1 Korɛ̃tɩ 7:5 - A SƐB-SÕW

⁵ Nyɩ ta sɩbr taa a lãw-taa, ɛ́ a bɛ ɩ kɛ́ nyɩ wõ n taa ŋmãa bɛr blãlɛ ƴãw kɛ́ nyɩ tʋ̃ɔ́ puori ɛ. Al pùorí, nyɩ lɛb lãwnɛ taa, alɛ bɛ ɩ lɛ, nyɩ nãà tɛrɛ nɩ nyɩ tʋɔra guur lo a Sɩtaana bɛ̀lʋ pʋɔ.

1 Korɛ̃tɩ 7:5 ပူးပေါင်းရင်းမြစ်များ

Eziptɩ tẽw yib 19:15

Al pùorí ʋ yel bɛ: «Nyɩ cɔbrɩ gù a deyere. Nyɩ taa pɩɛlɛ a nyɩ pɔwbɛ ɩ.»

Eziptɩ tẽw yib 21:10

A zu-sob wa de pɔw ƴãw pʋɔ a, ʋ na cãà na kʋ̀rɛ a dãw-niwn sob a bʋ̃-dɩrɩ, a bʋ̃-suuri, ɛ́ cãà lãwnɛ nɩ ʋ mɛ̃ a dãwdãw a.

Zowɛl 2:16

Nyɩ bʋɔlɩ a nɩbɛ za ɓã taa, nyɩ tɛr kpaa-ta-sõw. Nyɩ bʋɔlɩ a nɩ-kore ɓã taa, nyɩ bʋɔlɩ a bibiir ɓã taa, tɩ lãwnɩ a bɛl na cãà ƴɛnɛ a. A dɛb-sãan ʋ yi a ʋ dĩó, ɛ́ a pɔw-sãan yi a ʋ di-gana pʋɔ.

Zakari 7:3

Kɛ́ bɛ tɩ sowri sowru ŋa a bàwr-maalbɛ na tone a Sore, a Kpɛnʋ-za-sob yir-kpɛ̃ɛ pʋɔ a, ɛ́ mɩ̀ sowri a naaŋmɩn-ƴɛ̀r-manbɛ: «A fɛr'a kɛ́ tɩ mɩ́ cãà kone, ɛ́ tɛr mʋta-tuo a yũon cuwr anũu sob, mɛ̃ a lɛ tɩ na ɩrɛ a koro kãw za a bɩɩ?»

Matie 17:21

A kɔ̃tɔn ŋa bʋʋrɛ a, puoru nɩ mʋta-tuo tɛrʋ tɛwr'a na tʋ̃ɔ́ ír ʋ.»]

Matie 19:11

A Yeezu tɩ sɔw bɛ na: «Nɩbɛ za bɛ n'a na tʋ̃ɔ́ bãw a ƴɛ̀rʋ ŋa pɛr ɛ, a bɛlɩ dem tɛwr bɛ na kʋ̀ a, bɛlɛ nɛbɛ na tʋ̃ɔ́ bãw ʋ.

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

1 Korɛ̃tɩ 7:4

A pɔw bɛ n'ʋ so a ʋ mɩŋa ƴã-gan ɛ, a ʋ sɩr so ʋ. Lɛ mɩ̀ n'a, a sɩr bɛ n'ʋ so a ʋ mɩŋa ƴã-gan ɛ, a ʋ pɔw so ʋ.

1 Tesalonikɩ 3:5

Al ƴãw n'a ɩ̃ tɩ vʋʋrɩ gu ɛ́ tõ kɛ́ bɛ wa nyɛ̃ a lɛ a nyɩ naaŋmɩn-sàw-deb na ɩ a, k'aa Bɛlbɛlɛ taa wa mab bɛlɩ nyɔw nyɩ, ɛ́ tɩ hanɩ zawlalɛ ɩ.