1 Korɛ̃tɩ 7:17 - A SƐB-SÕW

¹⁷ A yel ŋa ƴãw bɛ wa n'a a, ŋa za, ʋ mɩ́ vʋʋrɛ tu n a lɛ a Sore na kʋ̀ ʋ a, nɩ a lɛ ʋ na tɩ ŋmɛ̃ a lɛn daar a Naaŋmɩn na bʋɔl'ʋ a. À ŋá n'a ɩ̃ wule a Lãw-yie za pʋɔ kɛ́ bɛ tuur.

1 Korɛ̃tɩ 7:17 ပူးပေါင်းရင်းမြစ်များ

Matie 19:12

Bʋ̃ʋ n'ʋ vɛ̃, nɩbɛ bɛ mɩnɛ mɩ́ dɔw na ɩ vaɩ, bɛ mɩnɛ a, nɩsaalbɛ nɛbɛ mɩ́ ɩ bɛ ɩ a vaɩ, ɛ́ bɛ mɩnɛ mɩ́ kaa ír ɩ a vaɩ a tẽ-vla Naalʋ ƴãw. Sob nɛ na na tʋ̃ɔ́ bãw a pɛr a, ʋ bãw!»

1 Korɛ̃tɩ 10:32

Nyɩ ta ɩrɛ bom na na ɩ nɩr faa lo a ɩ, a Zifʋ mɩnɛ zie bɩɩ a bɛl na bɛ ɩ Zifʋ mɩnɛ a zie bɩɩ a Naaŋmɩn Lãw-yir zie ɩ.

1 Korɛ̃tɩ 11:16

Ɛ́ nɩr wa cãà bɔbr k'ʋʋ ŋmɩɛr nɔkpɛn a yel ŋa ƴãw a, ʋ̃ʋ bãw k'aa tɩɩm nɩ a Naaŋmɩn Lãw-yie bɛ lɛb tɛr tub a mɩnɛ kãw a puoru yele ƴãw ɛ.

1 Korɛ̃tɩ 11:34

Kɔ̃ wa kpɩɛr nɩr a, ʋ̃ʋ dɩ a ʋ yir, a nyɩ ɓã-taa ta mɩ́ ɩ a nyɩ dɔwrʋ ƴãw ɛ. Ɛ́ a yele al na cɛ a, ɩ̃ na maal'a na mãa wa ta a nyɩ zie a.

1 Korɛ̃tɩ 14:33

Bʋ̃ʋ n'ʋ vɛ̃, Naaŋmɩn bɛ ɩ bʋnɛ-ɩrɛ Naaŋmɩn ɛ, ʋ ɩ n ƴã-ɓaarʋ Naaŋmɩn. Mɛ̃ a lɛ a na ɩrɛ a kɩrɩta-nɩbɛ Lãw-yie za pʋɔ a,

1 Korɛ̃tɩ 16:1

A cɩɛrʋ nyɩ na cɩɛrɛ ɓanɛ taa a kɩrɩta-nɩbɛ ƴãw a, nyɩ mɩ̀ tuur a lɛ ɩ̃ na wul a Galasi Lãw-yie a.

1 Korɛ̃tɩ 4:17

Al ƴãw sɩrɩ n'a ɩ̃ tõ a ɩ̃ bi-nɔna Timote, na bɛ lɛbr pùor a Sore tome pʋɔ a, a nyɩ zie. Ʋ na lɛb'a sɩ̃w a nyɩ tɩɛrʋ a sɛ́ɛ al ɩ̃ na tuur a ɩ̃ kɩrɩta-nɩr nyɔ-vʋʋrʋ pʋɔ a ƴãw, mɛ̃ a lɛ ɩ̃ na wule a a ziir za, a Lãw-yie za pʋɔ a.

1 Korɛ̃tɩ 7:18

A nyɩ ƴen sob tɩ ŋmãa nɩ yʋ̀ɔr a lɛn daar a Naaŋmɩn na bʋɔl'ʋ a bɩɩ? Ʋ ta sɔwlɛ a ʋ yʋɔr-ŋmãafʋ ɛ. Kãw bɛ tɩ ŋmãa yʋ̀ɔr sɛr ɛ? Ʋ ta ƴãw bɛ ŋmãa ʋ ɛ.

1 Korɛ̃tɩ 7:24

Yɛbr i, ŋa za, ʋ mɩ́ be a Naaŋmɩn niŋé ŋmɛ̃ a lɛ ʋ na tɩ ŋmɛ̃ a lɛn daar a Naaŋmɩn na bʋɔl'ʋ a.

1 Korɛ̃tɩ 7:7

Ɩ̃ bɔbr'a k'aa nɩbɛ za nãá ŋmɛ̃ mɛ̃ a mãa a, ɛcɛ a Naaŋmɩn mɩ́ kʋ̀ n ŋa za a ʋ maalʋ: ŋa mɩ́ páw nɩ maalʋ ŋa, ŋa páw maalʋ ŋa.

2 Korɛ̃tɩ 11:28

Ɩ̃ bɛ ƴɛ̀rɛ a al za na cɛ a ƴɛ̀rʋ ɛ, a yel ʋl na ƴãwnɛ mɛ̃ a tɩɛrʋ bibie za a: a Lãw-yie za kaafʋ tɩɛrʋ.

2 Korɛ̃tɩ 8:18

Tɩ tõ ʋ na, ʋlɛ nɩ a yɛb ʋl a Lãw-yie za na mʋʋrɛ a Yel-nʋ̃ɔ̀ tome ʋ na tone a zũú.

Galasi 1:22

Ɛcɛ a Zude tẽw Kɩrɩta Lãw-yie nɩbɛ bɛ tɩ càarɩ bãw mɛ̃ ɩ.

1 Tesalonikɩ 2:14

Sɩza, yɛbr i, nyɩ cɔwr'ɩ a Naaŋmɩn Lãw-yie na be a Zude tẽw ɛ́ sàw de a Kɩrɩta Yeezu a. Bʋ̃ʋ n'ʋ vɛ̃, a dɔwrʋ a na nyɛ̃ a Zifʋ mɩnɛ zie a, nyɩ mɩ̀ nyɛ̃ a nɩ a nyɩ tẽ-bi-taabɛ tɛɛ za zie.

2 Tesalonikɩ 1:4

Lɛ so tɩ mɩ́ nyʋʋr a nyɩ ƴãw a Naaŋmɩn Lãw-yie sɔgɔ, nyɩ na mɩ́ dɩ kanyir ɛ́ tɛr a naaŋmɩn-sàw-deb, a nyɩ dɔwrʋ za, nɩ a nyɩ kpɩɛrʋ za nyɩ na nyɛrɛ a ƴãw a.