1 Korɛ̃tɩ 3:18 - A SƐB-SÕW

¹⁸ Nɩr kãw za taa wa nanɩ bɛ̀lɛ ʋ tʋɔra ɩ: nɩr wa be a nyɩ pʋɔ tɩɛrɛ k'ʋʋ ɩ n yã-bãwnɛ a tẽw ŋa zu a, ʋ lɩɛbɩ gẽgemi sob, tʋ̃ɔ́ ɩ yã-bãwnɛ,

1 Korɛ̃tɩ 3:18 ပူးပေါင်းရင်းမြစ်များ

Zʋkpaɩ 26:12

Fʋ̃ʋ wa nyɛ̃ nɩr ʋ yel k'ʋʋ ɩ n yã-bãwnɛ a, fʋ̃ʋ bãwnɩ a: fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

Zʋkpaɩ 3:5

Ƴãw a fʋ tɩ́ɛrʋ za a Sore ƴãw, taa wa ɩrɛ ƴãwn a fʋ mɩŋa yã ƴãw ɛ.

Zʋkpaɩ 3:7

Ta tɩ́ɛrɛ kɛ́ fʋ ɩ n yã-bãwnɛ ɩ, nɩ̃ɛ zɔrɛ a Sore, ɛ́ gùr pùor cɔw a yel-faa.

Zʋkpaɩ 5:7

Ƴɛrɛŋa a, ɩ̃ bie e, bɛrɛ wone a ɩ̃ ƴɛ̀rʋ, taa zawrɛ a yã ɩ̃ na wule fʋ a bɛrɛ ɩ.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Ɩzayi 5:21

Baw-bio páw nɩ a bɛlɩ dem na mɩ́ de bɛ tʋɔra bʋɔlɛ yã-bãwnbɛ, ɛ́ tɩ́ɛrɛ kɛ́ bɛ tɛr'ɩ yã a!

Zeremi 37:9

À ŋá n'a a mãa, a Sore, ɩ̃ yere: Nyɩ ta bɛ̀lɛ nyɩ tʋɔra, tɩɛrɛ nɩ k'aa Babɩlɔn tẽw dem sɩrɩ na kul ɛ. Bɛ kʋ̃ kul ɛ!

Zeremi 8:8

Nyɩ yere na: «Yã-bãwnbɛ n'ɩ tɩ, tɩmɛ nɛbɛ tɛr a Sore wulu.» Ɛcɛ ŋmɩŋmɩn n'a nyɩ na tʋ̃ɔ́ yere a lɛ? A wulu bãw-bãw-karɩ ɩ n zir-ŋmarbɛ na ɩ a wulu bɛ cãà tori a.

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Matie 18:4

Lɛ so, ʋlɩ sob na siwre ʋ tʋɔra ŋmɛ̃ mɛ̃ a bi-cãpile ŋa a, ʋlɛ n'ʋ ɩ kpɛ̃ɛ zuo a bɛ za a tẽ-vla Naalʋ pʋɔ.

Markɩ 10:15

Yel-mɩŋa sɩza, ɩ̃ yere na kʋ̀rɛ nyɩ, nɩr bɛ wa dier a Naaŋmɩn Naalʋ yele mɛ̃ bibile a, ʋ bɛ be na kpɛ ʋ pʋɔ ɩ.»

Luka 18:17

Yel-mɩŋa sɩza, ɩ̃ yere na kʋ̀rɛ nyɩ: nɩr bɛ wa sàw de a Naaŋmɩn Naalʋ mɛ̃ bibile a, ʋ kʋ̃ kpɛ a ʋ pʋɔ ɩ.»

Luka 21:8

A Yeezu tɩ sɔw na: «Nyɩ gù vla bɛ taa wa tule nyɩ ɛ. Nɩ-yaga na wa na yel kɛ́ a mãa yúor ƴãw n'a, wa yere: “Mãa n'ɩ a Kɩrɩta”, nɩ kɛ́: “A daar ta na.” Nyɩ taa tuur bɛ ɩ.

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 12:16

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

1 Korɛ̃tɩ 15:33

Nyɩ ta bɛ̀lɛ nyɩ tʋɔra ɩ: a tu-taa na bɛ vɩɛl a sãwnɛ nɩ a nyɔ-vʋʋr-vla bɛrɛ.

1 Korɛ̃tɩ 3:17

Nɩr wa sãw a Naaŋmɩn yir bɛr a, Naaŋmɩn mɩ̀ na sãw nɩ a ʋ sob bɛr. Bʋ̃ʋ n'ʋ vɛ̃, a Naaŋmɩn yir ɩ n sõw, ɛ́ nyɩmɛ n'ɩ a yir ŋa.

1 Korɛ̃tɩ 4:10

Tɩ ɩ n gẽgemi dem a Kɩrɩta ƴãw, ɛ́ nyɩɩm ɩ yã-bãwnbɛ nyɩ na lãw nɩ a Kɩrɩta a. Tɩ bɛ tɛr fãw ɛ, ɛ́ nyɩɩm tɛr fãw, nyɩ tɛr'ɩ yúor, ɛ́ tɩɩm bɛ nyɛrɛ ƴãwfʋ ɛ.

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

Galasi 6:3

Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra.

Galasi 6:7

Nyɩ ta bɛ̀lɛ nyɩ tʋɔra ɩ: Naaŋmɩn bɛ sàwr bɛ ɩrɛ ʋ laar ɛ. Ʋlɩ bom nɛ a nɩsaal na bʋ̀r a, ʋlɛ n'ʋ ʋ na cɛ.

Efɛɛzɩ 5:6

Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

Zakɩ 1:22

Nyɩ taa wa bɛlɛ nyɩ tʋɔra ɩ a Naaŋmɩn ƴɛ̀rʋ bɛr-wonbɛ tɛwr ɛ, nyɩ mɩ́ sɩrɩ tu a ƴɛ̀rʋ pùor a nyɩ ɩ-ɩrɩ pʋɔ.

Zakɩ 1:26

Nɩr wa yel k'ʋʋ puore na, ɛ́ bɛ mɩ́ maal tɛr a ʋ nʋɔr a, ʋ bɛlɛ nɩ ʋ tʋɔra: a ʋ Naaŋmɩn puoru bɛ tɛr pɛr ɛ.

1 Zã 1:8

Tɩmɛ wa yel kɛ́ tɩ bɛ tɛr yel-bier a, tɩ tule nɩ tɩ tʋɔra, ɛ́ a yel-mɩŋa bɛ be a tɩ zie ɩ.