1 Korɛ̃tɩ 9:13 - A SƐB-SÕW

¹³ Nyɩ bɛ bãw k'aa bɛlɩ dem na tone a Ŋmɩn-yir-kpɛ̃ɛ pʋɔ a, a Ŋmɩn-yir-kpɛ̃ɛ n'ʋ guole bɛ ɩ? Ɛ́ a bɛlɩ dem na tone a bàwr-maal-kuur zu tome a, bɛ pʋɔ nɩ a bàwr-maal-kuur zu de-kʋ̀b bome pʋɔ ɩ?

1 Korɛ̃tɩ 9:13 ပူးပေါင်းရင်းမြစ်များ

Levitɩ mɩnɛ 21:22

Ʋ na tʋ̃ɔ́ na mɩ́ dɩ a bàwr bɛ na maalɩ kʋ̀ m a bome, a bʋ̃-dɩrɩ al a mãa yõ na so a, nɩ a bʋ̃-dɩrɩ al na cɛ a.

Levitɩ mɩnɛ 22:7

A mʋ̃tɔ̃w wa kpɩɛr wa báarɛ a, a ʋ dɛwr baar'a, ʋ na tʋ̃ɔ́ na mɩ́ lɛb dɩ a bàwr-maal-bome a Naaŋmɩn na so a, bʋ̃ʋ n'ʋ vɛ̃, a ʋ bʋ̃-dɩrɩ n'a.

Levitɩ mɩnɛ 7:31

Lɛ n'a a bàwr-maalɛ na nyɩw a nɛn-kãánɩ a bàwr-maal-kuur zu. A nyãa ʋl a, a Aarɔ̃ nɩ a ʋ bidɛbr so ʋ.

Sɔr-nɛ́ɛ 18:31

Nyɩ na tʋ̃ɔ́ na mɩ́ dɩ a bome á ŋá zie za, nyɩmɛ nɩ a nyɩ yie dem za. Bʋ̃ʋ n'ʋ vɛ̃, a tome nyɩ na tone a tuor-taa pɛn-sɛw pʋɔ a sã-ya n'a.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

1 Korɛ̃tɩ 10:18

Nyɩ nyɛ̃ a Ɩsɩrayɛl bʋʋrɛ nɩbɛ a: a bɛlɩ dem na 'wɔbr a nɛnɛ bɛ na de kʋ̀ a Naaŋmɩn a, bɛ bɛ mɩ́ lãw nɩ a Naaŋmɩn na so a bàwr-maal-kuur a bɩɩ?

1 Korɛ̃tɩ 9:24

Nyɩ bɛ bãw k'aa bɛlɩ dem na mɩ́ dãwnɛ taa a dɩ̃ɛnʋ zie a, bɛ za nɛbɛ mɩ́ zɔrɛ, ɛcɛ been yõ n'ʋ mɩ́ wa páw a zɔ-tʋ̃ɔ́fʋ bom ɛ? A na ɩ à ŋá a, nyɩ zɔrɛ zɔba na na ɩ nyɩ páw a zɔ-tʋ̃ɔ́fʋ sã-ya a.

Wulu-ayi-sob 10:9

Alɛ n'a so a Levi dɔwlʋ bɛ tɛr tẽsɔwr ʋ na so a, mɛ̃ a ʋ yɛbr a ɩ. A Sore n'ɩ a ʋ bom, mɛ̃ a lɛ a Sore nyɩ Naaŋmɩn na yel kʋ̀ ʋ a. —

1 Samɩɛl 2:28

Ɩ̃ kaa na ír a fʋ sãàkʋm, a Ɩsɩrayɛl dɔwlʋ za pʋɔ, k'ɩ̃ɩ ɩ ʋ ɩ a ɩ̃ bàwr-maalɛ, maalɛ a bagɛ kʋ̀rɛ mɛ̃ a ɩ̃ bàwr-maal-kuur zu, nyɩwr a tɩ-suur-zɔ̃-na-nyùur-vla-vla-a, suur a bàwr-maal-kara nyãa-kpale a ɩ̃ niŋé. Ɩ̃ kʋ̀ n a fʋ sãàkʋm a Ɩsɩrayɛl nɩbɛ de-kʋ̀b bome za.