1 Korɛ̃tɩ 7:35 - A SƐB-SÕW

³⁵ A nyɩ vla ƴãw n'a ɩ̃ yere à à ŋá, bɛra pʋɔ bɛ n'a ɩ̃ ƴãwnɛ nyɩ ɛ, ɩ̃ nɩ̃ɛ na bɔbr kɛ́ nyɩ ɩrɛ bom na vɩɛl sɛwnɩ ƴãwfʋ a, kɛ́ nyɩ lãw nɩ a Sore ta bãw taw-taa kãw za ɩ.

1 Korɛ̃tɩ 7:35 ပူးပေါင်းရင်းမြစ်များ

Matie 19:12

Bʋ̃ʋ n'ʋ vɛ̃, nɩbɛ bɛ mɩnɛ mɩ́ dɔw na ɩ vaɩ, bɛ mɩnɛ a, nɩsaalbɛ nɛbɛ mɩ́ ɩ bɛ ɩ a vaɩ, ɛ́ bɛ mɩnɛ mɩ́ kaa ír ɩ a vaɩ a tẽ-vla Naalʋ ƴãw. Sob nɛ na na tʋ̃ɔ́ bãw a pɛr a, ʋ bãw!»

Matie 22:15

A Faarizɩ̃ɛ mɩnɛ tɩ cen na tɩ kpaa taa, kɛ́ bɛ nyɛ̃ a lɛ bɛ na na ɩ nyɔw a Yeezu a ʋ ƴɛ̀rʋ pʋɔ a.

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Luka 8:14

A bʋ̃-bie al na lo a gʋʋr pʋɔ a, n'ɩ a bɛlɩ dem na mɩ́ wõ a Naaŋmɩn ƴɛ̀rʋ ɛ́ bɛr a yel-bɔbrɩ, a naalʋ nɩ a tẽw zu nʋ̃ɔ̀ fɩɩrɩ bɛ kʋ a bɛ cenu pʋɔ, ɛ̀ bɛ bɛ tʋ̃ɔ́ wɔ̃ wɔmɛ a.

1 Korɛ̃tɩ 7:2

Ɛcɛ a pɩ̃ɔ-yele zũú a, kɛ́ dɛb za mɩ́ kul ʋ pɔw, ɛ́ pɔw za kul ʋ sɩr.

1 Korɛ̃tɩ 7:28

Ɛcɛ fʋ̃ʋ wa kul pɔw a, fʋ bɛ maalɩ yel-bier ɛ. Ɛ́ pɔwsɩrale wa kul sɩr a, ʋ bɛ maalɩ yel-bier ɛ. Ɛcɛ a bɛl na kul taa a, bɛ na páw nɩ kpɩɛrʋ yaga, ɛ́ alɛ n'a ɩ̃ bɔbr kɛ́ nyɩ ta páw ɛ.

1 Korɛ̃tɩ 7:36

Pɔlbile wa nyɛ̃ ʋ sãwnɛ a ʋ ƴãwnɩ-yúor pʋɔ, ʋ na kʋ̃ kul ʋ a, a pɔw vʋla wa kpɩɛr ʋ tɩ zuo, ʋʋ bãw k'aa tɩ sɛw na kɛ́ bɛ kul taa a, bɛ̃ɛ kul bɛ taa mɛ̃ a lɛ ʋ na bɔbr a. Ʋ bɛ maalɛ yel-bier ɛ.

Efɛɛzɩ 5:3

Nyɩ pʋɔ nɩ a Naaŋmɩn nɩ-bʋʋrɛ pʋɔ, lɛ so a bɛ sɛw kɛ́ bɛ lɛb por pɩ̃ɔ-yele nɩ nɩ-fa-ɩb bʋʋrɛ kãw za lãwnɩ nyuur yúor a nyɩ pʋɔ ɩ.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

1 Timote 1:10

pɩ̃ɔ-yel-maalbɛ, dɛb-bɛrɛ na gánɛ nɩ dɛbli a, nɩbɛ na kʋɔrɛ gbãgbaar a, zir-ŋmarbɛ ƴãw n'a, nɩbɛ na mɩ́ pɔ ɛ́ bɛ ír a bɛ pɔɛ a ƴãw n'a, nɩ bom za na bɛ tu a wul-vla a.

Títɩ̀ 2:3

Lɛ mɩ̀ n'a, yel kʋ̀ a pɔw-nyamɛ kɛ́ bɛ vʋʋrɛ mɛ̃ nɩ-son a. Bɛ ta ɩ gɛgɛrɩ ɛ, ɛ́ ta ɩ dã-nyúurbɛ ɩ. Kɛ́ bɛ wule a vla,