1 Korɛ̃tɩ 4:12 - A SƐB-SÕW

¹² ɛ́ hanɛ tone nɩ a tɩ nuru. Bɛ mɩ́ tʋʋr tɩ na, ɛ́ tɩ ƴɛ̀rɛ nɔ-vla, bɛ dɔwrɛ tɩ, ɛ́ tɩ sàw de a nɩ kanyir.

1 Korɛ̃tɩ 4:12 ပူးပေါင်းရင်းမြစ်များ

Matie 5:11

Zu-nʋ̃ɔ̀ dem'ɩ nyɩ, bɛlɛ wa tʋʋr nyɩ zʋmɛ, ɛ́ dɔwrɛ nyɩ, ɛ́ ŋmarɛ zir-pɛ-bʋʋrɛ za ƴãwn nyɩ, a mãa ƴãw a.

Matie 5:44

Ɛcɛ mãa yere na kʋ̀rɛ nyɩ: nyɩ nɔnɛ a nyɩ dɔ̃ dem, ɛ́ puore kʋ̀rɛ a bɛlɩ dem na dɔwrɛ nyɩ a.

Luka 23:34

A Yeezu tɩ yel'a: «Ɩ̃ Sãà a, dɩ suur kʋ̀ bɛ: bʋ̃ʋ n'ʋ vɛ̃, bɛ bɛ bãw ʋlɩ bom nɛ bɛ na ɩrɛ a ɩ.» Al pùorí, bɛ tɩ gba n a ʋ kparɩ põ.

Luka 6:28

Nyɩ zɛlɛ Naaŋmɩn maalʋ kʋ̀rɛ a bɛlɩ dem na ŋmɩɛr ƴãwn nyɩ a, nyɩ puore kʋ̀rɛ a bɛlɩ dem na ŋmarɛ ziri ƴãwn nyɩ a.

Zã 15:20

Nyɩ lɛb tɩɛrɩ a ƴɛ̀r-bir ŋa ɩ̃ na tɩ yel kʋ̀ nyɩ a: “Tõ-tõ-bie bɛ zuore a ʋ nɩ-kpɛ̃ɛ ɩ.” Bɛlɛ wa dɔwrɩ mɛ̃ a, bɛ mɩ̀ na dɔwrɩ nyɩ na, bɛlɛ wa sàw de a ɩ̃ ƴɛ̀rʋ a, bɛ mɩ̀ na sàw na de a nyɩ dem.

Nɩ-toni 18:3

Ʋlɛ nɩ a bɛl na tɩ lãw tõ-nʋɔr wóbr pɛnɛ-sɛwr a, ʋ tɩ be n a bɛ zie tone.

Nɩ-toni 20:34

Nyɩ mɩŋa za bãwnɩ a na, a ɩ̃ nuru tome pʋɔ n'a ɩ̃ páw mãa nɩ a ɩ̃ taabɛ bʋ̃-bɔbrɩ.

Nɩ-toni 7:60

Al pùorí, ʋ tɩ gbĩ n dume ɛ́ yel kpɛ̃w za: «Sore e, taa dier a yel-bier ŋa dɔwlɛ a bɛ zu ɛ.» Ʋ na tɩ yel à ŋá baar'a, ʋ gur'ɩ a kũu gʋ̃ɔ.

Ʋrɔm 12:14

Nyɩ mɩ́ ƴɛ̀r nɔ-vla a bɛlɩ dem na dɔwrɛ nyɩ a ƴãw, nyɩ mɩ́ ƴɛ̀r nɔ-vla ɛ́ ta ŋmɩɛr ƴãwn bɛ ɩ.

Ʋrɔm 12:20

Lɛ nɩ kɛ́: «Kɔ̃ wa kpɩɛr a fʋ dɔ̃ sob a, fʋ̃ʋ kʋ̀ ʋ bʋ̃-dɩrɩ ʋ dɩ, kʋ̃ɔ-nyúur wa kpɩɛr ʋ a, fʋ̃ʋ kʋ̀ ʋ kʋ̃ɔ ʋ nyũ, bʋ̃ʋ n'ʋ vɛ̃, fʋ na ɩrɛ à à ŋá a, a ɩ na mɛ̃ vũu-bie n'a fʋ mʋ̃ɔnɛ dɔwlɛ a ʋ zũú a.»

Ʋrɔm 8:35

Ãa n'ʋ na tʋ̃ɔ́ bʋ́r tɩɩm nɩ a Kɩrɩta a ʋ nɔ̃wfʋ pʋɔ? Kpɩɛrʋ bɩɩ? Pʋl-vʋ̃ɔ bɩɩ? Nɩsaalbɛ dɔwrʋ bɩɩ? Kɔ̃ bɩɩ? Bom-bɛ-tɛrʋ bɩɩ? Bʋ̃-faa bɩɩ? A kũu bɩɩ?

1 Korɛ̃tɩ 9:6

Mãa yõ nɩ a Banabasɩ, tɩmɛ nɛbɛ bɛ tɛr sɔ́r na bɛr a tome ɩ?

2 Korɛ̃tɩ 11:8

Lãw-yie a mɩnɛ n'a ɩ̃ kpow, ɩ̃ sàw na bɛ kaarɛ a ɩ̃ zie k'ɩ̃ɩ tone a nyɩɩm.

Efɛɛzɩ 4:28

Sob nɛ na tɩ dãw zure a, ʋ bɛr a nyãnyuwlu ɛ́ nɩ̃ɛ ƴãw fãw tone nɩ a ʋ nuru, mɛ̃ a lɛ a na sɛw a, tʋ̃ɔ́ mɩ́ páw bom ɩ kʋ̀ sob nɛ na bɛ tɛr a.

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

2 Tesalonikɩ 3:8

Tɩ bɛ ƴãw nɩr kãw za kʋ̀ tɩ bʋ̃-dɩrɩ mɔlɛ ɩ, tɩ nɩ̃ɛ na tɩ sàw a hanʋ nɩ a bàlʋ ɛ́ tõ mʋ̃tɔ̃w nɩ tɩ̃ɩsɔw, k'aa nyɩ been kãw za taa wa bàlɛ ʋ tʋɔra a tɩ ƴãw ɛ.

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

1 Pɩɛr 2:23

ʋl bɛ na mɩ́ tɩ tʋ, ʋʋ bɛ tʋ yáa a san a, ʋl na mɩ́ tɩ wone tuo ɛ́ bɛ ŋmɩɛr ƴãwn nɩr za a. Ʋ nɩ̃ɛ na mɩ́ tɩ de ʋ tʋɔra bɛr kʋ̀ a Naaŋmɩn na maalɛ a ƴɛ̀rʋ nɩ mɩnʋ a,

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.

1 Pɩɛr 3:9

Nyɩ ta mɩ́ yáa a yel-faa san ɛ, bɩɩ yáa a zʋm san ɛ. Nyɩ nɩ̃ɛ mɩ́ ƴɛ̀r nɔ-vla, bʋ̃ʋ n'ʋ vɛ̃, maalʋ n'ʋ a Naaŋmɩn yel k'ʋʋ na kʋ̀ nyɩ na, a lɛn daar ʋ na bʋɔlɩ nyɩ a.

1 Pɩɛr 4:19

A na ɩ à ŋá a, a bɛlɩ dem na wone tuo mɛ̃ a lɛ a Naaŋmɩn na bɔbr a, bɛ de a bɛ mɩŋa za ƴãw a bɛ Íre na ŋmɛ̃ ʋ ŋmɛ̃a a nuru pʋɔ, ɛ́ cãà ɩrɛ a vla.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:9

Ɛcɛ a malkɩ-kpɛ̃ɛ Mɩsɛl tɔr za bɛ ɩ à à ŋá ɩ. Ʋlɛ nɩ a Gɛgɛra na tɩ ŋmɩɛr nɔkpɛn ɛ́ zɛbr'ɩ taa a Moyiir ƴã-gan a, ʋ bɛ tɩ sàw tʋ ʋ ɛ. À ŋá tɛwr'a ʋ tɩ yel kʋ̀ ʋ: «A Sore, ʋ ƴãw fʋ dɔwrʋ.»