1 Korɛ̃tɩ 2:10 - A SƐB-SÕW

¹⁰ Tɩmɛ nɛbɛ a Naaŋmɩn sɩrɩ ƴãw a Vʋʋrʋ Sõw wul a yel ŋa ʋ ɩ cãà. Bʋ̃ʋ n'ʋ vɛ̃, a Vʋʋrʋ n'ʋ jɛlɛ a yele za, mɩ́ tɩ lãwnɩ a Naaŋmɩn yel-sɔwlɩ za.

1 Korɛ̃tɩ 2:10 ပူးပေါင်းရင်းမြစ်များ

A Zɔb sɛbɛ 12:22

Ʋ mɩ́ diw nɩ a liw-varkpara bɛr, ɛ́ ɩ a lige pʋɔ bome yi cãà pʋɔ.

Ɩzayi 48:16

Nyɩ taw pɩɛlɩ mɛ̃ bɛr wõ: a pɛr-tib daar za a, ɩ̃ bɛ dãw sɔwlɩ ƴɛ̀r ɛ. A daar ʋl a yele á ŋá na ɩ a, ɩ̃ tɩ be n be. — Ɛ́ ƴɛrɛŋa a, a Sore Naaŋmɩn n'ʋ tone mɛ̃ ɛ́ kʋ̀rɛ mɛ̃ a ʋ Vʋʋrʋ.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Amɔsɩ 3:7

Yel-mɩŋa, a Sore Naaŋmɩn bɛ ɩrɛ bom za ɛ́ bɛ yere a ʋ pʋ-tɩɛrʋ kʋ̀rɛ a ʋ ƴɛ̀r-manbɛ na ɩ a ʋ tõ-tõ-biir a ɩ.

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Matie 16:17

Lɛ n'a a Yeezu tɩ lɛb de a ƴɛ̀rʋ yel ʋ: «Zu-nʋ̃ɔ̀ sob nɛ b, Zonasɩ bidɛb Sɩmʋ̃ ʋ, nɩsaal bɛ n'ʋ wul fʋ a yel ŋa ɩ, a ɩ̃ Sãà na be a tẽ-vla pʋɔ a n'ʋ.

Luka 10:21

A pɛr nɛ pʋɔ, a Vʋʋrʋ Sõw tɩ ɩ na nʋ̃ɔ̀ ɩrɛ a Yeezu yaga za ʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a bɛlɩ dem na tɛr yã a zie, nɩ a bɛlɩ dem na zànɩ bãw a zie, ɛ́ wul a a bibi-pʋrmɛ a. Ʋ̃ʋ, ɩ̃ Sãà a, fʋ na nɔnɛ a n'a fʋ ɩ à à ŋá.»

Luka 2:26

A Vʋʋrʋ Sõw tɩ ɩ na ʋ bãwnɩ a, kɛ́ ʋlɛ bɛ wa nyɛ̃ a Sore Nɩ-kabra a, k'ʋʋ kʋ̃ kpi ɛ.

Zã 14:26

Ɛcɛ a Gùre, a Vʋʋrʋ Sõw, a Sãà na na bɛr k'ʋ wa a nyɩ zie, a ɩ̃ yúor ƴãw a, ʋl na wul nyɩ nɩ a za. Ʋ na lɛb'a sɩ̃w a nyɩ tɩɛrʋ a yele al za ɩ̃ na yel kʋ̀ nyɩ a ƴãw.

Zã 16:13

A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ.

1 Korɛ̃tɩ 14:30

Nɩr kãw na be a lãw pʋɔ wa páw yel-sɔwla kãw bãwfʋ a, a fɛr'a k'aa ʋlɩ sob na tɩ ƴɛ̀rɛ a, ŋmãa a ʋ ƴɛ̀rʋ bɛr.

1 Korɛ̃tɩ 2:11

A nɩsaalbɛ pʋɔ a, ãa n'ʋ pãa bãw bom nɛ na be a nɩsaal pʋ̃ɔmɩ a, a bɛ ɩ a nɩsaal tɩɛrʋ na be a nɩsaal pʋɔ a? Lɛ mɩ̀ n'a, bom nɛ na be a Naaŋmɩn pʋɔ a, nɩr za bɛ bãw ʋ a bɛ ɩ a Naaŋmɩn Vʋʋrʋ ɛ.

Galasi 1:12

Ɩ̃ mɩ̀ bɛ páw ʋ nɩsaal zie ɩ, ɛ́ nɩsaal mɩ̀ bɛ n'ʋ zànɩ nɩ mɛ̃ ɩ̃ bãw ʋ ɛ, a Yeezu Kɩrɩta mɩŋa n'ʋ wul mɛ̃.

Efɛɛzɩ 3:3

a lɛ ʋ na wul mɛ̃ ɩ̃ bãw a ʋ yel-sɔwla a, mɛ̃ a lɛ ɩ̃ na sɛb ŋmãa ŋmãa kʋ̀ nyɩ a.

Efɛɛzɩ 3:5

A Naaŋmɩn yel-sɔwla ŋa a, ʋ bɛ tɩ wul ʋ a koro za nɩbɛ mɛ̃ a lɛ ʋ na ƴãw a Vʋʋrʋ Sõw wul ʋ a ƴɛrɛŋa a ʋ nɩ-toni na ɩ son a, nɩ a ʋ ƴɛ̀r-manbɛ a ɩ.

1 Timote 4:1

A Vʋʋrʋ yel'ɩ à ŋá cãàmɩlɛ: a yele za baarʋ vuo pʋɔ a, bɛ mɩnɛ na zawr'ɩ a naaŋmɩn-sàw-deb bɛr, ɛ́ tuur bɛlbɛlbɛ dier'ɩ wulu na yi kɔ̃tɔmɛ zie a.

1 Pɩɛr 1:12

A Naaŋmɩn tɩ wul bɛ na kɛ́ a yel ŋa bɛ na tɩ yere a, a bɛ ɩ bɛl mɩŋa ƴãw ɛ, a nyɩɩm ƴãw n'a. Ɛ́ a ƴɛrɛŋa a, a Vʋʋrʋ Sõw bɛ na tõ ʋ yi a tẽ-vla pʋɔ wa a, ʋ ɩ na a Yel-nʋ̃ɔ̀ hierbɛ manɩ a yel ŋa kʋ̀ nyɩ, a yel ŋa a malkɩ mɩnɛ na vuole bɔbr'ɩ a bãwfʋ a.

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

Yel-wula 1:1

A yel-wula a Yeezu Kɩrɩta na páw a, a sɛbɛ ŋa pʋɔ n'a ʋ be. Naaŋmɩn wul ʋ nɩ a yel ŋa, k'aa Yeezu Kɩrɩta ɩ a Naaŋmɩn tõ-tõ-biir bãw a yel ʋl na kʋ̃ yaa kɛ́ ta a. A Kɩrɩta tõ n a ʋ malkɩ a ʋ tõ-tone Zã zie, k'ʋʋ tɩ ɩ ʋ bãw a yel ŋa.

Yel-wula 2:24

Ɛcɛ, a nyɩɩm na be a Tɩatɩɩr ɛ́ bɛ tu a wul-ziri ŋa pùor, ɛ́ bɛ zànɩ a ʋlɩ bom nɛ a nɩbɛ bɛ ŋa na bʋɔlɛ a “Sɩtaana yel-sɔwlɩ sɔwlɩ” a, ɩ̃ yere nɩ à ŋá kʋ̀rɛ nyɩ: ɩ̃ bɛ lɛb dɔwlɛ nyɩ tuor ƴãw pʋɔ ɩ.