A Salomɔ̃ tɩ wul'a k'ʋʋ nɔnɛ nɩ a Sore, ʋ na tɩ ɩrɛ a lɛ a ʋ sãà Daviir na tɩ yel kʋ̀ ʋ a ƴãw. Ɛcɛ ʋ mɩ̀ tɩ kʋrɛ nɩ dʋn maalɛ nɩ bagɛ, ɛ́ nyɩwr a tɩ-suur-zɔ̃-na-nyùur-vla-vla-a, a maalʋ-ziir.
Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.
Naaŋmɩn bɛ jɛ a ʋ nɩbɛ ʋ na tɩ dãw kaa ír a bɛr ɛ. Mɛ̃ nyɩ taa bãw a lɛ a Sɛb-sõw na yel a ʋ zie kãw, a lɛ a naaŋmɩn-ƴɛ̀r-manɛ Eli na tɩ manɛ a Ɩsɩrayɛl nɩbɛ sãwna a Naaŋmɩn zie a?
Ƴɛrɛŋa a, caala pʋɔ n'a tɩ jɩ́rɛ mɩ́ nyɛ̃ a bom ʋ bɛ maal sãá ɩ, ɛcɛ a nɩdaar a, tɩ na mɩ́ càar'a nyɛ̃. A ƴɛrɛŋa a, a ɩ̃ bãwfʋ tɛr'ɩ tɛwfʋ zie, nɩdaar a, ɩ̃ na bãw nɩ a Naaŋmɩn vla mɛ̃ a lɛ ʋ na bãw mɛ̃ a.
Ɛcɛ, mɛ̃ a lɛ bɛ na sɛb a: «Bom nɛ mimir na bɛ nyɛ̃ a, bom nɛ tobr na bɛ wõ a, bom nɛ a tɩɛrʋ na bɛ tɔ a nɩsaal a, ʋlɛ n'ʋ a Naaŋmɩn cɔbrɩ a bɛlɩ dem na nɔnɛ ʋ a ƴãw.»
Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar?
Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»
Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.
Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?
a Yeezu Kɩrɩta nyɩ na nɔnɛ ɛ́ bɛ nyɛ̃ a, a ʋl nyɩ mɩ̀ na sàw de ɛ́ bɛ nyɛ̃ sɛr a. Ɛ́ nyɩ na sàw de a, nyɩ cɩlɛ nɩ nʋ̃ɔ̀ cɩlʋ na bɛ tɛr manʋ, ɛ́ ɩ a nyɩ yúor-vɩɛlʋ-danʋ cɩlʋ a,
ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.
Ɩ̃ bãw nɩ a fʋ tome, a fʋ nɔ̃wfʋ, a fʋ sàw-deb, a nɩbɛ sõwfʋ tɩɛrʋ fʋ na tɛr a, nɩ a fʋ kanyir. A tome fʋ na bɩɛrɩ tõ a, a yãwmɛ na zuo a al fʋ na de niwn tõ a.
ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.
