1 Korɛ̃tɩ 8:6 - A SƐB-SÕW

⁶ tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

1 Korɛ̃tɩ 8:6 ပူးပေါင်းရင်းမြစ်များ

Ɩzayi 46:9

Nyɩ bãwnɩ a yele na de niwn ɩ a, a koro za yele: mãa n'ɩ a Naaŋmɩn, kãw bɛ lɛb ka be ɩ. Naaŋmɩn bɛ be be mɛ̃ a mãa a ɩ.

Zeremi 10:6

Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

Zeremi 10:7

Nɩ-bʋʋrɛ nãà a, ãa n'ʋ bɛ sɛw k'ʋʋ zɔrɛ fʋ? Fʋ sɛwnɩ nɩ a lɛ. A yã-bãwnbɛ za na be a tẽ-daa zu a, nɩ a naalʋ-ten za pʋɔ a, nɩr bɛ be be ŋmɛ̃ taa nɩ fʋ ɛ.

Zonasɩ 1:9

A Zonasɩ tɩ sɔw bɛ na: «Ɩ̃ ɩ n ebre ɛ́ puore a Sore, a salom zu Naaŋmɩn na ír a kʋ̃ɔ-kpɛ̃ɛ nɩ a tẽw a.»

Malasɩ 2:10

«Sãà-been bɛ n'ʋ tɩ za lãw ɛ? Naaŋmɩn-been bɛ n'ʋ ír tɩ ɛ? Ɛ́ bʋ̃ʋ n'ʋ so tɩ mɩlɛ taa, sãwnɛ a wõ-taa na be a Naaŋmɩn nɩ a tɩ sãàkʋm-kore cara pʋɔ a bɛrɛ?

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Zã 1:10

A Ƴɛ̀rʋ tɩ be n a tẽ-daa zu, ɛ́ ʋlɛ n'ʋ ír a tẽ-daa, ɛ́ a tẽ-daa bɛ wa bãw ʋ ɛ.

Zã 1:3

Ʋlɛ n'ʋ so kɛ̀ bom za be, ɛ́ ʋl ƴãw bɛ tɩ n'a a, bom za kʋ̃ʋ tɩ be ɩ.

Zã 10:30

mãa nɩ a ɩ̃ Sãà za ɩ n been.»

Zã 13:13

Mɛ̃ nyɩ taa bʋɔlɛ mɛ̃ Wul-wul-kara nɩ Sore: yel-mɩŋa n'a nyɩ mɩ́ yel: ɩ̃ ɩ ʋ nɩ sɩza.

Zã 14:20

A ʋlɩ bibir nɛ a, nyɩ na bãw na k'ɩ̃ɩ lãw nɩ nɩ a ɩ̃ Sãà, kɛ́ nyɩ lãw nɩ mɛ̃ na, ɩ̃ɩ mɩ̀ lãw nɩ nyɩ.

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

Nɩ-toni 17:28

Ʋlɛ n'ʋ so tɩ ɩ nɩbɛ vʋʋrɛ ɛ́ damnɛ, ɛ́ be mɛ̃ a lɛ a nyɩ yã-bãwnbɛ bɛ mɩnɛ na yel a: “Tɩ ɩ n a ʋ bʋʋrɛ.”

Nɩ-toni 2:36

A Ɩsɩrayɛl bʋʋrɛ za, bɛ bãwnɩ a vla: a Yeezu ŋa tɔr za nyɩ na kpa a da-gara zu a, Naaŋmɩn ɩ na ʋ ɩ Sore nɩ Kɩrɩta.»

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

1 Korɛ̃tɩ 1:2

Nyɩɩm na ɩ a Naaŋmɩn Lãw-yir be a Korɛ̃tɩ a, nyɩɩm na páw a sonu lãwnɩ a Kɩrɩta Yeezu a, nyɩɩm bɛ na bʋɔlɛ nɩ-son lãwnɩ a bɛlɩ dem za na bʋɔlɛ a tɩ Sore Yeezu Kɩrɩta yúor zie nɛ za bɛ na be a, ʋl na ɩ a tɩɩm nɩ a bɛl za Sore a, nyɩ za nɛbɛ ɩ̃ sɛbr.

1 Korɛ̃tɩ 12:3

Alɛ n'a so ɩ̃ bɔbr kɛ́ nyɩ bãw a yel ŋa: nɩr za Naaŋmɩn Vʋʋrʋ na ƴãw ʋ ƴɛ̀rɛ a, ʋ bɛ yere: «A Yeezu, ʋ ɩ nɩ-ŋmɛ-ƴãwna ɩ!», ɛ́ alɛ bɛ ɩ a Vʋʋrʋ Sõw zũú a, nɩr kʋ̃ tʋ̃ɔ́ yel: «A Yeezu ɩ n Sore ɩ!»

1 Korɛ̃tɩ 6:13

Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw.

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

Efɛɛzɩ 1:3

A Naaŋmɩn, tɩ Sore Yeezu Kɩrɩta Sãà, tɛr'ɩ puoru. Tɩ na lãw nɩ a Kɩrɩta a, ʋ maalɩ tɩ nɩ a tẽ-vla pʋɔ nɩ maal-pɛ-bʋʋrɛ za a Vʋʋrʋ Sõw na tɩrɛ a.

Efɛɛzɩ 3:14

Alɛ n'a so ɩ̃ gbine dume a Naaŋmɩn Sãà niŋé,

Wulu-ayi-sob 4:35

Nyɩɩm'a, ʋ ɩ na nyɩ nyɛ̃ a yele á ŋá, kɛ́ nyɩ tʋ̃ɔ́ bãw k'aa Sore yõ n'ʋ ɩ Naaŋmɩn, ŋmɩmɛ bɛ be be pʋɔ a ʋ ƴãw ɛ.

Wulu-ayi-sob 4:39

A na ɩ à ŋá a, nyɩ bãwnɩ a, ɛ́ tɛr a yel ŋa a nyɩ tɩɛrʋ pʋɔ: a Sore yõ n'ɩ a Naaŋmɩn, a saa-zu, a salom zu, nɩ a pile ka a tẽw zu. Ŋmɩn-yoru bɛ be be pʋɔ a ʋ ƴãw ɛ.

Wulu-ayi-sob 6:4

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

Kɔlɔsɩ 1:6

A Yel-nʋ̃ɔ̀ manɛ na yaarɛ ɛ́ wɔnɛ wɔmɛ a tẽ-daa za zu, mɛ̃ a lɛ ʋ na tɩ ɩ a nyɩ sɔgɔ a ʋlɩ bibir nɛ za nyɩ na wõ bɛ ƴɛ̀r a Naaŋmɩn maalʋ ƴɛ̀rʋ, ɛ́ nyɩ nyɛ̃ lɛ ʋ na sɩrɩ ŋmɛ̃ a.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.