1 Korɛ̃tɩ 3:19 - A SƐB-SÕW

¹⁹ bʋ̃ʋ n'ʋ vɛ̃, a tẽw ŋa zu yã-bãwfʋ ɩ n gẽgemi Naaŋmɩn zie. A Sɛb-sõw sɩrɩ na yel à ŋá: «Naaŋmɩn mɩ́ nyɔw nɩ a yã-bãwnbɛ a bɛ cɩbɛ pʋɔ»,

1 Korɛ̃tɩ 3:19 ပူးပေါင်းရင်းမြစ်များ

2 Samɩɛl 15:31

Nɩr kãw tɩ yel'a kʋ̀ a Daviir, k'aa Ahitofɛl pʋɔ nɩ a nɩbɛ na bʋ-taa a pʋɔ, a Abɩsalɔm zie. Lɛ n'a a Daviir tɩ yel: «Sore e, ɩ̃ zɛlɛ fʋ na, ɩ a yã a Ahitofɛl na wule a, ɩ dãbolu!»

2 Samɩɛl 16:23

A lɛn daar a, a yã za a Ahitofɛl na tɩ mɩ́ wul a, a mɩ́ tɩ ɩ na mɛ̃ Naaŋmɩn tɔr za n'ʋ ƴɛ̀rɛ a. A Daviir nɩ a Abɩsalɔm tɩ tuur'ɩ a yã za ʋ na wule bɛ a.

2 Samɩɛl 17:14

A Abɩsalɔm nɩ a Ɩsɩrayɛl nɩbɛ tɩ yel'a: «A Arkitɩ dɔɔ, Husaɩ, yã vɩɛl a zuo a Ahitofɛl dem.» Bʋ̃ʋ n'ʋ vɛ̃, a Sore tɩ yel'a k'ʋʋ ŋmɛ a Ahitofɛl yã-vla lɔb, ɛ́ ɩ kpɩɛrʋ páw a Abɩsalɔm.

2 Samɩɛl 17:23

A Ahitofɛl na wa nyɛ̃ bɛ bɛ tu a ʋ yã ʋ na wul a, ʋ tɩ ƴãw nɩ a ʋ bõw a kɔw, yi lo n a sɔ́r kul'ɩ a ʋ tẽw. Ʋ tɩ tɩr'ɩ nɛ́ɛ kʋ̀ a ʋ yir, ɛ́ cen tɩ yawlɩ ʋ tʋɔra kpi. Bɛ tɩ de ʋ na tɩ ũù a ʋ sãà yaa pʋɔ.

A Zɔb sɛbɛ 5:13

Ʋlɛ n'ʋ mɩ́ nyɔw a yã-bãwnbɛ a bɛ cɩbɛ bɛrɩ pʋɔ, ɛ́ mɩ́ de niwn bãw a nɩsaal-libelibe pʋ-tɩɛrʋ.

Sɛb-sõw yielu 141:10

A nɩ-faar bɛrɩ na lɛb'a ŋmɛlɩ nyɔw bɛ, ɛ́ mãa tɔlɛ cere.

Eziptɩ tẽw yib 1:10

Nyɩ ɩ tɩ bɔ yã, ɩ kɛ̀ bɛ ta cãà yãwmɛ dɔwlɛ ɩ. Alɛ bɛ ɩ lɛ, ɛ́ zɛbr wa ɩ mɛ̃ a ìr'a a, bɛ na pʋɔ nɩ a tɩ dɔ̃ dem pʋɔ zɛb'ɩ tɩ, ɛ́ yi zaa a tẽw pʋɔ.»

Eziptɩ tẽw yib 18:11

Ɩ̃ pãa bãw nɩ ƴɛrɛŋa k'aa Sore ɩ n kpɛ̃ɛ zuo a ŋmɩmɛ al za na baa cɛ a. Ʋ wul'a a sãá, a lɛn daar a Eziptɩ tẽw nɩbɛ na tɩ dɔwrɛ a Ɩsɩrayɛl nɩbɛ a.»

Zʋkpaɩ 14:8

Nɩr na bãw a maal-ɩb a mɩ́ piwre nɩ a ʋ ɩ-ɩrɩ, ʋ na ɩ yã-bãwnɛ a ƴãw. Ɛcɛ a dãbole mɩ́ bɔrɛ nɩ a bɛ dãbolu zũú.

Zʋkpaɩ 21:30

Yã-bãwfʋ kãw za, yã kãw za nɩ tɩ́ɛrʋ kãw za bɛ ɩ bom a Sore niŋé ɩ.

Ɩzayi 44:25

Ƴɛrɛŋa a, ɩ̃ ɩrɛ na a bàwr-bʋwrbɛ ƴɛ̀rʋ bɛ cãà tɛr pɛr ɛ. Ɩ̃ ɩrɛ na a bɛlɩ dem na yere a nɩdaar yele a, bɛ bʋ̀nɛ ƴɛ̀rɛ. Ɩ̃ fɛrɛ nɩ a yã-bãwnbɛ bɛ lɛbr pùor, ɩ̃ mɩ́ wul'ɩ a lɛ a bɛ bãwfʋ na ɩ gẽgemi a.

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

1 Korɛ̃tɩ 4:6

Yɛbr i, a nyɩ wulu ƴãw n'a ɩ̃ dãw de a yele man cɔwr'ɩ mãa nɩ a Apɔlɔsɩ. Ɩ̃ bɔbr'a k'ɩ̃ɩ man cɔwr'ɩ tɩ à ŋá nyɩ tʋ̃ɔ́ bãw a zʋkpar ŋa pɛr: «A sɛw na kɛ́ bɛ ta mɩ́ gãw a lɛ na sɛb a bɛr ɛ.» A bɛ tɛr sɔ́r k'aa nyɩ kãw zɛwr ʋ tʋɔra, mɩ́ kpɛ a tɩ kãw ɛ́ bɛr a ƴen sob ɛ.

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

Zakɩ 3:15

A yã-bãwfʋ ŋa tɔ bɛ yi Naaŋmɩn zie ɩ, tẽw zu n'a ʋ yi, nɩsaalʋ zie, kɔ̃tɔmɛ zie mɔ̃ mɩ̀.