1 Korɛ̃tɩ 7:30 - A SƐB-SÕW

³⁰ a bɛlɩ dem na kone a, bɛ ɩ mɛ̃ bɛ bɛ kone a, a bɛlɩ dem na cɩlɛ a, bɛ ɩ mɛ̃ bɛ bɛ cɩlɛ a, a bɛlɩ dem na daar bome a, bɛ ɩ mɛ̃ bɛ bɛ tɛr bom a,

1 Korɛ̃tɩ 7:30 ပူးပေါင်းရင်းမြစ်များ

Sɛb-sõw yielu 30:5

Nyɩ danɛ a Sore nɩ a nyɩ yielu, nyɩɩm ʋ nɩbɛ na sàw de ʋ a. Nyɩ danɛ ʋ, ɛ́ hiere yere a ʋ sonu.

Ekilezɩasɩ 3:4

Kon daar be n be, laarʋ daar be be. Kuor cɛlsɩ daar be n be, nʋ̃ɔ̀ bɩnɛ daar be be.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 30:19

Nyɩɩm, Sɩyɔ̃ tẽw nɩbɛ ɛ, nyɩɩm na kpɩɛr a Zerizalɛm a, nyɩ kʋ̃ lɛb kõ ɩ. Nyɩmɛ wa kone cɔwr a Sore a, ʋ na wul nyɩ nɩ a ʋ nɔ̃wfʋ. Ʋlɛ wa dɛ wõ a nyɩ kon a, ʋ na sɔw nyɩ na.

Ezekɩɛl 7:12

A daar ta na, a ƴɛ̀rʋ-dɩb pɩɛl'a. Sob nɛ na dàar a, ʋ ta cɩlɛ ɩ, sob nɛ na kʋɔrɛ a, ʋ ta tɛr pʋ-sãwna ɩ. Bʋ̃ʋ n'ʋ vɛ̃, ɩ̃ nyɛ̃ nɩ suur nɩ a nɩ-bʋʋrɛ za kpɛ̃lɛ̃kpɛ̃lɛ̃.

Luka 16:25

Ɛcɛ a Abraham tɩ yel ʋ na: “Ɩ̃ bie e, lɛb tɩɛrɩ bãwnɩ fʋ na páw a nʋ̃ɔ̀ a fʋ tẽw zu nyɔ-vʋʋrʋ pʋɔ, ɛ́ a Lazaar páw a tuo a. Ƴɛrɛŋa a, ʋ nyɛrɛ nɩ mɔwlʋ a ka, ɛ́ fʋ mɩ̀ nɩ̃ɛ wone tuo.

Luka 6:21

Zu-nʋ̃ɔ̀ dem n'ɩ nyɩ, nyɩɩm kɔ̃ na kpɩɛr a ƴɛrɛŋa a: nyɩ nãà tɩw na! Zu-nʋ̃ɔ̀ dem n'ɩ nyɩ, nyɩɩm na kone a ƴɛrɛŋa a: nyɩ nãà laar a!»

Luka 6:25

Baw-bio dem n'ɩ nyɩ, nyɩɩm na tɩw a ƴɛrɛŋa a, kɔ̃ nãà kpɛ nyɩ na! Baw-bio dem n'ɩ nyɩ, nyɩɩm na laar a ƴɛrɛŋa a, nyɩ nãà be n wahala pʋɔ kone!

Zã 16:22

À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.»

1 Korɛ̃tɩ 7:29

Yɛbr i, yel ŋa n'ʋ ɩ̃ bɔbr k'ɩ̃ɩ yel: a nɩdaar bɛ cãà zãá ɩ. Dɩ̃a na ta a, a pɔw-tɛrbɛ, bɛ ɩ mɛ̃ bɛ bɛ tɛr pɔwbɛ a,

1 Korɛ̃tɩ 7:31

bɛlɩ dem na nyɛrɛ tɔnɛ nɩ a tẽw ŋa bome a, bɛ ɩ mɛ̃ bɛ bɛ nyɛrɛ tɔnɛ a. Bʋ̃ʋ n'ʋ vɛ̃, a tẽ-daa ŋa ŋmɛ̃a tɔlɛ na.

Yel-wula 18:7

Mɛ̃ a lɛ ʋ na nyɛ̃ a yúor ɛ́ dɩ a dɛpaalʋ a, nyɩ ɩ k'ʋ mɩ̀ nyɛ̃ a kpɩɛrʋ nɩ a wahala. Mɛ̃ ʋ taa tɩɛr'ɩ ʋ pʋɔ à ŋá: “Ɩ̃ zɩ̃ n a ka mɛ̃ pɔw-nãà a, ɩ̃ bɛ ɩ pɔw-kʋɔr ɛ, ɛ́ kʋ̃ bãw wahala towtow ɛ.”

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»