1 Korɛ̃tɩ 2:12 - A SƐB-SÕW

¹² Tɩɩm a, tɩ bɛ páw a tẽ-daa vʋʋrʋ ɛ, Vʋʋrʋ na yi Naaŋmɩn zie a n'ʋ tɩ páw, kɛ́ tɩ tʋ̃ɔ́ bãw a maalʋ a Naaŋmɩn na kʋ̀ tɩ a.

1 Korɛ̃tɩ 2:12 ပူးပေါင်းရင်းမြစ်များ

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

1 Korɛ̃tɩ 1:27

Ɛcɛ a al na ɩ gẽgemi a tẽ-daa zie a, alɛ n'a a Naaŋmɩn kaa ír k'ʋʋ ƴãw nɩ a yã-bãwnbɛ vĩ. A alɩ bome nɛ na bɛ tɛr fãw a tẽ-daa zie a, alɛ n'a a Naaŋmɩn kaa ír k'ʋʋ ƴãw nɩ a al na tɛr fãw a vĩ.

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

1 Korɛ̃tɩ 3:22

Pol, Apɔlɔsɩ bɩɩ Pɩɛr, a tẽ-daa, a nyɔ-vʋʋrʋ bɩɩ a kũu, a dɩ̃a bɩɩ a nɩdaar, nyɩmɛ so a za,

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

Zakɩ 4:5

Nyɩ tɩɛrɛ kɛ́ zawlalɛ ƴãw n'a a Sɛb-sõw yel a ƴɛ̀r-bie á ŋá bɩɩ? «A Naaŋmɩn bɛ sàwr a vʋʋrʋ ʋ na ƴãw ʋ kpɩɛr a tɩ pʋɔ a ƴãw ɛ.»

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 22:6

Al pùorí, a malkɩ tɩ yel mɛ̃ na: «A ƴɛ̀rʋ á ŋá ɩ n sɩza ɛ́ bɛ tɛr bʋnʋ ɛ. A Sore Naaŋmɩn na mɩ́ kʋ̀ a tɩɛrʋ a ʋ ƴɛ̀r-manbɛ a, ʋlɛ n'ʋ tõ a ʋ malkɩ ʋ wa wul a ʋ tõ-tõ-biir a yele na kʋ̃ yaa kɛ́ ta a.»