1 Korɛ̃tɩ 3:16 - A SƐB-SÕW

¹⁶ Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

1 Korɛ̃tɩ 3:16 ပူးပေါင်းရင်းမြစ်များ

Ezekɩɛl 36:27

Ɩ̃ na ƴãw nyɩ nɩ a ɩ̃ Vʋʋrʋ. À ŋá n'a ɩ̃ na ɩ kɛ̀ nyɩ tʋ̃ɔ́ sàwr a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Zã 14:17

A yel-mɩŋa Vʋʋrʋ n'ʋ, a ʋl a tẽ-daa na kʋ̃ tʋ̃ɔ́ sàw de a, ʋ na bɛ mɩ́ nyɛ̃ ʋ, ɛ́ mɩ̀ bɛ bãw ʋ a ƴãw. Nyɩɩm bãw ʋ na, ʋ na kpɩɛr a nyɩ zie ɛ́ be a nyɩ pʋɔ a.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Ʋrɔm 6:3

Bɩɩ nyɩ bɛ bãw k'aa tɩɩm za na de a suob kɛ́ tɩ lãw nɩ a Yeezu Kɩrɩta a, tɩ de nɩ a suob lãw nɩ ʋ kpi ʋ?

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Ʋrɔm 8:9

Nyɩɩm ƴãw a, nyɩ bɛ bɛr a nɩsaalʋ so nyɩ ɛ. A Vʋʋrʋ Sõw n'ʋ so nyɩ, ʋlɛ wa n'ʋ sɩrɩ kpɩɛr a nyɩ pʋɔ a. Nɩr bɛ wa tɛr a Kɩrɩta Vʋʋrʋ a, ʋ bɛ ɩ a ʋ nɩ-sora ɩ.

1 Korɛ̃tɩ 3:17

Nɩr wa sãw a Naaŋmɩn yir bɛr a, Naaŋmɩn mɩ̀ na sãw nɩ a ʋ sob bɛr. Bʋ̃ʋ n'ʋ vɛ̃, a Naaŋmɩn yir ɩ n sõw, ɛ́ nyɩmɛ n'ɩ a yir ŋa.

1 Korɛ̃tɩ 3:9

Naaŋmɩn lãw-tõ-taabɛ n'ɩ tɩ, ɛ́ nyɩmɛ nɛbɛ ɩ a Naaŋmɩn púo. Nyɩmɛ nɛbɛ mɩ̀ ɩ a yir a Naaŋmɩn na mɩɛr a.

1 Korɛ̃tɩ 5:6

A bom nɛ ƴãw nyɩ na zɛwr nyɩ tʋɔra a bɛ vɩɛl ɛ. Nyɩ bɛ bãw kɛ́ dãbɩl blãlɛ n'a mɩ́ ɩ a zɔ̃ za ìr ɛ?

1 Korɛ̃tɩ 6:16

Nyɩ bɛ bãw kɛ́ nɩr na gã nɩ a pɔw-yɛm a, ʋ lãw nɩ ʋ na bɛ ɩ ƴãw-been ɛ? Bʋ̃ʋ n'ʋ vɛ̃, bɛ yel'ɩ à ŋá: «A bɛ za ayi na ɩ n nɩ-been.»

1 Korɛ̃tɩ 6:19

Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ?

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

1 Korɛ̃tɩ 9:13

Nyɩ bɛ bãw k'aa bɛlɩ dem na tone a Ŋmɩn-yir-kpɛ̃ɛ pʋɔ a, a Ŋmɩn-yir-kpɛ̃ɛ n'ʋ guole bɛ ɩ? Ɛ́ a bɛlɩ dem na tone a bàwr-maal-kuur zu tome a, bɛ pʋɔ nɩ a bàwr-maal-kuur zu de-kʋ̀b bome pʋɔ ɩ?

1 Korɛ̃tɩ 9:24

Nyɩ bɛ bãw k'aa bɛlɩ dem na mɩ́ dãwnɛ taa a dɩ̃ɛnʋ zie a, bɛ za nɛbɛ mɩ́ zɔrɛ, ɛcɛ been yõ n'ʋ mɩ́ wa páw a zɔ-tʋ̃ɔ́fʋ bom ɛ? A na ɩ à ŋá a, nyɩ zɔrɛ zɔba na na ɩ nyɩ páw a zɔ-tʋ̃ɔ́fʋ sã-ya a.

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

1 Timote 3:15

Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.

2 Timote 1:14

Maal tɛr a bʋ̃-vla ŋa bɛ na kʋ̀ b a, nɩ a Vʋʋrʋ Sõw fãw, ʋl na kpɩɛr a tɩ pʋɔ a.

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Zã 4:12

Nɩr za bɛ dãw nyɛ̃ a Naaŋmɩn ɛ. Tɩmɛ wa nɔnɛ taa a, Naaŋmɩn lãw nɩ tɩ na, ɛ́ a ʋ nɔ̃wfʋ a tɩ zie vɩɛl'ɩ ʋ za.