1 Korɛ̃tɩ 2:7 - A SƐB-SÕW

⁷ Ɛcɛ a yã-bãwfʋ ʋl tɩɩm na yere a, ʋ ɩ n Naaŋmɩn yã-bãwfʋ tɩ na kʋ̃ tʋ̃ɔ́ bãw tɔ, ʋʋ sɔwlɩ gã a. A yã-bãwfʋ ʋl a Naaŋmɩn na tɩ dãw bãwnɩ tɩ cɔbrɩ a tɩ yúor-vɩɛlʋ-danʋ ƴãw, ɛ́ a dɩta-pɛ-yome za bɛ be sɛr a.

1 Korɛ̃tɩ 2:7 ပူးပေါင်းရင်းမြစ်များ

Sɛb-sõw yielu 78:2

Ɩ̃ na háa nɩ a nʋɔr lɔb zʋkpaɩ, ɛ́ ɩ a wulu na be a koro za yele pʋɔ a, a sãá.

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Matie 13:35

k'aa naaŋmɩn-ƴɛ̀r-manɛ ƴɛ̀rʋ ŋa tʋ̃ɔ́ tu: «Zʋkpaɩ n'a ɩ̃ na lɔbr, ɩ̃ na hier'ɩ yele na sɔwlɩ gã a tẽ-daa íru daar za a.»

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Ʋrɔm 8:29

Bʋ̃ʋ n'ʋ vɛ̃, a bɛlɩ dem a Naaŋmɩn na tɩ dãw de niwn bãw a, ʋ mɩ̀ bãwnɩ bɛ na ƴãw bɛ ɩ a ʋ Bie ŋmɛ̃-ta-taabɛ, k'aa Bie ŋa tʋ̃ɔ́ ɩ yɛbr na yãwmɛ yaga a kpɛ̃ɛ.

Ʋrɔm 8:30

A bɛlɩ dem a Naaŋmɩn na tɩ dãw bãwnɩ a, ʋ bʋɔlɩ bɛ na mɩ̀, a bɛlɩ dem ʋ na bʋɔlɩ a, ʋ mɩ̀ ɩ na bɛ lɩɛbɩ nɩ-mɩn, a bɛlɩ dem ʋ na ɩ bɛ lɩɛbɩ nɩ-mɩn a, ʋ mɩ̀ ɩ na kɛ̀ bɛ pʋɔ a ʋ yúor-vɩɛlʋ-danʋ pʋɔ.

1 Korɛ̃tɩ 2:1

Yɛbr i, a mãa mɩŋa na tɩ wa a nyɩ zie a, ƴɛ̀r-bãw bɩɩ yã-bãw bɛ n'a ɩ̃ tɩ manɩ nɩ a Naaŋmɩn pʋ-tɩɛr-sɔwla kʋ̀ nyɩ ɛ.

Efɛɛzɩ 1:4

Ʋ bɛ tɩ ír a tẽ-daa sɛr ɛ, ɛ́ de niwn kaa ír tɩ a Kɩrɩta ƴãw, kɛ́ tɩ wa lɩɛbɩ nɩ-son na bɛ tɛr sãwna bɛ yere a, a ʋ nɔ̃wfʋ pʋɔ, a ʋ niŋé.

Efɛɛzɩ 3:10

À ŋá n'a a ƴɛrɛŋa, a Lãw-yir ƴãw, a salom zu naalʋ-dɩrbɛ nɩ fãw dem bãw a Naaŋmɩn yã-bãwfʋ pɔ́lɛ́ za.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Ebre 11:3

A sàw-deb zũú n'a tɩ bãw k'aa ʋ ƴɛ̀rʋ n'a Naaŋmɩn cɔbrɩ nɩ a zie. A ɩ a lɛ a bom fʋ na mɩ́ nyɛ̃ a yi bom fʋ na bɛ mɩ́ nyɛ̃ a pʋɔ.

1 Pɩɛr 1:11

Bɛ tɩ ƴãw nɩ fãw jɛlɛ kɛ́ bɛ bãw debor daar'a, nɩ yele abobe n'a a Kɩrɩta Vʋʋrʋ na be a bɛ pʋɔ a, tɩ bɔbr k'ʋʋ yel, a lɛn daar ʋ na tɩ de niwn yel a tuo na gùre a Kɩrɩta a yele, nɩ a yúor-vɩɛlʋ-danʋ ʋ na na páw a tuo wob pùorí a.

1 Pɩɛr 5:1

Mãa mɩ̀ na pʋɔ a nɩ-kore pʋɔ ɛ́ dɩ a Kɩrɩta tuo-wob dãsɩɛ a, mãa mɩ̀ na na páw a yúor-vɩɛlʋ-danʋ na waar na sãá a, ɩ̃ zɛlɛ nɩ a nɩ-kore na be a nyɩ pʋɔ a:

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

2 Pɩɛr 1:3

A ʋ naaŋmɩnʋ fãw zũú, a Sore kʋ̀ tɩ nɩ bom za a na sɛw kɛ́ tɩ tɛr tʋ̃ɔ́ vʋʋrɛ nyɔ-vʋʋr-vla ɛ́ ƴãwnɛ a Naaŋmɩn a. Ʋ ɩ na tɩ bãw a Sob nɛ na ƴãw tɩ pʋɔ a ʋl mɩŋa yúor-vɩɛlʋ-danʋ pʋɔ, ɛ́ tɛr a ʋ fãw ʋ na tone nɩ tõ-vɩɛlɩ a.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.