1 Korɛ̃tɩ 8:4 - A SƐB-SÕW

⁴ Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

1 Korɛ̃tɩ 8:4 ပူးပေါင်းရင်းမြစ်များ

Sɛb-sõw yielu 86:10

Bʋ̃ʋ n'ʋ vɛ̃, fʋ ɩ n kpɛ̃ɛ ɛ́ maalɛ nɔ-ɓãa-yele, fʋ̃ʋ yõ tẽtẽ n'ʋ ɩ Naaŋmɩn.

Ɩzayi 37:16

«Sore kpɛnʋ-za-sob, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

Ɩzayi 37:20

Ɛcɛ fʋ̃ʋ a, Sore tɩ Naaŋmɩn i, faa tɩ a Senakerib nuru pʋɔ. Lɛ n'a a naalʋ-ten za pʋɔ bɛ na bãw kɛ́ fʋ̃ʋ yõ n'ʋ ɩ Naaŋmɩn.»

Ɩzayi 41:24

Ɛcɛ nyɩ bɛ ɩ bom za ɩ, a nyɩ tõ-toni bɛ tɛr pɛr ɛ. Sob nɛ na kaa ír nyɩ nyɩ ɩ a ʋ ŋmɩmɛ a ɩrɛ nɩ kɔkɔrʋ mɛ̃ a nyɩɩm a.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 45:5

Mãa n'ɩ a Sore, kãw bɛ lɛb ka be ɩ. Mãa bɛ wa n'ʋ a, Naaŋmɩn bɛ ka be ɩ. Fʋ bɛ bãw mɛ̃ ɩ, ɛcɛ ɩ̃ kʋ̀rɛ fʋ a tome.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 10:14

Lɛ n'a a nɩbɛ za dɛ mɩ́ àr lɛ, bol, bɛ bãw bom pɛr ɛ. Vĩ ɩrɛ nɩ a kur-nyɩlbɛ za, a bɛ ŋmɩn-bɛlmɛ ƴãw. A dasuli á ŋá ɩ n bɛlʋ: vʋʋrʋ bɛ be a pʋɔ ɩ.

Markɩ 12:29

A Yeezu sɔw ʋ: «Nyɛ̃ a dãw-niwn sob: “Bɛrɛ wone Ɩsɩrayɛl i, a Sore tɩ Naaŋmɩn n'ɩ a Sore been yõ.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Nɩ-toni 15:20

Ɛcɛ tɩ sɛb yel kʋ̀ bɛ kɛ́ bɛ ciir a bàwr nɛnɛ, nɩ a pɩ̃ɔ-yele, bɛ taa 'wɔbr dʋ̃w bɛ na bɛ ŋmãa a kɔkɔr a nɛn ɛ, bɛ taa 'wɔbr a zɩ̃ɩ ɛ.

Nɩ-toni 19:26

Ɛcɛ nyɩ nyɛ̃ a na, bɩɩ nyɩ wõ a na: a Pol ƴɛ̀rʋ damnɛ nɩ nɩ-yaga yaga a Efɛɛzɩ ka, tɩ faar na ta n a Azi za. Ʋ ɩ na a nɩbɛ sàw kɛ́ a ŋmɩmɛ tɩ na maalɛ nɩ a tɩ nuru a, ɛ́ a bɛ ɩ ŋmɩmɛ ɩ.

1 Korɛ̃tɩ 8:1

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a, «tɩ za tɛr'ɩ a yele bãwfʋ», mɛ̃ a lɛ nyɩ na mɩ́ yel a. Ɛcɛ a yele bãwfʋ mɩ́ ɩ n a nɩsaal zɛwr ʋ tʋɔra, ɛ́ nɔ̃wfʋ mɩ́ ɩ a Lãw-yir ʋ kɛrɛ dɔwlɛ.

1 Korɛ̃tɩ 8:10

Bʋ̃ʋ n'ʋ vɛ̃, nɩr wa nyɛ̃ a fʋ̃ʋ na bãw a, fʋ zɩ̃ a tɩbɛ yir pʋɔ dɩrɛ a, mɛ̃ ʋ taa mɩ̀ na bɔbr a tɩbɛ bàwr-nɛnɛ 'wɔbrʋ, ʋl a tɩɛrʋ na bɛ kpɛmɛ a?

1 Korɛ̃tɩ 8:11

Ɛ́ a fʋ̃ʋ na bãw a zũú, a bãbàal na kpi na, a yɛb ŋa ƴãw a Kɩrɩta na kpi a.

Galasi 4:8

A dãwdãw nyɩ na bɛ tɩ bãw a Naaŋmɩn a, nyɩ tɩ ɩ n ŋmɩmɛ na bɛ ɩ ŋmɩmɛ a gbãgbaar.

Efɛɛzɩ 4:6

Naaŋmɩn-been yõ na ɩ a bɛ za Sãà a, na so bɛ za a, na tone bɛ za zie, ɛ́ lãw nɩ bɛ za a.

Wulu-ayi-sob 3:24

«Sore Naaŋmɩn i, fʋ tĩ na wul mɛ̃ fʋ na ɩ kpɛ̃ɛ nɩ fʋ na tɛr kpɛnʋ a. Ŋmɩn kãw za bɛ be a salom zu bɩɩ a tẽw zu na tʋ̃ɔ́ tõ tome bɩɩ maalɩ nɔ-ɓãa-yele mɛ̃ a fʋ dem a ɩ!

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

Wulu-ayi-sob 4:35

Nyɩɩm'a, ʋ ɩ na nyɩ nyɛ̃ a yele á ŋá, kɛ́ nyɩ tʋ̃ɔ́ bãw k'aa Sore yõ n'ʋ ɩ Naaŋmɩn, ŋmɩmɛ bɛ be be pʋɔ a ʋ ƴãw ɛ.

Wulu-ayi-sob 4:39

A na ɩ à ŋá a, nyɩ bãwnɩ a, ɛ́ tɛr a yel ŋa a nyɩ tɩɛrʋ pʋɔ: a Sore yõ n'ɩ a Naaŋmɩn, a saa-zu, a salom zu, nɩ a pile ka a tẽw zu. Ŋmɩn-yoru bɛ be be pʋɔ a ʋ ƴãw ɛ.

Wulu-ayi-sob 6:4

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.