1 Korɛ̃tɩ 2:13 - A SƐB-SÕW

¹³ Tɩ bɛ ƴɛ̀rɛ a maalʋ á ŋá ƴɛ̀rʋ nɩ nɩsaal yã-bãwfʋ ƴɛ̀r-bie ɩ, tɩ ƴɛ̀rɛ nɩ a ƴɛ̀rʋ nɩ a Vʋʋrʋ yã-bãwfʋ, manɛ bom na ɩ vʋʋrʋ bom a, nɩ a Vʋʋrʋ ƴɛ̀r-bie.

1 Korɛ̃tɩ 2:13 ပူးပေါင်းရင်းမြစ်များ

Luka 12:12

A Vʋʋrʋ Sõw na wul nyɩ nɩ a pɛr nɛ pʋɔ, lɛ a na sɛw kɛ́ nyɩ ƴɛ̀r a.»

Nɩ-toni 2:4

A lɛ n'a a Vʋʋrʋ Sõw tɩ paalɩ bɛ za bɛ tĩ ƴɛ̀rɛ bʋʋr-yoru ƴɛ̀rʋ. Ŋa za mɩ́ tɩ ƴɛ̀rɛ na mɛ̃ a lɛ a Vʋʋrʋ Sõw na kʋ̀ ʋ k'ʋʋ ƴɛ̀rɛ a.

1 Korɛ̃tɩ 1:17

A Kɩrɩta bɛ tõ m k'ɩ̃ɩ tɩ tɩrɛ suob ɛ, ʋ tõ m'a k'ɩ̃ɩ tɩ hiere a Yel-nʋ̃ɔ̀, ɛ́ ta hiere ʋ tu n a ƴɛ̀r-bãw wa mab ɩ a Kɩrɩta da-gara zu kũu ɩ zawla ɩ.

1 Korɛ̃tɩ 14:2

Bʋ̃ʋ n'ʋ vɛ̃ ʋlɩ sob na ƴɛ̀rɛ ƴɛ̀rʋ nɩr na bɛ wone a, nɩsaalbɛ zie bɛ n'a ʋ ƴɛ̀rɛ ɩ, Naaŋmɩn zie n'a, nɩr za na bɛ wone a ʋ ƴɛ̀rʋ a ƴãw. A Vʋʋrʋ Sõw mɩ́ ƴãw ʋ nɩ yã ʋ manɛ yele nɩsaal yã na kʋ̃ tʋ̃ɔ́ bãw tɔ a.

1 Korɛ̃tɩ 2:1

Yɛbr i, a mãa mɩŋa na tɩ wa a nyɩ zie a, ƴɛ̀r-bãw bɩɩ yã-bãw bɛ n'a ɩ̃ tɩ manɩ nɩ a Naaŋmɩn pʋ-tɩɛr-sɔwla kʋ̀ nyɩ ɛ.

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

1 Korɛ̃tɩ 2:4

A ɩ̃ ƴɛ̀rʋ nɩ a ɩ̃ Yel-nʋ̃ɔ̀ hieru bɛ tɩ tu nɩsaal yã-bãwfʋ ƴɛ̀r-bie k'ɩ̃ɩ ƴɛ̀r tʋ̃ɔ́ nɩ nyɩ ɛ, a tɩ ɩ n wulu a Vʋʋrʋ Sõw na mɩ́ tɩ wul a sãá a,

1 Korɛ̃tɩ 9:11

Tɩmɛ wa bʋ̀r a Vʋʋrʋ Sõw bʋ̃-bʋʋrɛ a nyɩ pʋɔ a, ɛ́ wa de a nyɩ bʋ̃-tɛrɩ a, bɔ-zuo n'a bɩɩ?

Efɛɛzɩ 5:19

Nyɩ lãw yiele Sɛb-sõw yielu, nɩ danʋ yielu nɩ yielu na yi Vʋʋrʋ Sõw zie a. Nyɩ yiele danɛ nɩ a Sore nɩ nyɩ pʋɔ za.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

1 Pɩɛr 1:12

A Naaŋmɩn tɩ wul bɛ na kɛ́ a yel ŋa bɛ na tɩ yere a, a bɛ ɩ bɛl mɩŋa ƴãw ɛ, a nyɩɩm ƴãw n'a. Ɛ́ a ƴɛrɛŋa a, a Vʋʋrʋ Sõw bɛ na tõ ʋ yi a tẽ-vla pʋɔ wa a, ʋ ɩ na a Yel-nʋ̃ɔ̀ hierbɛ manɩ a yel ŋa kʋ̀ nyɩ, a yel ŋa a malkɩ mɩnɛ na vuole bɔbr'ɩ a bãwfʋ a.

2 Pɩɛr 1:16

A tɩ Sore Yeezu Kɩrɩta kpɛnʋ nɩ a ʋ lɛb-waa tɩ na ɩ nyɩ bãw a, suolu bɛ n'a tɩ suoli vla za kʋ̀ nyɩ ɛ. Tɩ nyɛ̃ nɩ a ʋ yúor-vɩɛlʋ-danʋ za nɩ mimir sɩza.