1 Korɛ̃tɩ 5:2 - A SƐB-SÕW

² A tɩ sɛw na k'aa ɩ kpɩɛrʋ a nyɩ zie, ɛ́ bɛ diw a nɩr ŋa tɔ bɛr a nyɩ sɔgɔ, nyɩɩm nɩ̃ɛ bɛr ɛ́ zɛwr nyɩ tʋɔra.

1 Korɛ̃tɩ 5:2 ပူးပေါင်းရင်းမြစ်များ

2 Na-mɩnɛ 22:19

A dam'ɩ a fʋ socir, fʋ siwri nɩ fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú. Bʋ̃ʋ n'ʋ vɛ̃, ɩ̃ yel'a k'aa tẽ-kpɛ̃ɛ ŋa na lɩɛb'ɩ wɛja-kpalɛ, nɩ zie bɛ na ŋmɛ ƴãw a. Fʋ taw nɩ a fʋ kparɩ cɩɛrɩ ɛ́ kõ a ɩ̃ niŋé. A na ɩ à ŋá a, a mãa mɩ̀ a, ɩ̃ wõ n a fʋ ƴɛ̀rʋ, mãa n'ʋ yere.

Sɛb-sõw yielu 119:136

A ɩ̃ mimie zɔrɛ nɩ mʋta-kʋ̃ɔ, bɛ na bɛ sàwr a fʋ wulu a ƴãw.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Ezekɩɛl 9:6

Nyɩ kʋ a dɛb-nyamɛ, a pɔlbili nɩ a pɔwsɩrali, a bibiir nɩ a pɔwbɛ! Nyɩ ɩ bɛ za bɔr! Ɛcɛ a bɛl za na tɛr bãwfʋ a gbẽé a, nyɩ taa tʋɔr bɛ ɩ! Nyɩ tĩ a ka, a ɩ̃ zi-sõw ƴãw.» Lɛ n'a bɛ tɩ tĩ kʋrɛ a nɩ-kore na be a Ŋmɩn-yir-kpɛ̃ɛ niŋé a.

Sɔr-nɛ́ɛ 25:6

Ɩsɩrayɛl nɩr kãw tɩ ta n a ʋ nɩbɛ zie, a pɛr nɛ pʋɔ, tɛr Madian tẽw pɔw. A Moyiir nɩ a Ɩsɩrayɛl nɩbɛ lãw za na tɩ ɓã taa a tuor-taa pɛn-sɛw dɩ̃dɔr nʋɔr kone a tɩ nyɛ̃ bɛ na.

1 Korɛ̃tɩ 4:18

Bɛ mɩnɛ na tɩ tɩɛr k'ɩ̃ɩ kʋ̃ lɛb wa wa nyɛ̃ nyɩ a tɩ ɩ n pɔ̀l-ɩb bɛ dɩ vuo ɩ.

1 Korɛ̃tɩ 5:13

A bɛl na bɛ ɩ kɩrɩta-nɩbɛ a, Naaŋmɩn n'ʋ na bãw a bɛ yele. «Nyɩ ír a nɩ-faa bɛr a nyɩ sɔgɔ», mɛ̃ a lɛ a Sɛb-sõw na yel a.

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

2 Korɛ̃tɩ 12:21

Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.