1 Korɛ̃tɩ 3:17 - A SƐB-SÕW

¹⁷ Nɩr wa sãw a Naaŋmɩn yir bɛr a, Naaŋmɩn mɩ̀ na sãw nɩ a ʋ sob bɛr. Bʋ̃ʋ n'ʋ vɛ̃, a Naaŋmɩn yir ɩ n sõw, ɛ́ nyɩmɛ n'ɩ a yir ŋa.

1 Korɛ̃tɩ 3:17 ပူးပေါင်းရင်းမြစ်များ

Yele-za-pɛr-tib 28:17

Dɛ̃bɩ̃ɛ tɩ kpɛ ʋ na, ʋ yel: «Nyɛ̃ zie na ɩrɛ dɛ̃bɩ̃ɛ a! Bom za bɛ n'ʋ, a bɛ ɩ a Naaŋmɩn yir nɩ a tẽ-vla dɩ̃dɔr ɛ!»

1 Bibie za yel-manɩ 29:3

Lɛb waar, ɩ̃ na nɔnɛ a ɩ̃ Naaŋmɩn yir a zũú, a salm-zɩɛ nɩ a salm-pla ɩ̃ na tɛr a ɩ a ɩ̃ sób a, ɩ̃ dier a na tɩrɛ a ɩ̃ Naaŋmɩn yir ƴãw, ƴãw pʋɔ a al za ɩ̃ na cɔbrɩ a ƴãw.

Sɛb-sõw yielu 74:3

Cen ta a deboru á ŋá na àr a koro za a pɛr: a dɔ̃ sob sãw nɩ bom za bɛr a zi-sõw pʋɔ.

Sɛb-sõw yielu 79:1

Sɛb-sõw yielu Asafʋ na maalɩ a. Naaŋmɩn i, a nɩ-bʋʋr-yoru wa na wa yɛ́r pàw a zie fʋ na só a, bɛ dɛw nɩ a fʋ yir-sõw bɛr, bɛ ɩ na a Zerizalɛm yie lɩɛbɩ deboru.

Sɛb-sõw yielu 93:5

A fʋ nɛ-ƴãwnɩ ɩ n yel-mɩŋa a za. A sonu n'a sɛw taa nɩ a fʋ yir, Sore e, lɛn daar za a tẽ-daa na na cãà a.

Sɛb-sõw yielu 99:9

Nyɩ hiere yere a Sore tɩ Naaŋmɩn na ɩ kpɛ̃ɛ a, nyɩ lo gbĩ dume gũu tɩ tɔ tẽw tori a ʋ tãw-sõw, bʋ̃ʋ n'ʋ vɛ̃, A Sore tɩ Naaŋmɩn ɩ n sõw.

Eziptɩ tẽw yib 3:5

A Sore yel: «Taa tawr pɩɛlɛ a ka ɩ! Yaa a fʋ nafawr bɛr, bʋ̃ʋ n'ʋ vɛ̃, zi-sõw pʋɔ n'ɩ a ka fʋ na àr a.

Ɩzayi 64:11

Sore e, fʋ na tʋ̃ɔ́ na nyɛ̃ a kpɩɛrʋ á ŋá ɛ́ nyɔw fʋ tʋɔra a? Fʋ na tʋ̃ɔ́ na ɩ gbili ɛ́ ƴãw tɩ a vĩ tɩ dɔwlɩ ɩ?

Ezekɩɛl 43:12

A nɔ-kpɛ̃ɛ na càarɩ a Ŋmɩn-yir-kpɛ̃ɛ a n'ɩ ŋa: vuo za na viiri koli ʋ a tãw nyʋɔrɩ́ a na ɩ n sõw yaga za.»

Ezekɩɛl 5:11

«A mãa, a Sore Naaŋmɩn, ɩ̃ pɔ n nɩ a ɩ̃ nyɔ-vʋʋrʋ, yel à ŋá: Nyɩ dɛw nɩ a ɩ̃ yir-sõw bɛr nɩ a nyɩ ɩb na bɛ maal'ɩ wob a, nɩ a nyɩ ŋmɩn-bɛlɛbɛlɛ. A na ɩ lɛ a, ɩ̃ na ɩ n a bʋra tɔl a nyɩ zu. Ɩ̃ bɛ tɛrɛ mimi-baalʋ ɛ, nyɩ bɛ cɩ̃ɛnɛ ɩ.

Ezekɩɛl 7:22

Ɩ̃ kʋ̃ ɩ ɩb za bɛlɛ wa dɛw a ɩ̃ na-bom bɛr a ɩ. Nyãnyu-nɩ-kʋrbɛ na wa na wa ɩ ʋ tɛr dɛwr.

Levitɩ mɩnɛ 15:31

«Nyɩ na yel'ɩ a Ɩsɩrayɛl nɩbɛ kɛ́ bɛlɛ wa tɛr dɛwr a, bɛ taw zãa nɩ a zi-sõw. À ŋá n'a bɛ kʋ̃ dɛw a ɩ̃ kpɛb zie na be a bɛ sɔgɔ a bɛr, wa mab kpi ɛ.»

Levitɩ mɩnɛ 20:3

bʋ̃ʋ n'ʋ vɛ̃, mãa mɩŋa na ìr'ɩ a nɩr ŋa ƴãw. Ɩ̃ na ír ʋ na bɛr a Ɩsɩrayɛl nɩbɛ pʋɔ, ʋ na de a ʋ bie kʋ̀ a Molɛkɩ a ƴãw, nɩ ʋ na dɛw a ɩ̃ zi-sõw bɛr ɛ́ sãw a ɩ̃ yo-sõw a ƴãw.

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Sɔr-nɛ́ɛ 19:20

«Ɛcɛ nɩr na tɛr dɛwr a, ʋlɛ bɛ wa so a ʋ dɛwr bɛr lɛb vɩɛl a, bɛ na ír ʋ na bɛr a Ɩsɩrayɛl nɩbɛ lãw pʋɔ. Bʋ̃ʋ n'ʋ vɛ̃, ʋ dɛwr'ɩ a Sore zi-sõw bɛrɛ. Bɛ na bɛ mɩr ʋ nɩ dɛwr-so-bɛrʋ kʋ̃ɔ a, ʋ ɩ n dɛwr sob.»

1 Korɛ̃tɩ 3:16

Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

1 Korɛ̃tɩ 3:18

Nɩr kãw za taa wa nanɩ bɛ̀lɛ ʋ tʋɔra ɩ: nɩr wa be a nyɩ pʋɔ tɩɛrɛ k'ʋʋ ɩ n yã-bãwnɛ a tẽw ŋa zu a, ʋ lɩɛbɩ gẽgemi sob, tʋ̃ɔ́ ɩ yã-bãwnɛ,