1 Korɛ̃tɩ 6:11 - A SƐB-SÕW

¹¹ À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

1 Korɛ̃tɩ 6:11 ပူးပေါင်းရင်းမြစ်များ

Sɛb-sõw yielu 51:2

A Daviir na tɩ gã nɩ a Bɛtɩsabe baarɩ, ɛ́ a naaŋmɩn-ƴɛ̀r-manɛ Natan cen tɩ páw ʋ a lɛn daar a n'a.

Sɛb-sõw yielu 51:7

Nyɛ̃, sãwna pʋɔ n'a bɛ dɔw mɛ̃, yel-bier pʋɔ n'a a ɩ̃ mã ŋmãa a ɩ̃ sɩɛ.

Zʋkpaɩ 30:12

Nɩbɛ be n be tɩɛr kɛ́ bɛ vɩɛl a, ɛ́ bɛ so a bɛ dɛwr bɛr ɛ.

Ɩzayi 1:16

Nyɩ pɛ́w nyɩ tʋɔra, nyɩ so a nyɩ dɛwr bɛr, nyɩ ír a nyɩ ɩ-faar bɛr a ɩ̃ niŋé, nyɩ bɛr a yel-faa maalʋ.

Ɩzayi 45:25

Ɛcɛ a mãa zũú a, a Ɩsɩrayɛl bʋʋrɛ za na páw nɩ a mɩnʋ danɛ nɩ bɛ tʋɔra.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Levitɩ mɩnɛ 14:48

«Ɛcɛ a bàwr-maalɛ wa jɩ́r nyɛ̃ a zi-ɓal bɛ lɛb sãá a yir lɛb-fɔlʋ pùorí a, ʋ na yel'a k'aa yir vɩɛl'a, bɛ na tʋ̃ɔ́ ír a zi-ulu bɛr a ƴãw.»

Levitɩ mɩnɛ 8:6

Al pùorí, ʋ ƴãw a Aarɔ̃ nɩ a ʋ bidɛbr bɛ taw ta, ʋ ƴãw bɛ so a bɛ dɛwr bɛr.

Matie 20:4

Ʋ yel bɛ: “Nyɩ mɩ̀ cen a ɩ̃ divɛ̃ tɩɩr púo pʋɔ, ɩ̃ɩ na ya nyɩ nɩ a lɛ a na sɛw a.”

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Zã 13:10

A Yeezu yel kʋ̀ ʋ: «Nɩr na so kʋ̃ɔ yi a, gbɛ́ɛ pɛwfʋ tɛwr'a cɛ ʋ, ʋ vɩɛl'ɩ ʋ za baarɩ. A nyɩɩm a, nyɩ vɩɛl'a, ɛcɛ nyɩ za bɛ n'a ɩ.»

Zã 13:8

A Pɩɛr lɛb yel ʋ: «Towtow, fʋ bɛ be na pɛ́w a ɩ̃ gbɛ́ɛ ɩ!» A Yeezu yel ʋ: «Mãa bɛ wa pɛ́w a fʋ gbɛ́ɛ a, fʋ kʋ̃ lãw nɩ mɛ̃ ɩ.»

Zã 5:4

Tɛm kãw pʋɔ, Sore malkɩ mɩ́ siw na dam a kʋ̃ɔ a ɓuule, ɛ́ sob nɛ wa de niwn siw a kʋ̃ɔ na ɓuule a pʋɔ a, a ʋ bàalʋ saa ŋmɛ̃ ŋmɩŋmɩn a, a mɩ́ baar'a.]

Nɩ-toni 13:39

a ʋl zie n'a nɩr za na sàw de a Naaŋmɩn a, mɩ́ páw ʋ.

Nɩ-toni 22:16

A na ɩ à ŋá a, bʋ̃ʋ ƴãw n'a fʋ pãa na lɛb bʋ́nɛ a? Ìr de a suob bʋɔlɩ a ʋ yúor a fʋ yel-bebe pɛwfʋ ƴãw.”»

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 3:24

Ɛcɛ, a ʋ nɔ̃wfʋ zũú a, Naaŋmɩn ɩ na bɛ ɩ nɩ-mɩn a ʋ niŋé zawlalɛ, a faafʋ bɛ na páw a Yeezu Kɩrɩta ƴãw a zũú.

Ʋrɔm 4:5

Ɛcɛ, nɩr na bɛ ɩrɛ ƴãwn a ʋ tome ƴãw a, ɛ́ sàw de a Naaŋmɩn na mɩ́ ɩ a nɩr na bɛ ƴãwnɛ ʋ, ʋ lɩɛbɩ nɩ-mɩŋa a, a Naaŋmɩn mɩ́ nyɛ̃ nɩ a ʋ sàw-deb, ɛ́ sàw kʋ̀ ʋ k'ʋʋ ɩ n nɩ-mɩŋa.

Ʋrɔm 5:1

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú.

Ʋrɔm 5:9

Ɛ́ a ʋ zɩ̃ɩ na ɩ tɩ lɩɛbɩ nɩ-mɩn a Naaŋmɩn zie ƴɛrɛŋa a, bʋnʋ bɛ ka be ɩ, ʋ na faa tɩ na zuo lɛ a Naaŋmɩn suur nãà wa ìr a ƴãw.

Ʋrɔm 8:30

A bɛlɩ dem a Naaŋmɩn na tɩ dãw bãwnɩ a, ʋ bʋɔlɩ bɛ na mɩ̀, a bɛlɩ dem ʋ na bʋɔlɩ a, ʋ mɩ̀ ɩ na bɛ lɩɛbɩ nɩ-mɩn, a bɛlɩ dem ʋ na ɩ bɛ lɩɛbɩ nɩ-mɩn a, ʋ mɩ̀ ɩ na kɛ̀ bɛ pʋɔ a ʋ yúor-vɩɛlʋ-danʋ pʋɔ.

Ʋrɔm 8:33

A bɛlɩ dem a Naaŋmɩn na kaa ír a, ãa n'ʋ na yel kɛ́ bɛ tɛr'ɩ sãwna? Nɩr bɛ ka be ɩ. A Naaŋmɩn na n'ʋ wule kɛ́ bɛ bɛ tɛr sãwna a ƴãw.

1 Korɛ̃tɩ 1:2

Nyɩɩm na ɩ a Naaŋmɩn Lãw-yir be a Korɛ̃tɩ a, nyɩɩm na páw a sonu lãwnɩ a Kɩrɩta Yeezu a, nyɩɩm bɛ na bʋɔlɛ nɩ-son lãwnɩ a bɛlɩ dem za na bʋɔlɛ a tɩ Sore Yeezu Kɩrɩta yúor zie nɛ za bɛ na be a, ʋl na ɩ a tɩɩm nɩ a bɛl za Sore a, nyɩ za nɛbɛ ɩ̃ sɛbr.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 12:2

Nyɩ bãwnɩ a na, a lɛn daar nyɩ na tɩ cãà ɩ a tɩbɛ nɩbɛ a, a bɛ mɩ́ tɩ tɛr nyɩ na kʋ̃ cen a tɩbɛ na bɛ tɛr nʋɔr ƴɛ̀rɛ a zie ɩ.

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Galasi 3:11

A mɔ̃ mɩ̀ ɩ n cãà kɛ́ nɩr kʋ̃ tʋ̃ɔ́ ɩ nɩ-mɩŋa a Naaŋmɩn wulu sàwfʋ tɛwr zũú ɛ. Bʋ̃ʋ n'ʋ vɛ̃, bɛ sɛb'ɩ à ŋá: «Sob nɛ na ɩ nɩ-mɩŋa a sàw-deb zũú a, ʋ na vʋʋrɛ na.»

Galasi 3:24

A na ɩ à ŋá a, a Naaŋmɩn wulu n'ʋ tɩ piwre tɩ, tɩ ta n a Kɩrɩta waa daar, kɛ́ tɩ ɩ nɩ-mɩn a Naaŋmɩn niŋé, a naaŋmɩn-sàw-deb ƴãw.

Galasi 3:8

A Sɛb-sõw na tɩ bãw kɛ́ Naaŋmɩn na ɩ n a nɩ-bʋʋr-yoru bɛ ɩ nɩ-mɩn a bɛ naaŋmɩn-sàw-deb zũú a, ʋ tɩ de nɩ niwn yel a yel-vla ŋa kʋ̀ a Abraham: «A nɩ-bʋʋrɛ za na páw nɩ maalʋ a fʋ zũú.»

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

2 Tesalonikɩ 2:13

Yɛbr i, tɩɩm ƴãw a, a fɛr'a kɛ́ tɩ mɩ́ puore a Naaŋmɩn yãanɩ a nyɩ ƴãw kʋralɛ, nyɩɩm a Sore na nɔnɛ a. Bʋ̃ʋ n'ʋ vɛ̃, Naaŋmɩn kaa na ír nyɩ a pɛr-tib daar, k'aa Vʋʋrʋ Sõw na tɩrɛ a sonu a zũú, nɩ a yel-mɩŋa nyɩ na sàw de a ƴãw, nyɩ nyɛ̃ a faafʋ.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ebre 2:11

Bʋ̃ʋ n'ʋ vɛ̃, a Yeezu na tɩrɛ a sonu a, nɩ a bɛlɩ dem na páwr a sonu a, bɛ za lãw nɩ Sãà, alɛ so vĩ bɛ ɩrɛ ʋ, ʋ na na bʋɔlɛ bɛ a ʋ yɛbr a ɩ.

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

1 Zã 2:12

Ɩ̃ bibiir i, ɩ̃ sɛbr nyɩ na kɛ́ Naaŋmɩn dɩ n a nyɩ yel-bebe suur kʋ̀ nyɩ a Yeezu yúor ƴãw.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.