1 Korɛ̃tɩ 4:1 - A SƐB-SÕW

¹ A na ɩ lɛ a, a nɩbɛ, bɛ jɩ́rɛ tɩ mɛ̃ a Kɩrɩta tõ-tõ-biir na kaarɛ a Naaŋmɩn yel-sɔwlɩ zie a.

1 Korɛ̃tɩ 4:1 ပူးပေါင်းရင်းမြစ်များ

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Matie 24:45

«A tõ-tõ-bi-vla nɩ yã-bãwnɛ pãa n'ɩ buor a? A kãw n'ɩ ŋan a ʋ zu-sob na de a ʋ yir nɩbɛ kʋ̀, k'ʋʋ mɩ́ kʋ̀ bɛ a bʋ̃-dɩrɩ a daar wa ta a.

Markɩ 4:11

Ʋ tɩ sɔw na yel bɛ: «A nyɩɩm a, bɛ wul nyɩ na nyɩ bãw a Naaŋmɩn Naalʋ yel-sɔwla, ɛcɛ a bɛl na cɛ a zie a, a za mɩ́ ɩ n zʋkpaɩ,

Luka 1:2

Bɛ manɩ nɩ a yele, mɛ̃ a lɛ tɔr za a bɛlɩ dem na nyɛ̃ a a pɛr-tib daar ɛ́ manɩ kʋ̀ tɩ a, ɛ́ bɛ kʋ̀ bɛ a tõ-nʋɔr kɛ́ bɛ hiere a Naaŋmɩn ƴɛ̀rʋ a.

Luka 12:42

A Sore tɩ sɔw na: «Bʋ̃-kaarɛ vla buor sob'ʋ, bãw yã, a zu-sob na ƴãw k'ʋ dɩ nɩ-kpɛ̃ɛnʋ a ʋ yir nɩbɛ zu, kɛ́ a daar mɩ́ wa ta a, ʋ̃ʋ manɩ a ble kʋ̀ bɛ?

Luka 8:10

Ʋ tɩ yel bɛ na: «A nyɩɩm a, Naaŋmɩn ɩ na nyɩ bãw a ʋ naalʋ yel-sɔwlɩ, ɛcɛ a ŋmaarɛ bɛl na cɛ a zie a, a mɩ́ ɩ n zʋkpaɩ, kɛ́ “bɛ tʋ̃ɔ́ mɩ́ jɩ́rɛ ɛ́ ta nyɛ̃ bom za ɩ, bɛrɛ wone ɛ́ ta bãw a pɛr ɛ.”»

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

1 Korɛ̃tɩ 2:7

Ɛcɛ a yã-bãwfʋ ʋl tɩɩm na yere a, ʋ ɩ n Naaŋmɩn yã-bãwfʋ tɩ na kʋ̃ tʋ̃ɔ́ bãw tɔ, ʋʋ sɔwlɩ gã a. A yã-bãwfʋ ʋl a Naaŋmɩn na tɩ dãw bãwnɩ tɩ cɔbrɩ a tɩ yúor-vɩɛlʋ-danʋ ƴãw, ɛ́ a dɩta-pɛ-yome za bɛ be sɛr a.

1 Korɛ̃tɩ 3:5

A ɩ lɛ ãa n'ɩ a Apɔlɔsɩ? Ãa n'ɩ a Pol? Tɩ ɩ n tõ-tõ-biir na ɩ nyɩ páw a naaŋmɩn-sàw-deb a. Tɩ kãw za tõ n a ʋ tome tu n a maalʋ a Sore na kʋ̀ ʋ a.

1 Korɛ̃tɩ 4:13

Bɛ ŋmarɛ nɩ ziri ƴãwn tɩ, ɛ́ tɩ mɔwlɛ bɛ. Cãà wa tɩ tɔ a ƴɛrɛŋa a, tɩ ɩ na mɛ̃ a tẽ-daa sagɛ a, nɩbɛ za tãpúo.

1 Korɛ̃tɩ 4:2

Ɛcɛ bom nɛ bɛ na mɩ́ bɔbr a bʋ̃-kaarbɛ zie a, ʋlɛ n'ɩ kɛ́ bɛ tone a bɛ tome vla taa lɛbr pùor ɛ.

2 Korɛ̃tɩ 11:23

Bɛ ɩ n Kɩrɩta tõ-tõ-biir yaa? A ka a, ɩ̃ na ƴɛ̀r'ɩ yãya-ƴɛ̀rʋ: ɩ̃ ɩ ʋ na zuo bɛ. A bàlʋ pʋɔ n'a o, ɩ̃ zuo bɛ na, a gaso pʋɔ kpɛb ƴãw n'a o, ɩ̃ gãw bɛ na, a ŋmɩɛrʋ lowr wa n'a a, bɛ ŋmɛ mɛ̃ na zuo bɛ. Gb'a a ŋmɩn za, ɩ̃ tɩ cɛ nɩ blã nãá kpi.

2 Korɛ̃tɩ 12:6

Bʋ̃ʋ pãa ɩ! Mãa tɩ bɔbr k'ɩ̃ɩ zɛwr ɩ̃ tʋɔra a, a kʋ̃ʋ ɩ yãyaar'a ɩ, a nãá ɩ n yel-mɩŋa tɛwr ɩ̃ yere, ɛcɛ ɩ̃ bɛ ɩrɛ a lɛ ɩ, ɩ̃ na bɛ bɔbr kɛ́ bɛ tɛr tɩɛrʋ a ɩ̃ ƴãw, ʋ zuo a lɛ bɛ na nyɛ̃ m ɩ̃ ɩrɛ a, bɩɩ ʋ zuo a lɛ bɛ na wone ɩ̃ yere a ɩ.

2 Korɛ̃tɩ 4:5

Tɩɩm mɩŋa bɛ nɛbɛ tɩ hiere yere kʋ̀rɛ a nɩbɛ ɩ, Sore Yeezu Kɩrɩta n'ʋ. Tɩɩm a, tɩ yere na kɛ́ tɩ ɩ n a nyɩ tõ-tõ-biir a Yeezu zũú.

2 Korɛ̃tɩ 6:4

Tɩ nɩ̃ɛ na bɔbr kɛ́ tɩ sɩrɩ sãá ɩ Naaŋmɩn tõ-tõ-biir a yele za pʋɔ: tɩ dɩrɛ nɩ kanyir yaga ɛ́ tɛr tʋɔra-nyɔwfʋ a kpɩɛrʋ pʋɔ, a fɛrʋ pʋɔ nɩ a pʋl-vʋ̃ɔ daar.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Efɛɛzɩ 6:19

Nyɩ mɩ̀ puore kʋ̀rɛ mɛ̃, kɛ́ Naaŋmɩn ƴãw a ƴɛ̀r-bie al na sɛw a a ɩ̃ nʋɔrɩ́, k'ɩ̃ tʋ̃ɔ́ ɓãá ƴãw manɩ a Yel-nʋ̃ɔ̀ yel-sɔwla wul ʋ sãá.

Kɔlɔsɩ 2:2

Ɩ̃ bɔbr'a k'ɩ̃ɩ ɩ à ŋá bɛ kpɛ socir yaga za, bɛ lãw taa nɔnɛ taa tʋ̃ɔ́ páw a yã za naalʋ kpɛ, tʋ̃ɔ́ bãw a Naaŋmɩn yel-sɔwla na ɩ a Kɩrɩta a.

Kɔlɔsɩ 4:3

Nyɩ mɩ̀ cãà puore kʋ̀rɛ tɩ: kɛ́ a Naaŋmɩn sàw tɩ nyɛ̃ vo-vla hiere a ʋ ƴɛ̀rʋ, k'ɩ̃ɩ manɛ a Kɩrɩta sàw-deb yel-sɔwla, a ʋl ƴãw n'a ɩ̃ be a gaso pʋɔ.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

1 Timote 3:6

Ʋ ta ɩ nɩr na sàw de Naaŋmɩn paalʋ a ɩ, alɛ bɛ ɩ lɛ, ʋ nãà ɩrɛ nɩ pɔ̀lʋ tɩ nyɛ̃ nɩ dɔwrʋ mɛ̃ a Gɛgɛra a.

1 Timote 3:9

Bɛ maal tɛr a naaŋmɩn-sàw-deb yel-sɔwla tɩɛr-vla pʋɔ.

Títɩ̀ 1:7

Bʋ̃ʋ n'ʋ vɛ̃, a fɛr'a k'aa Lãw-yir-kaarɛ ta tɛr sãwna bɛ yere ɩ, ʋ na kaarɛ a Naaŋmɩn yele zie a ƴãw: ʋ ta ɩrɛ pɔ̀lʋ ɛ, ta ɩ suur sob ɛ, ʋ ta ɩ dã-nyúure nɩ nɔ-haa-bɔbrɛ ɩ, ʋ ta ɩrɛ nyãnyu-ɩb ɛ.

1 Pɩɛr 4:10

A Naaŋmɩn maalʋ a nyɩ been been na mɩ́ páw a, ʋ mɩ́ de ʋ tone nɩ a ʋ taabɛ vla ƴãw. Lɛ n'a nyɩ na ɩ nɩbɛ na kaarɛ a Naaŋmɩn maalʋ zie vla a, a Naaŋmɩn maalʋ na ɩ tɛɛtɛɛ a.