʋ a nyɩ zu. Ɛcɛ tɩ bɛ dãw bɔ yúor nɩr za zie ɩ, a nyɩɩm zie bɩɩ nɩ-yoru zie ɩ. Tɩ nɩ̃ɛ na tɛr su-baalʋ yaga a nyɩ sɔgɔ, mɛ̃ mã na kaarɛ a ʋ bibiir zie nɩ nɔ̃wfʋ a.