1 Korɛ̃tɩ 4:8 - A SƐB-SÕW

⁸ Mɛ̃ nyɩ taa tɩw baarɩ! Mɛ̃ nyɩ taa kpɛ naalʋ baarɩ! Nyɩ lɩɛb'ɩ na-mɩnɛ baarɩ ɛ́ bɛr tɩ! Mɛ̃ à ŋá a ʋ? Bʋ̃ʋ pãa ɩ nyɩ bɛ sɩrɩ ɩ a na-mɩnɛ a? Tɩ mɩ̀ nãa lãw nɩ nyɩ na dɩrɛ a naalʋ.

1 Korɛ̃tɩ 4:8 ပူးပေါင်းရင်းမြစ်များ

Zʋkpaɩ 13:7

Nɩbɛ bɛ mɩnɛ mɩ́ ɩrɛ nɩ na-ɩb ɛ́ bɛ tɛr bom ɛ, ɛ́ bɛ mɩnɛ ɩrɛ nã́w-ɩb ɛ́ na-bome kʋrɛ bɛ.

Zʋkpaɩ 25:14

Zũzuge nɩ sɛsɛb na bɛ waar'ɩ saa a, lɛ n'a a nɩr na pɔrɛ k'ʋʋ na kʋ̀ n nɩr bom ɛ́ kʋ̃ tɩr a ŋmɛ̃.

Ɩzayi 5:21

Baw-bio páw nɩ a bɛlɩ dem na mɩ́ de bɛ tʋɔra bʋɔlɛ yã-bãwnbɛ, ɛ́ tɩ́ɛrɛ kɛ́ bɛ tɛr'ɩ yã a!

Zeremi 28:6

«Amɛn! A Sore, ʋ ɩ a lɛ! A Sore, ʋ tu a fʋ naaŋmɩn-ƴɛ̀r-manɛ ƴɛ̀rʋ fʋ na ƴɛ̀r a pùor, ʋ ɩ a Ŋmɩn-yir-kpɛ̃ɛ bome yi a Babɩlɔn lɛb wa a ka, lãwnɩ a nɩbɛ za bɛ na diw cen nɩ a be a!

Sɔr-nɛ́ɛ 11:29

A Moyiir tɩ sɔw ʋ na: «Fʋ lɩɛr'ɩ a ɩ̃ nyuur kpɛb zie kpɛ bɩɩ? A Sore nãá kʋ̀ a ʋ vʋʋrʋ a Ɩsɩrayɛl nɩbɛ za, bɛ za lɩɛbɩ naaŋmɩn-ƴɛ̀r-manbɛ!»

Matie 5:1

A Yeezu na tɩ nyɛ̃ a nɩ-yaga yaga bɛ ŋa za a, ʋ tɩ nyɔw nɩ tãw do tɩ zɩ̃, ɛ́ a ʋ po-tuurbɛ tɩ taw pɩɛl ʋ.

Luka 6:25

Baw-bio dem n'ɩ nyɩ, nyɩɩm na tɩw a ƴɛrɛŋa a, kɔ̃ nãà kpɛ nyɩ na! Baw-bio dem n'ɩ nyɩ, nyɩɩm na laar a ƴɛrɛŋa a, nyɩ nãà be n wahala pʋɔ kone!

Nɩ-toni 26:29

A Pol tɩ sɔw na: «Fɔ̃wlɛ n'a bɩɩ a cɛlɩ n'a a, a Naaŋmɩn, ʋ sàw fʋ̃ʋ nɩ a bɛlɩ dem za na bɛrɛ wone a ɩ̃ ƴɛ̀rʋ a dɩ̃a a, nyɩ wa ŋmɛ̃ taa nɩ mɛ̃, ɛ́ tɩ cɛ a bamɛ á ŋá!»

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

1 Korɛ̃tɩ 1:5

Bʋ̃ʋ n'ʋ vɛ̃, nyɩ na lãw nɩ ʋ a n'a nyɩ kpɛ naalʋ bʋʋrɛ za, a ƴɛ̀rʋ bãwfʋ naalʋ nɩ a yele bãwfʋ naalʋ.

1 Korɛ̃tɩ 4:18

Bɛ mɩnɛ na tɩ tɩɛr k'ɩ̃ɩ kʋ̃ lɛb wa wa nyɛ̃ nyɩ a tɩ ɩ n pɔ̀l-ɩb bɛ dɩ vuo ɩ.

1 Korɛ̃tɩ 5:6

A bom nɛ ƴãw nyɩ na zɛwr nyɩ tʋɔra a bɛ vɩɛl ɛ. Nyɩ bɛ bãw kɛ́ dãbɩl blãlɛ n'a mɩ́ ɩ a zɔ̃ za ìr ɛ?

2 Korɛ̃tɩ 11:1

Bʋ̃ʋ pãa ɩ a! Nyɩ nãá sàw kʋ̀ m ɩ̃ tõ yãya-tome blã! Ʋ̃ʋ nyɩ sàw kʋ̀ m!

2 Korɛ̃tɩ 13:9

Tɩ mɩ̀ cɩlɛ na, tɩ na mɩ́ wa ɩ bãbàalbɛ ɛcɛ nyɩ tɛr fãw a. Lɛ so tɩ mɩ́ puore kɛ́ nyɩ vɩɛl bɛ cɛ ɩ.

Galasi 6:3

Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 2:12

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Yel-wula 3:17

Fʋ yere nɩ à ŋá: “Ɩ̃ tɛr a na, ɩ̃ kpɛ n naalʋ, bom za tuo bɛ kpɩɛr mɛ̃ ɩ.” Ɛ́ nɩ̃ɛ bɛ bãw kɛ́ fʋ bɛ tɛr ŋmɛ̃a ɩ, kɛ́ fʋ ɩrɛ nɩ nɩbaalʋ, kɛ́ fʋ ɩ n nã́w sob, zɔ̃w ɛ́ ɩ ƴã-gan zawla ɩ!

Yel-wula 5:10

Fʋ ɩ na bɛ ɩ na-mɩnɛ nɩ-bʋʋrɛ nɩ bàwr-maalbɛ a tɩ Naaŋmɩn ƴãw, ɛ́ bɛ na dɩrɛ nɩ naalʋ a tẽw zu.»