1 Korɛ̃tɩ 5:1 - A SƐB-SÕW

¹ A nɩbɛ wone na bɛ yere a ziir za kɛ́ pɩ̃ɔ-ɩb kãw be n a nyɩ zie, ɛ́ a pɩ̃ɔ-ɩb nɛ kpɛ faa tɩ zuo. Nɩ-bʋʋr-yoru nɩbɛ tɛɛ za kʋ̃ sàw maalɩ a yel-bier ŋa tɔ ɩ. Bɛ manɛ na k'aa nyɩ kãw tɛr'ɩ a ʋ sãà pɔw ʋ ɩ a ʋ pɔw.

1 Korɛ̃tɩ 5:1 ပူးပေါင်းရင်းမြစ်များ

Yele-za-pɛr-tib 35:22

Zɩ̃ k'aa Zakɔb na tɩ kpɩɛr a ʋlɩ zie nɛ a, Urubɛn tɩ cen na tɩ gã nɩ a Bilha na ɩ a ʋ sãà pɔw-bile kãw a. A Zakɔb tɩ wõ a na. A Zakɔb bidɛbr tɩ ɩ n pie nɩ ayi:

Yele-za-pɛr-tib 37:2

Nyɛ̃ a Zakɔb bidɛbr yele. A Zuzɛb tɩ tɛr'ɩ yome pie nɩ ayopõi. Ʋlɛ nɩ a ʋ yɛbr, a ʋ sãà pɔwbɛ Bilha nɩ Zilipa bidɛbr, tɩ àrɛ nɩ nɩ a píir nɩ a bʋʋr. Ʋ mɩ́ tɩ manɛ nɩ a bɛ yel-faar a nɩbɛ na manɛ a kʋ̀rɛ a ʋ sãà.

Yele-za-pɛr-tib 49:4

Fʋ ɩ n bà-fʋɔla kʋ̃ɔ na darɛ taa a. Ɛcɛ fʋ kʋ̃ cãà ɩ a dãw-niwn sob ɛ, fʋ ƴãw mɛ̃ nɩ vĩ, fʋ na gã nɩ a ɩ̃ pɔw kãw a ɩ̃ gado zu a.

2 Samɩɛl 16:22

Lɛ n'a bɛ tɩ maalɩ pɛn-sɛw a nãà yir garʋ́ a Abɩsalɔm ƴãw, ʋ kpɛ gã nɩ a ʋ sãà pɔw-bili, a Ɩsɩrayɛl nɩbɛ za mimirí.

2 Samɩɛl 20:3

A nãà Daviir tɩ ta n a ʋ yir a Zerizalɛm. Ʋ tɩ ƴãw na bɛ tɛr a pɔw-bili pie bɛl ʋ na tɩ bɛr kɛ́ bɛ gù a yir a wa n. Ʋ tɩ ƴãw bɛ nɩ yir bɛ na gù vla a pʋɔ. Ʋ tɩ cãà na kaarɛ a bɛ zie, ɛcɛ ʋ bɛ tɩ lɛb páw bɛ towtow ɛ. Lɛ n'a bɛ tɩ pàw bɛ a yir nɛ pʋɔ tɩ ta n a bɛ kũu bibir. Bɛ tɩ ɩ na mɛ̃ pɔw-kɔbɛ a, ɛ́ a bɛ sɩr cãà vʋʋrɛ.

1 Bibie za yel-manɩ 5:1

A Urubɛn tɩ n'ɩ a Zakɔb bidɛb-dãw. Ɛcɛ ʋ na wa gã nɩ a ʋ sãà pɔw kãw a, bɛ faa nɩ a ʋ kpɛ̃ɛnʋ kʋ̀ a Zuzɛb mɩ̀ na ɩ a Zakɔb bidɛb kãw a. À ŋá n'a a Urubɛn bɛ tɩ cãà ɩ a kpɛ̃ɛ ɩ. A Zuda ʋl a, a ʋ yɛbr pʋɔ a, ʋlɛ n'ʋ tɩ kpɛmɛ gãw bɛ za, ɛ́ a ʋ bʋ̃-dɔwra kãw n'ʋ wa lɩɛbɩ a Ɩsɩrayɛl nãà. Ɛcɛ Zuzɛb'ʋ bɛ tɩ de a kpɛ̃ɛnʋ kʋ̀. A Zakɔb bidɛb-dãw Urubɛn bidɛbr: Hanɔkɩ, Palu, Hɛsɩron nɩ Karmi.

Zeremi 2:33

Nyɛ̃ fʋ na bãw na-ɩ-lɛ a nɔ̃wfʋ pùor zɔ-tub ƴãw a! Ɛ́ a al ƴãw a, fʋ tɛr'a tɩ mili nɩ a nɩr kʋb.

Ezekɩɛl 16:47

Fʋ bɛ cɔwrɩ a bɛ ɩb tɛwr ɛ, fʋ bɛ maalɩ a alɩ yel-been nɛ na bɛ maal'ɩ wob a tɛwr ɛ, a bɛ tɩ zɛ̃ fʋ bom ɛ! A fʋ ɩb tɩ kpɛ n faa yaga zuo a tẽ-bɛrɛ al na cɛ a dem!

Ezekɩɛl 22:10

Dɛbr bɛ mɩnɛ mɩ́ gã nɩ nɩ a bɛ sãà pɔw, bɩɩ mɩ́ fɛr gã nɩ a pɔwbɛ a bɛ sɩɛ-loba daar.

Levitɩ mɩnɛ 18:8

«Fʋ bɛ ganɛ nɩ a fʋ sãà pɔw kãw ɛ, fʋ na ƴãw nɩ a fʋ sãà vĩ.»

Levitɩ mɩnɛ 20:11

«Dɛb wa gã nɩ a ʋ sãà pɔw kãw a, ʋ ƴãw nɩ a ʋ sãà vĩ. Bɛ na kʋ n a sãwna dem bɛ za ayi. Bɛl yõ so a bɛ kũu.»

Amɔsɩ 2:7

Bɛ mɩ́ nɛ̃ nɩ a bãbàalbɛ mɩɩl'ɩ uuru, ɛ́ zawrɩ na bɛr wõ a nã́w sob a ƴɛ̀rʋ-dɩb zie. Sãà nɩ bie mɩ́ ganɛ nɩ nɩ a pɔwli-been lɩɛrɛ taa, à ŋá n'a bɛ mɩ́ ɩ dɛw a ɩ̃ yo-sõw vɩɛlʋ bɛr.

Nɩ-toni 15:20

Ɛcɛ tɩ sɛb yel kʋ̀ bɛ kɛ́ bɛ ciir a bàwr nɛnɛ, nɩ a pɩ̃ɔ-yele, bɛ taa 'wɔbr dʋ̃w bɛ na bɛ ŋmãa a kɔkɔr a nɛn ɛ, bɛ taa 'wɔbr a zɩ̃ɩ ɛ.

Nɩ-toni 15:29

nyɩ ta 'wɔbr a bàwr-maal-nɛnɛ ɩ, nɩ a zɩ̃ɩ nɩ dʋ̃w bɛ na bɛ ŋmãa a kɔkɔr a nɛn ɛ, nyɩ bɛr a pɩ̃ɔ-yele. Nyɩmɛ wa ƴãw fãw bɛr à á ŋá za a, nyɩ na maal'ɩ vla. Nyɩ zɩ̃ vla.»

1 Korɛ̃tɩ 1:11

Bʋ̃ʋ n'ʋ vɛ̃, ɩ̃ yɛbr i, Kulowe yir dem yel'a kʋ̀ m kɛ́ taw-taa be n a nyɩ cara pʋɔ.

1 Korɛ̃tɩ 5:11

Ɩ̃ sɛb nyɩ na kɛ́ nyɩ ta pɩɛlɛ nɩr na dɩ kɛ́ kɩrɩta-nɩr a, ʋlɛ wa ɩ pɩ̃ɔ-yel-maalɛ, nɩr na mɩ́ nyɛ̃ a ʋ tɔ bom a mimir zaalɛ a, bɩɩ ʋlɛ wa maalɛ tɩbɛ bɩɩ ɩ gɛgɛra, dã-kuole nɩ nyãnyuge a. Nyɩ mɩ̀ ta mɩ́ lãw nɩ a nɩr ŋa tɔ dɩ bom ɛ.

1 Korɛ̃tɩ 6:13

Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw.

1 Korɛ̃tɩ 6:18

Nyɩ zɔrɛ dɛrɛ a pɩ̃ɔ-yele. Yel-bier kãw za nɩsaal na mɩ́ maalɩ a bɛ ɓanɛ a ʋ ƴã-gan ɛ, ɛcɛ a pɩ̃ɔ-yel-bier-maalɛ a, a ʋ ƴã-gan tɔr za n'ʋ ʋ mɩ́ maalɩ a yel-bier kʋ̀.

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

2 Korɛ̃tɩ 12:21

Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.

2 Korɛ̃tɩ 2:5

Nɩr wa n'ʋ so pʋ-sãwna be be a, mãa bɛ n'ʋ ʋ ƴãw a pʋ-sãwna ɩ, a nyɩ za nɛbɛ, bɩɩ, tɩ ta dɔwlɩ kʋ̃ɔ ɩ, a nyɩ mɩnɛ nɛbɛ.

2 Korɛ̃tɩ 7:12

A na ɩ à ŋá a, a sɛb-tʋɔla ɩ̃ na sɛb nyɩ a bɛ ɩ a yel-fa-maalɛ ƴãw ɛ, bɛ lɛb ɩ a ʋlɩ sob nɛ ʋ na sãw a ƴãw ɛ. Ɩ̃ tɩ bɔbr'a, a Naaŋmɩn niŋé, kɛ́ nyɩ nyɛ̃ a lɛ nyɩ na sɩrɩ tʋlɛ a tɩ ƴãw a.

Galasi 5:19

A nɩsaalʋ tõ-toni sãá nɩ nyɩraalɛ, alɛ n'ɩ á ŋá: pɩ̃ɔ-yele, dɛwr, faalʋ,

Efɛɛzɩ 5:3

Nyɩ pʋɔ nɩ a Naaŋmɩn nɩ-bʋʋrɛ pʋɔ, lɛ so a bɛ sɛw kɛ́ bɛ lɛb por pɩ̃ɔ-yele nɩ nɩ-fa-ɩb bʋʋrɛ kãw za lãwnɩ nyuur yúor a nyɩ pʋɔ ɩ.

Wulu-ayi-sob 27:20

«Ŋmɛ-ƴãw, a páw sob nɛ na gã nɩ a ʋ sãà pɔw kãw a, bʋ̃ʋ n'ʋ vɛ̃, ʋ bɛ tɛr sɔ́r ɛ, a ʋ sãà so bɛ.» Ɛ́ a nɩbɛ za na sɔw na: «Amɛn!»

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

1 Tesalonikɩ 4:7

Naaŋmɩn bɛ bʋɔlɩ tɩ faalʋ ƴãw ɛ, sonu ƴãw n'a ʋ bʋɔlɩ tɩ.

Yel-wula 2:21

Ɩ̃ bɛr'ɩ vuo kʋ̀ ʋ k'ʋʋ lɩɛbɩ a ʋ ɩb, ɛcɛ, ʋ bɛ bɔbr k'ʋʋ lɩɛbɩ a ʋ ɩb, bɛr a ʋ pɩ̃ɔ-yele ɩ.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

1 Samɩɛl 2:24

Ɩ̃ bibiir i, nyɩ ta cãà ɩrɛ a lɛ ɩ! A nyɩ ƴɛ̀rʋ a Naaŋmɩn nɩ-bʋʋrɛ na ƴɛ̀rɛ ɩ̃ wone a, a bɛ maal'ɩ wob ɛ!