1 Korɛ̃tɩ 6:20 - A SƐB-SÕW

²⁰ Naaŋmɩn dà nyɩ na nɩ libie na bɛ vʋʋr a. A na ɩ lɛ a, nyɩ íre a Naaŋmɩn yúor-vɩɛlʋ-danʋ nɩ a nyɩ ƴã-gamɛ.

1 Korɛ̃tɩ 6:20 ပူးပေါင်းရင်းမြစ်များ

Ɩzayi 44:22

A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»

Matie 5:16

Lɛ mɩ̀ n'a, a nyɩ cãà, ʋ caalɛ a nɩsaalbɛ, kɛ̀ bɛ tʋ̃ɔ́ nyɛrɛ a nyɩ ɩ-vɩɛlɩ ɛ́ íre a nyɩ Sãà na be a tẽ-vla pʋɔ a yúor-vɩɛlʋ-danʋ.»

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 6:19

Nɩsaalʋ n'a ɩ̃ ƴɛ̀rɛ, a nyɩ bãbàalʋ zũú. Mɛ̃ a lɛ nyɩ na tɩ de nyɩ mɩŋa za tu n a faalʋ nɩ a Wulu zawrʋ pùor, ɩ mɛ̃ gbãgbaar a, ɛ́ a ɩ nyɩ ɩ nɩ-gaarɩ a Naaŋmɩn zie a, a ƴɛrɛŋa a, nyɩ mɩ̀ de nyɩ mɩŋa za tu n a mɩnʋ ɩ mɛ̃ gbãgbaar a, kɛ́ nyɩ tʋ̃ɔ́ vʋʋrɛ nyɔ-vʋʋrʋ na ɩ sõw a.

1 Korɛ̃tɩ 10:31

A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw.

1 Korɛ̃tɩ 7:23

Naaŋmɩn ya na de nyɩ: nyɩ ta lɩɛbɩ nɩsaalbɛ gbãgbaar ɛ.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Filib 1:20

Mɛ̃ a lɛ ɩ̃ na tɩɛrɛ kpɛ̃w za gùre nɩ a, ɩ̃ kʋ̃ nyɛ̃ vĩ towtow ɛ. Ɩ̃ bãwnɩ a na bɛ bʋ́nɛ zaa pʋrɩ mɩ̀ ɛ, a ƴɛrɛŋa nɩ kʋralɛ, a Kɩrɩta na nyɛ̃ nɩ danʋ a ɩ̃ nɩr ɩb za pʋɔ, alɛ saa ɩ a ɩ̃ cãafʋ pʋɔ n'a, bɩɩ a ɩ̃ kũu pʋɔ n'a a.

Ebre 9:12

Bʋ̀rɩ nɩ náli zɩ̃ɩ bɛ n'a a Kɩrɩta kpɛ n a zi-sõw-za-zi-zõw pʋɔ gb'a been daadaa ɩ, a ʋl mɩŋa zɩ̃ɩ n'a ʋ kpɛ n, ya de nɩ tɩ a baarɩ.

1 Pɩɛr 1:18

Nyɩ bãwnɩ a vla, bom na ɩ bʋ̃-wɛra mɛ̃ a salm-pla nɩ a salm-zɩɛ a, alɛ bɛ n'a bɛ ya ír'ɩ nyɩ bɛr a ɩ-ɩrɩ na bɛ tɛr tɔnɛ a pʋɔ a nyɩ sãàkʋm-kore mɩnɛ na lʋɔrɩ kʋ̀ nyɩ a ɩ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

2 Pɩɛr 2:1

Naaŋmɩn-ƴɛ̀r-man-bɛlɛbɛlɛ mɩnɛ mɩ̀ tɩ be n a Ɩsɩrayɛl bʋʋrɛ pʋɔ a koro za. Lɛ n'a wul-wul-bɛlɛbɛlɛ mɩnɛ mɩ̀ na be a nyɩ pʋɔ. Bɛ na wa n nɩ wulu na bɛ tu sɔ́r ɛ́ bɔrɛ a nɩbɛ a, mɔ̃ mɩ̀, bɛ na zawr'ɩ a Wul-wul-kara na ya de bɛ a bɛr. À ŋá n'a bɛ na ɩ ƴãw bɛ tʋɔra kũu na kʋ̃ yaa kɛ́ ta a pʋɔ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.