19 Ɛcɛ a Sore wa sàw a, ɩ̃ kʋ̃ yaa kɛ́ wa a nyɩ zie ɩ, ɛ́ a lɛn daar a, a nɩbɛ bɛ ŋa na zɛw bɛ tʋɔra a, a bɛ ƴɛ̀rʋ tɛwr bɛ n'a ɩ̃ na bãw ɛ, ɩ̃ mɩ̀ na bãw nɩ a bɛ ɩ-ɩrɩ.
A yele á ŋá pùorí, Vʋʋrʋ Sõw tɩ caal'ɩ a Pol ʋ yel k'ʋʋ na tu na yi Masedʋan nɩ Akayi ten pʋɔ cen Zerizalɛm. Ʋ tɩ yere na: «Mãa wa ta a be a, a mɩ̀ na fɛr'a k'ɩ̃ ta a Ʋrɔm.»
Mãa zie a, ɩ̃ tɩ bɔbr'a kɛ́ nyɩ za nãá ƴɛ̀rɛ ƴɛ̀rʋ nɩr na bɛ wone a, ɛcɛ nyɩ ƴɛ̀rɛ naaŋmɩn-ƴɛ̀r-manɛ ƴɛ̀rʋ, alɛ n'a ɩ̃ nɔnɛ zuo. A sob nɛ na ƴɛ̀rɛ ƴɛ̀rʋ nɩr na bɛ wone a, ʋlɛ bɛ mɩ́ wa ír a pɛr a lãw nɩbɛ tʋ̃ɔ́ nyɛ̃ tɔnɛ a, a sob nɛ na ƴɛ̀rɛ a naaŋmɩn-ƴɛ̀r-manɛ ƴɛ̀rʋ a zuo ʋ na.
Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.
Yɛbr i, a nyɩ wulu ƴãw n'a ɩ̃ dãw de a yele man cɔwr'ɩ mãa nɩ a Apɔlɔsɩ. Ɩ̃ bɔbr'a k'ɩ̃ɩ man cɔwr'ɩ tɩ à ŋá nyɩ tʋ̃ɔ́ bãw a zʋkpar ŋa pɛr: «A sɛw na kɛ́ bɛ ta mɩ́ gãw a lɛ na sɛb a bɛr ɛ.» A bɛ tɛr sɔ́r k'aa nyɩ kãw zɛwr ʋ tʋɔra, mɩ́ kpɛ a tɩ kãw ɛ́ bɛr a ƴen sob ɛ.