1 Korɛ̃tɩ 6:19 - A SƐB-SÕW

¹⁹ Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ?

1 Korɛ̃tɩ 6:19 ပူးပေါင်းရင်းမြစ်များ

1 Na-mɩnɛ 20:4

A Ɩsɩrayɛl nãà tɩ sɔw nɩ à ŋá kʋ̀ ʋ: «A lɛ fʋ na yel a n'a, ɩ̃ nãà a! Fʋ̃ʋ so mãa nɩ a ɩ̃ bʋ̃-tɛrɩ za.»

1 Bibie za yel-manɩ 29:14

Bʋ̃ʋ n'ʋ vɛ̃, ãa nɛ m, ɛ́ a ɩ̃ nɩ-bʋʋrɛ mɩ̀ n'ɩ tẽbowle kɛ̀ tɩ na tʋ̃ɔ́ nyɛ̃ tɩ tʋɔra kʋ̀ b a bome á ŋá za? Fʋ̃ʋ zie n'a bom za yi, ɛ́ fʋ nũú n'a à á ŋá za tɩ na kʋ̀ b a yi.

Sɛb-sõw yielu 100:3

Nyɩ bãwnɩ a a Sore na ɩ Naaŋmɩn a, ʋlɛ n'ʋ maalɩ tɩ, ɛ́ só tɩ. Tɩ ɩ n a ʋ nɩ-bʋʋrɛ, a ʋ zaw dʋn.

Sɛb-sõw yielu 12:4

A Sore, ʋ ɩ a nɔ-kãánɩ dem za bɔr, nɩ a bɛlɩ dem na mɩ́ ƴɛ̀rɛ garɛ nɩ baw a,

Zã 2:21

Ɛcɛ a Ŋmɩn-yir-kpɛ̃ɛ a Yeezu na tɩ yere a, tɩ ɩ n a ʋ ƴã-gan.

Ʋrɔm 8:9

Nyɩɩm ƴãw a, nyɩ bɛ bɛr a nɩsaalʋ so nyɩ ɛ. A Vʋʋrʋ Sõw n'ʋ so nyɩ, ʋlɛ wa n'ʋ sɩrɩ kpɩɛr a nyɩ pʋɔ a. Nɩr bɛ wa tɛr a Kɩrɩta Vʋʋrʋ a, ʋ bɛ ɩ a ʋ nɩ-sora ɩ.

1 Korɛ̃tɩ 3:16

Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

1 Korɛ̃tɩ 6:13

Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw.

1 Korɛ̃tɩ 6:3

Nyɩ bɛ bãw kɛ́ tɩ na maalɩ nɩ a malkɩ mɩnɛ a ƴɛ̀rʋ bɩɩ? Ɛ̀ bɛ nãà yere a tẽw ŋa zu nyɔ-vʋʋrʋ yele e!

2 Korɛ̃tɩ 5:15

Ʋʋ kpi n a bɛ za ƴãw, k'aa nɩ-vʋʋrɩ ta cãà vʋʋrɛ bɛl mɩŋa ƴãw ɛ, ɛ́ vʋʋrɛ a ʋlɩ sob nɛ ƴãw na kpi ɛ́ lɛb yi a bɛ ƴãw a.

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Zakɩ 4:5

Nyɩ tɩɛrɛ kɛ́ zawlalɛ ƴãw n'a a Sɛb-sõw yel a ƴɛ̀r-bie á ŋá bɩɩ? «A Naaŋmɩn bɛ sàwr a vʋʋrʋ ʋ na ƴãw ʋ kpɩɛr a tɩ pʋɔ a ƴãw ɛ.»

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.