1 Korɛ̃tɩ 4:4 - A SƐB-SÕW

⁴ Sɩza n'a, a ɩ̃ pʋɔ bɛ tɛr yel ɛ, ɛcɛ al ƴãw bɛ n'a ɩ̃ na yel k'ɩ̃ɩ ɩ n nɩ-mɩŋa ɩ. A sob nɛ na maalɛ nɩ mɛ̃ a ƴɛ̀rʋ a, ʋlɛ n'ɩ a Sore.

1 Korɛ̃tɩ 4:4 ပူးပေါင်းရင်းမြစ်များ

A Zɔb sɛbɛ 15:14

Ãa n'ɩ a nɩsaal na tɩɛrɛ k'ʋʋ bɛ tɛr dɛwr? Ãa n'ɩ a pɔw bʋ̃-dɔwra na yel k'ʋʋ ɩ n nɩ-mɩŋa?

A Zɔb sɛbɛ 25:4

Ŋmɩŋmɩn n'a nɩsaal na ɩ mɩŋa sob Naaŋmɩn niŋé? Ŋmɩŋmɩn n'a a pɔw bʋ̃-dɔwra na yel k'ʋʋ vɩɛl'ɩ za?

A Zɔb sɛbɛ 27:6

Ɩ̃ cãà na yere k'aa ɩ̃ cenu tu n yel-mɩŋa, ɩ̃ kʋ̃ bɛr towtow ɛ. A ɩ̃ tɩɛrʋ bɛ zɛbr'ɩ mɛ̃ yel kãw za ƴãw ɛ.

A Zɔb sɛbɛ 40:4

Ɩ̃ bɛ tɛr pɛr ɛ, bʋ̃ʋ n'ʋ ɩ̃ na sɔw fʋ? Ɩ̃ pàw nɩ a ɩ̃ nʋɔr.

A Zɔb sɛbɛ 9:20

Mãa saa tɛr yel-mɩŋa a, a ɩ̃ nʋɔr na yel'a k'ɩ̃ɩ sãw na, ɩ̃ za saa n'ɩ ŋa a, ʋ na wul'a k'ɩ̃ɩ ɩ n nɩ-faa.

Sɛb-sõw yielu 130:3

Sore e, fʋ̃ʋ wa yel kɛ́ fʋ kʋ̃ yiiri a tɩ sãwna a, ãa n'ʋ na tʋ̃ɔ́ cãà, Sore e?

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

Sɛb-sõw yielu 19:12

A fʋ tõ-tõ-bie mɩ́ de a na a caalɛ ʋ, a pùor-tub tɛr'ɩ tɔnɛ yaga a ʋ zie.

Sɛb-sõw yielu 26:12

Sɔr-vla zu n'a ɩ̃ be, ɩ̃ na manɛ nɩ a Sore vɩɛlʋ a lãw nɩbɛ pʋɔ.

Sɛb-sõw yielu 50:6

A salom hiere na yere a ʋ mɩnʋ, bʋ̃ʋ n'ʋ vɛ̃, a Naaŋmɩn n'ɩ a ƴɛ̀r-dɩrɛ. Tɛw-àrʋ

Zʋkpaɩ 21:2

Ŋa za mɩ́ tɩ́ɛrɛ na k'aa ʋ ɩb tori na, ɛcɛ a Sore n'ʋ mɩ́ jɛl a socie.

Zʋkpaɩ 29:26

Nɩ-yaga mɩ́ bɔbr'ɩ a nɩ-kpɛ̃ɛ mʋʋrʋ, ɛcɛ a Sore n'ʋ dɩrɛ nɩ ŋa za a ƴɛ̀rʋ.

Zã 21:17

Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

Nɩ-toni 23:1

A Pol tɩ jɩ́r'ɩ a Zifʋ mɩnɛ ƴɛ̀rʋ-dɩb-lãw nɩbɛ gbẽgbẽ ɛ́ yel: «Yɛbr i, tɩɛr-vla n'ʋ ɩ̃ tõ n a Naaŋmɩn tome wa tɔ a dɩ̃a.»

Ʋrɔm 2:13

Bɛlɩ dem na mɩ́ bɛrɛ wone a Wulu bɛr-wob tɛwr a, bɛlɛ bɛ nɛbɛ mɩ́ páw a mɩnʋ a Naaŋmɩn zie ɩ, bɛlɩ dem na mɩ́ dier a Wulu a, bɛlɛ nɛbɛ na páw a mɩnʋ.

Ʋrɔm 4:2

Bɛlɛ wa yel k'aa Abraham ɩ n nɩ-mɩŋa a ʋ ɩ-ɩrɩ zũú a, ʋ na tʋ̃ɔ́ na pɔrɛ a al ƴãw, ɛcɛ Naaŋmɩn niŋé bɛ n'a ʋ na pɔrɛ ɩ.

1 Korɛ̃tɩ 4:3

Mãa ƴãw a, ɩ̃ bɛ zɔrɛ a ƴɛ̀rʋ nyɩ na na maal'ɩ mɛ̃ a ɩ, bɩɩ a nɩsaalbɛ ƴɛ̀rʋ-maalʋ ɛ. A mãa tɔr za a, ɩ̃ bɛ maalɛ nɩ ɩ̃ tʋɔra ƴɛ̀rʋ ɛ.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.