1 Korɛ̃tɩ 3:12 - A SƐB-SÕW

¹² Salm-pla bɩɩ salm-zɩɛ n'a bɛ mɩɛr'ɩ dɔwlɛ a yir pɛr ŋa zuo o, kʋsɛ-vɩɛlɩ bɩɩ daar'a o, mʋ̃ɔ bɩɩ kɛkɛɛ n'a o,

1 Korɛ̃tɩ 3:12 ပူးပေါင်းရင်းမြစ်များ

Sɛb-sõw yielu 119:72

A wulu na yi a fʋ nʋɔrɩ́ a, vɩɛl'ɩ a ɩ̃ zie zuo salm-zɩɛ nɩ salm-pla libie tu-tu-túr.

Sɛb-sõw yielu 19:10

A Sore ƴãwfʋ vɩɛl'a, ʋ bɛ tɛr nãà baarɩ ɛ. A ƴɛ̀rʋ a Sore na mɩ́ dɩ a, a mɩ́ ɩ n sɩza, a za mɩ́ tu n mɩnʋ.

Eziptɩ tẽw yib 5:12

Lɛ n'a a Ɩsɩrayɛl nɩbɛ tɩ yi yɛ́r pàw a Eziptɩ tẽw za, kɛ́ bɛ wob a mʋ̃ɔ wa kʋr.

Zʋkpaɩ 16:16

A yã-bãwfʋ páwfʋ sa n salm-zɩɛ páwfʋ. A yã tɛrʋ sa n salm-pla tɛrʋ.

Zʋkpaɩ 30:6

Taa dɔwlɛ bom a ʋ ƴɛ̀rʋ zu ɛ, alɛ bɛ ɩ lɛ, ʋ na yere fʋ na, ɛ́ yel kɛ́ fʋ ɩ n zir-ŋmarɛ.

Zʋkpaɩ 8:10

Nyɩ bɔbr a wulu ɩ̃ na tɩrɛ a, ɛ́ bɛr a salm-pla. Nyɩ bɔbr a bãwfʋ ɛ́ bɛr a salm-zɩɛ.

Ɩzayi 60:17

Ɩ̃ na ɩ na salm-zɩɛ lɩɛrɩ kur-zɩɛ wa, salm-pla lɩɛrɩ kure wa, kur-zɩɛ lɩɛrɩ a dàar wa, kure lɩɛrɩ a kʋsɛbɛ wa. A ƴã-ɓaarʋ n'ʋ ɩ̃ na ƴãw ʋ jɩ́rɛ fʋ, ɛ́ a mɩnʋ dɩrɛ naalʋ a fʋ zu.

Zeremi 23:28

Naaŋmɩn-ƴɛ̀r-manɛ wa zánɩ zánʋ a, ʋ manɩ a ʋ zánʋ! Ɛcɛ ʋlɛ wa tɛr a ɩ̃ ƴɛ̀rʋ na ƴɛ̀r a, ʋ ƴɛ̀r a tori!» A Sore yere na: «Ùr nɩ bʋ̃-bie na tʋ̃ɔ́ na ɩ been bɩɩ?

Nɩ-toni 20:30

Mɔ̃ mɩ̀, zir-ŋmarbɛ na yi n a nyɩ pʋɔ bɛ̀lɩ a po-tuurbɛ bɛ tu a bɛ pùor.

Ʋrɔm 16:17

Yɛbr i, ɩ̃ kpaalɛ nyɩ na kɛ́ nyɩ gùre nyɩ tʋɔra a bɛlɩ dem na bɛ dier a wulu bɛ na kʋ̀ nyɩ a ƴãw, ɛ́ mɩ́ ƴãwnɛ bʋ́r-taa a kɩrɩta-nɩbɛ sɔgɔ, ɛ́ ɩrɛ bɛ bɔrɛ a. Nyɩ taw zãá nɩ bɛ,

1 Korɛ̃tɩ 3:11

Ɛ́ a yir pɛr a, nɩr kʋ̃ tʋ̃ɔ́ sʋ̃ɔ́ kãw ƴãw pʋɔ a ʋl na be be a ƴãw ɛ: a pɛr lɛ kɛ́ a Yeezu Kɩrɩta.

1 Korɛ̃tɩ 3:13

ŋa za tome nãà sãá nɩ cãàmɩlɛ. A ƴɛ̀rʋ-maalʋ bibir na ɩ na bɛ bãw à ŋà za tome, vũu na n'a mɩ́ ɩ a bibir ŋa ʋ sãá a ƴãw, ɛ́ a vũu na ɩ n ŋa za tome kaa, bãw a ŋmɛ̃a.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

Kɔlɔsɩ 2:8

Nyɩ gù vla nɩr za taa bɛlɛ nyɩ nyɔwr nɩ a nɩsaalbɛ yã-bãwfʋ nɩ a bɛ bãw-voru na mɩ́ tu sãàkʋm-kore yele nɩ a tẽ-daa bʋ̃-balɛ, ɛ́ bɛ tu a Kɩrɩta a ɩ.

1 Timote 6:3

Nɩr wa wule wul-yũo a, ʋlɛ bɛ wa tu a tɩ Sore Yeezu Kɩrɩta ƴɛ̀r-bi-vɩɛlɩ nɩ a wulu na tu a tɩ Naaŋmɩn ƴãwfʋ a,

2 Timote 2:20

Yir-kpɛ̃ɛ pʋɔ a, a pɔw-bome bɛ mɩ́ ɩ salm-pla nɩ salm-zɩɛ tɛwr ɛ, dàar dem nɩ yawra dem mɩ̀ mɩ́ be n be. A mɩnɛ a bibi-bɛrɛ ƴãw, ɛ́ a mɩnɛ a bibie za ƴãw.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

2 Timote 3:7

A pɔwbɛ bɛ ŋa taabɛ be n a zanʋ zu kʋralɛ, ɛ́ bɛ be za na tʋ̃ɔ́ bãw a yel-mɩŋa ɩ.

2 Timote 4:3

Daar kãw sɩrɩ na waar na ta, bɛ mɩnɛ kʋ̃ cãà sàwr a wul-vla ɩ, ɛcɛ mɛ̃ a lɛ bɛ na bɔbr a, bɛ na tɛr'ɩ wul-wulbɛ yaga yaga bɛ manɛ yele na nʋmɛ a bɛ tobe wob ƴãw a.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

Yel-wula 2:14

Ɛcɛ, yele blã be n be, ɩ̃ na yere fʋ a al ƴãw: nɩbɛ be n a fʋ zie de a Balaam wulu. A Balaam ŋa n'ʋ tɩ wule a Balakɩ, k'ʋʋ bɛlɩ a Ɩsɩrayɛl nɩbɛ ƴãw bɛ 'wɔb tɩbɛ bàwr-maal-nɛnɛ ɛ́ maalɩ pɩ̃ɔ-yele.

Yel-wula 21:18

Zasɩpʋ n'a bɛ tɩ mɛ n a dacin, ɛ́ mɛ a tẽw tɔr za nɩ salm-zɩɛ mɩŋa na ɩ mɛ̃ kʋ̃ɔ-kuur na cuoli a.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.