1 Korɛ̃tɩ 2:15 - A SƐB-SÕW

¹⁵ Ɛcɛ nɩr na tɛr a Naaŋmɩn Vʋʋrʋ a, ʋ mɩ́ bãwnɛ nɩ yele za, ɛ́ nɩr za kʋ̃ tʋ̃ɔ́ bãw a ʋ yele ɩ.

1 Korɛ̃tɩ 2:15 ပူးပေါင်းရင်းမြစ်များ

2 Samɩɛl 14:17

À ŋá n'a ɩ̃ tɩ tɩɛrɩ: “A lɛ a nãà na na yel a na ɓaal'ɩ a nɩbɛ. Bʋ̃ʋ n'ʋ vɛ̃, a nãà ɩ̃ sore, ɩ na mɛ̃ Naaŋmɩn malkɩ a, ʋ mɩ́ bãw nɩ a vla nɩ a faa.” A Sore fʋ Naaŋmɩn, ʋ be a fʋ zie.»

Sɛb-sõw yielu 25:14

A Sore mɩ́ yel'ɩ a ʋ yel-sɔwla kʋ̀ a bɛlɩ dem na ƴãwnɛ ʋ a, ʋ mɩ́ ɩ na bɛ bãw a ʋ wõ-taa yel-fɛrɩ.

Zʋkpaɩ 28:5

A nɩ-faar bɛ mɩ́ bãw a lɛ-na-tu-sɔr-a pɛr ɛ, ɛcɛ a bɛlɩ dem na mɩ́ bɔbr a Sore a mɩ́ bãw nɩ bom za pɛr.

Ekilezɩasɩ 8:5

Nɩr na tuur a nãà nɛ-ƴãwnɩ a kʋ̃ nyɛ̃ faa kãw za ɩ. Ɛcɛ, a yã-bãwnɛ bãwnɩ a nɩ vla vla k'aa ƴɛ̀rʋ-dɩb daar na be n be bom za ƴãw.

Zã 7:17

Nɩr wa bɔbr k'ʋʋ maalɛ a Naaŋmɩn pʋ-tɩɛrʋ a, ʋ na bãw nɩ a ɩ̃ kanʋ yib zie: a yi n Naaŋmɩn zie bɩɩ mãa n'ʋ nyɛ̃ ɩ̃ tʋɔra ƴɛ̀rɛ.

Nɩ-toni 16:3

A Pol tɩ bɔbr'a k'ʋʋ tɛr ʋ cen nɩ, lɛ n'a ʋ tɩ de ʋ ŋmãa a yʋ̀ɔr, a Zifʋ mɩnɛ na tɩ kpɩɛr a alɩ voru nɛ pʋɔ a ƴãw. Bʋ̃ʋ n'ʋ vɛ̃, bɛ za tɩ bãwnɩ a na a ʋ sãà na ɩ Gɩrɛkɩ a.

1 Korɛ̃tɩ 14:37

Nɩr wa tɩɛr k'ʋʋ ɩ n naaŋmɩn-ƴɛ̀r-manɛ bɩɩ k'ʋʋ tɛr'ɩ Vʋʋrʋ Sõw maalʋ kãw a, a fɛr'a k'ʋʋ nyɛ̃ Sore nɔ-ƴãwna a sɛbrʋ á ŋá ɩ̃ na kʋ̀rɛ nyɩ a pʋɔ.

1 Korɛ̃tɩ 3:1

Yɛbr i, ɩ̃ bɛ tʋ̃ɔ́ ƴɛ̀r a nyɩ zie mɛ̃ nɩbɛ na tɛr a Naaŋmɩn Vʋʋrʋ a ɩ. Ɩ̃ ƴɛ̀r'ɩ a nyɩ zie mɛ̃ nɩbɛ na ɩ nɩsaalbɛ tɛwr a, mɛ̃ bibi-pʋrmɛ a naaŋmɩn-sàw-deb pʋɔ a.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Galasi 6:1

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

Filib 1:10

nyɩ tʋ̃ɔ́ mɩ́ bãw bom nɛ na vɩɛl a. Lɛ n'a nyɩ na vɩɛl nyɩ za, ɛ́ bɛ tɛr sãwna a Kɩrɩta waa bibir ɛ.

Kɔlɔsɩ 1:9

Alɛ n'a so a ʋlɩ bibir za tɩ na wõ a nyɩ yele wa tɩ tɔ a dɩ̃a a, tɩ mɩ̀ bɛ bɛr a nyɩ puor-kʋ̀b ɛ. Tɩ zɛlɛ na kɛ́ a Naaŋmɩn ɩ nyɩ bãw a ʋ pʋ-tɩɛrʋ za. Al ƴãw n'a a Vʋʋrʋ Sõw kʋ̀rɛ nyɩ a yã-bãwfʋ nɩ a yã.

1 Tesalonikɩ 5:21

Ɛcɛ, nyɩ mɩ́ jɛl bom za kaa ɛ́ kaa ír a ʋl na vɩɛl a tɛr,

Ebre 5:14

A nɩ-bɛrɛ bɛl a, saab'ɩ a bɛ bʋ̃-dɩra, bɛl na mili nɩ a bɛ tɩɛrʋ a vla nɩ a faa owru a.

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.