1 Korɛ̃tɩ 3:10 - A SƐB-SÕW

¹⁰ Mɛ̃ a lɛ a Naaŋmɩn na kʋ̀ m a maalʋ a, ɩ̃ sʋ̃ɔ́ nɩ a yir pɛr mɛ̃ nɩr na sɩrɩ bãw a yir ŋmãafʋ yele a, ɛ́ nɩ-yũo mɩɛr dɔwlɛ. Ɛcɛ ŋa za, ʋ mɩ́ gù vla a lɛ ʋ na mɩɛr a.

1 Korɛ̃tɩ 3:10 ပူးပေါင်းရင်းမြစ်များ

2 Bibie za yel-manɩ 2:12

A na ɩ à ŋá a, ƴɛrɛŋa a, ɩ̃ kʋ̀rɛ fʋ nɩ Hiram-Abi na ɩ bãw-bãwnɛ na tɛr yã a.

Eziptɩ tẽw yib 36:4

Lɛ n'a a nuru tõ-tonbɛ za na tɩ nyɔw a zi-sõw maalʋ a tɩ bɛr a tome ɛ́ cen

Zʋkpaɩ 12:8

Nɩr na tɛr yã a n'ʋ bɛ mɩ́ danɛ, ɛ́ ɩrɛ sob nɛ a tɩ́ɛrʋ na bɛ tori a laar.

Zʋkpaɩ 9:1

A Yã-bãwfʋ maal'ɩ kpule ayopõi, ʋ mɛ n a ʋ yir.

Ekilezɩasɩ 12:9

A ʋlɩ bom nɛ na lɛb dɔwlɩ a Kohelɛtɩ yã-bãwfʋ zu a n'ɩ k'ʋʋ lɛb'a zanɩ nɩ a nɩbɛ a bãwfʋ. Ʋ bɔ n zʋkpaɩ yaga pɛr bãw, jieli a, ɛ́ ɩ a tu taa vla vla.

Zakari 4:9

«A Zorobabɛl nuru n'a sʋ̃ɔ́ a Ŋmɩn-yir-kpɛ̃ɛ pɛr, ɛ́ na mɛ ʋ tɩ baarɩ.» A yele á ŋá za wa ta baar'a, nyɩ na bãw na k'aa Sore, a Kpɛnʋ-za-sob, sɩrɩ n'ʋ tõ m a nyɩ zie.

Matie 24:45

«A tõ-tõ-bi-vla nɩ yã-bãwnɛ pãa n'ɩ buor a? A kãw n'ɩ ŋan a ʋ zu-sob na de a ʋ yir nɩbɛ kʋ̀, k'ʋʋ mɩ́ kʋ̀ bɛ a bʋ̃-dɩrɩ a daar wa ta a.

Matie 7:24

«A na ɩ à ŋá a, nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ tuur a a, ʋ ŋmɛ̃ na taa nɩ yã-bãwnɛ na ŋmãa a ʋ yir kʋsɛ-pan zu a.

Luka 11:35

A na ɩ à ŋá a, maal bɛl vla, a cãà na be a fʋ pʋɔ a taa wa ɩ lige ɩ.

Luka 21:8

A Yeezu tɩ sɔw na: «Nyɩ gù vla bɛ taa wa tule nyɩ ɛ. Nɩ-yaga na wa na yel kɛ́ a mãa yúor ƴãw n'a, wa yere: “Mãa n'ɩ a Kɩrɩta”, nɩ kɛ́: “A daar ta na.” Nyɩ taa tuur bɛ ɩ.

Nɩ-toni 18:27

A Apɔlɔsɩ na tɩ bɔbr k'ʋʋ cen a Akayi a, a yɛbr tɩ sàw na kʋ̀ ʋ, ɛ́ maalɩ sɛbɛ yel kʋ̀ a be dem Yeezu po-tuurbɛ, kɛ́ bɛ tɛr ʋ a sãanʋ vla. Ʋ na tɩ ta a be a, a bɛlɩ dem na tɩ sàw de a Yeezu yele a Naaŋmɩn maalʋ zũú a, ʋ sõw bɛ nɩ yaga za.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

Ʋrɔm 15:15

Ɛcɛ ɩ̃ nyɔw nɩ nyãa bʋʋrɛ kãw sɛb'ɩ nyɩ a ɩ̃ sɛbɛ ziir a mɩnɛ, k'ɩ̃ɩ tʋ̃ɔ́ sɩ̃w a nyɩ tɩɛrʋ. Ɛ́ mãa wa sɛb a lɛ a, a ɩ n a maalʋ a Naaŋmɩn na kʋ̀ m a zũú n'a,

Ʋrɔm 15:20

Ɛcɛ ɩ̃ bɛ sàw yel a Yel-nʋ̃ɔ̀ be nɩbɛ na wõ a Kɩrɩta yele a ɩ, k'ɩ̃ɩ taa wa mɩɛr a dacine dɔwlɛ yir pɛr zu nɩ-yũo na lɔb a ɩ.

1 Korɛ̃tɩ 3:11

Ɛ́ a yir pɛr a, nɩr kʋ̃ tʋ̃ɔ́ sʋ̃ɔ́ kãw ƴãw pʋɔ a ʋl na be be a ƴãw ɛ: a pɛr lɛ kɛ́ a Yeezu Kɩrɩta.

1 Korɛ̃tɩ 9:2

Bɛ mɩnɛ zie mãa bɛ wa ɩ nɩ-tona a, a nyɩɩm zie ʋl a, ɩ̃ ɩ ʋ na. Bʋ̃ʋ n'ʋ vɛ̃, nyɩ na lãw nɩ a Sore a, nyɩmɛ nɛbɛ ɩ a ɩ̃ nɩ-tona tome bãwfʋ.

2 Korɛ̃tɩ 10:15

Tɩ bɛ de tome nɩ-yoru na tõ a, pɔrɛ nɩ yaga za zuo ɩ. Ɛcɛ, tɩ nɩ̃ɛ na tɩɛrɛ k'aa nyɩ naaŋmɩn-sàwfʋ na kɛrɛ na dɔwlɛ, nɩ kɛ́ tɩ na tʋ̃ɔ́ na tõ tõ-kpɛ̃ɛ zuo lɛ a nyɩ sɔgɔ, ɛcɛ a cãà ɩ a tɩ tome tʋr-bɔw pʋɔ.

Efɛɛzɩ 2:20

Bɛ de nyɩ na ƴãw a yir mɩɛrʋ pʋɔ, a ʋl bɛ na sʋ̃ɔ́ a pɛr a nɩ-toni nɩ a naaŋmɩn-ƴɛ̀r-manbɛ zu, ɛ́ a Yeezu Kɩrɩta mɩŋa ɩ a yir pɛr kʋsɩɛr a.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

Kɔlɔsɩ 4:17

Nyɩ yel à ŋá kʋ̀ a Arsɩpʋ: «Kaarɛ a Sore ton fʋ na páw a zie vla, ɛ́ ƴãw fãw tone ʋ vla.»

1 Tesalonikɩ 3:2

ɛ́ tõ a tɩ yɛb Timote a nyɩ zie, k'ʋʋ wa ɩ nyɩ kpɛmɛ ɛ́ ƴãw fãw a nyɩ naaŋmɩn-sàw-deb ƴãw, ʋl na ɩ Naaŋmɩn lãw-tõ-tɔ a Kɩrɩta Yel-nʋ̃ɔ̀ hieru tome pʋɔ a,

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

2 Timote 2:15

Ɩ fãw àr a Naaŋmɩn niŋé mɛ̃ nɩr bɛ na ɩ kaa a, mɛ̃ tõ-tõ-bie na bɛ zɔrɛ a ʋ tome vĩ a, ɩ mɛ̃ tõ-tõ-bie na manɛ a yel-mɩŋa ƴɛ̀rʋ vla vla za a.

Zakɩ 3:1

Ɩ̃ yɛbr i, nyɩ ta bɔbr kɛ́ nyɩ ɩ wul-wulbɛ yaga ɩ. Nyɩ bãw na k'aa tɩɩm na wule a nɩbɛ a, bɛ na maal'ɩ tɩ nɩ a ƴɛ̀rʋ a kpɛmɛ zuo a nɩbɛ dem.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

2 Pɩɛr 3:15

Nyɩ bãwnɩ a, a Sore wa nyɔw ʋ tʋɔra kɔwrɩ a, a nyɩ faafʋ n'a, mɛ̃ a lɛ a tɩ yɛb nɩ a tɩ bá Pol na sɛb kʋ̀ nyɩ nɩ a yã-bãwfʋ a Naaŋmɩn na kʋ̀ ʋ a.

Yel-wula 21:14

A tẽw dacin tɩ mɛ na dɔwlɩ kʋsɛbɛ pie nɩ ayi zu bɛ na sʋ̃ɔ́ nɩ a pɛr a, ɛ́ a Pele nɩ-toni pie nɩ ayi yée sɛb a kʋsɛbɛ zu.

Yel-wula 21:19

Bɛ tɩ ƴãw nɩ kʋsɛ-bi-nyɩlɩ bʋʋrɛ za a tẽw dacĩ-pɛr kʋsɛbɛ ƴãw: zasɩpʋ n'a bɛ tɩ ƴãw a kʋsɛ-dãw-niwn sob ƴãw, safɩɩr a ayi sob ƴãw, agatɩ a ata sob ƴãw, emerodɩ a anaar sob ƴãw,