1 Korɛ̃tɩ 6:3 - A SƐB-SÕW

³ Nyɩ bɛ bãw kɛ́ tɩ na maalɩ nɩ a malkɩ mɩnɛ a ƴɛ̀rʋ bɩɩ? Ɛ̀ bɛ nãà yere a tẽw ŋa zu nyɔ-vʋʋrʋ yele e!

1 Korɛ̃tɩ 6:3 ပူးပေါင်းရင်းမြစ်များ

Sɛb-sõw yielu 17:14

A fʋ zɛbr-sɔ-kpɛ̃ɛ, ʋ baarɩ bɛ! Baa kʋ bɛ nɩ a fʋ nũu. A bɛ bom a nɩ-vʋʋrɩ pʋɔ a, ʋ ɩ bɛ na na kʋ̃ pʋɔ a nyɔ-vʋʋrʋ pʋɔ a. Ɩ kɛ̀ bɛ nyũ a kʋ̃ɔ-tuo fʋ na bin gùre nɩ bɛ a. A bɛ bibiir, bɛ nyũ a tɩ sɛw, ɛ́ bɛr a ŋmãa kʋ̀ a bɛ yan!

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Luka 8:14

A bʋ̃-bie al na lo a gʋʋr pʋɔ a, n'ɩ a bɛlɩ dem na mɩ́ wõ a Naaŋmɩn ƴɛ̀rʋ ɛ́ bɛr a yel-bɔbrɩ, a naalʋ nɩ a tẽw zu nʋ̃ɔ̀ fɩɩrɩ bɛ kʋ a bɛ cenu pʋɔ, ɛ̀ bɛ bɛ tʋ̃ɔ́ wɔ̃ wɔmɛ a.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

1 Korɛ̃tɩ 6:15

Nyɩ bɛ bãw kɛ́ a nyɩ ƴã-gamɛ ɩ n a Kɩrɩta ƴã-gan ɓɛrmɛ bɩɩ? Ɩ̃ na sàw na de a Kɩrɩta ƴã-gan ɓɛrmɛ ƴãw a lɩɛbɩ pɔw-yɛm ƴã-gan ɓɛrmɛ bɩɩ? Ʋ̃ʋ'hʋ̃! Towtow!

1 Korɛ̃tɩ 6:16

Nyɩ bɛ bãw kɛ́ nɩr na gã nɩ a pɔw-yɛm a, ʋ lãw nɩ ʋ na bɛ ɩ ƴãw-been ɛ? Bʋ̃ʋ n'ʋ vɛ̃, bɛ yel'ɩ à ŋá: «A bɛ za ayi na ɩ n nɩ-been.»

1 Korɛ̃tɩ 6:19

Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ?

1 Korɛ̃tɩ 6:4

Ɛcɛ nyɩ na mɩ́ wa tɛr a ƴɛ̀rʋ-maalʋ á ŋá taabɛ a, bʋ̃ʋ ƴãw n'a nyɩ mɩ́ de nɩbɛ, a Lãw-yir na bɛ de a bɛ yele a, ƴãw bɛ ɩ a ƴɛ̀r-maalbɛ?

2 Timote 2:4

Nɩr za na kpɛ sojarɩ tome pʋɔ a mɩ́ bɛr'ɩ a nɩ-zawlɛ nyɔ-vʋʋrʋ yele, ʋlɛ wa bɔbr k'ʋʋ pɛlɩ a ʋ nɩ-kpɛ̃ɛ pʋɔ a.

2 Timote 4:10

Bʋ̃ʋ n'ʋ vɛ̃, a Demasɩ zawrɩ mɛ̃ na bɛr ɛ́ tɔl cen Tesalonikɩ, ʋ na nɔ̃w a tẽw ŋa zu yele a ƴãw. Kɩrɛsãsɩ cen nɩ Galasi, Títɩ̀ cen Dalmasɩ.

2 Pɩɛr 2:4

Bʋ̃ʋ n'ʋ vɛ̃, a malkɩ mɩnɛ bɛl na sãw a, a Naaŋmɩn bɛ bɛr bɛ ɩ, ʋ lɔb bɛ na ƴãw a tẽ-faa lige pʋɔ cɛlɛ nɩ a ƴɛ̀rʋ-maalʋ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:6

A malkɩ mɩnɛ na bɛ tɩ sàw tɛr a fãw ʋl tɛwr a Sore na kʋ̀ bɛ a, ɛ́ tɩ zawrɩ a bɛ kpɛb zie bɛr a, a Naaŋmɩn nyɔw bɛ na ƴãw bamɛ kʋralɛ lɔb ƴãw lige pʋɔ, gùre nɩ a ƴɛ̀rʋ-maalʋ bibi-kpɛ̃ɛ nãà wa vɩɛ a.