1 Korɛ̃tɩ 16:2 - A SƐB-SÕW

² Kɔsɩɛra bibir za, bom nɛ ŋa za na tʋ̃ɔ́ páw a ʋ yir bɛr a, ʋ mɩ́ taw ʋ bin kõkowrí, kɛ̀ bɛ ta gùre k'ɩ̃ɩ wa wa bɛ pãa cɩɛrɛ ɩ.

1 Korɛ̃tɩ 16:2 ပူးပေါင်းရင်းမြစ်များ

Yele-za-pɛr-tib 26:12

A Ɩzaakɩ tɩ kɔ na bʋ̀r a tẽw pʋɔ a ʋlɩ yũon nɛ, ɛ́ cɛ̀ gb'aa kʋba (100) dɔwlɩ. A Sore tɩ maal'ʋ na.

Yele-za-pɛr-tib 30:27

A Labã tɩ sɔw ʋ na: «Ɩ̃ zɛlɛ fʋ na, bɛr wõ a ɩ̃ ƴɛ̀rʋ. A ɩ̃ ŋmɩmɛ wul mɛ̃ na k'aa fʋ̃ʋ ƴãw n'a a Sore maalɩ mɛ̃.

Yele-za-pɛr-tib 30:30

A blã al fʋ na tɩ tɛr, ɩ̃ɩ bɛ wa sɛr a, a yɛ̀r'a bɛ dɩ vuo ɩ: ɩ̃ na dɛ wa kpɛ a fʋ yir a, a Sore maalɩ fʋ na. A daar pãa bɛ ta, ɩ̃ mɩ̀ na na tone a ɩ̃ yir dem ƴãw a ɩ?»

Yele-za-pɛr-tib 32:10

Al pùorí, a Zakɔb puori à ŋá: «Ɩ̃ sãàkʋm Abraham nɩ ɩ̃ sãà Ɩzaakɩ Naaŋmɩn i, fʋ̃ʋ Sore e, fʋ yel mɛ̃ na: “Lɛb kul a fʋ tẽw, a fʋ nɩbɛ zie, ɩ̃ɩ na maalɩ fʋ na.”

Yele-za-pɛr-tib 33:11

A lɛ pʋɔ a, sàw de a bom ɩ̃ na tõ kɛ́ bɛ wa kʋ̀ b a, bʋ̃ʋ n'ʋ vɛ̃, Naaŋmɩn maalɩ mɛ̃ na, ɩ̃ɩ tɛr'ɩ bom za a man mɛ̃.» A Zakɔb tɩ fɛr ʋ na ʋ wa tɩ sàw de,

2 Bibie za yel-manɩ 31:10

A bàwr-maal-kara Azarɩahu na ɩ a Sadɔkɩ dɔwlʋ nɩr a tɩ sɔw ʋ na: «A nɩbɛ na tĩ waar'ɩ a bɛ bʋ̃-dieri a Sore yir-kpɛ̃ɛ pʋɔ a, tɩ mɩ́ dɩ na tɩ tɩw ɛ́ a cãà guu, bʋ̃ʋ n'ʋ vɛ̃, a Sore maal'ɩ a ʋ nɩ-bʋʋrɛ. A al na guu a, alɛ n'ɩ à á ŋá na gbõ taa a.»

Markɩ 14:8

A pɔw ŋa ɩ n a lɛ ʋ na tʋ̃ɔ́ a, ʋ de nɩ niwn zɛ a ɩ̃ ƴã-gan a kãá a ũufʋ ƴãw.

Luka 16:10

Nɩr na tɛr yel-mɩŋa yel-pʋrɩ ƴãw a, ʋ mɩ̀ mɩ́ tɛr'ɩ yel-mɩŋa yel-kpɛ̃ɛ ƴãw, ɛ́ nɩr na bɛ tɛr yel-mɩŋa yel-pʋrɩ ƴãw a, ʋ mɩ̀ bɛ mɩ́ tɛr yel-mɩŋa yel-kpɛ̃ɛ ƴãw ɛ.

Luka 24:1

A kɔsɩɛra bibir biɓaar-pipi, a pɔwbɛ tɩ ìr'a cen a yaa pɛr nɩ a parfɛ̃ nɩ a kãa-nyuure bɛ na tɩ cɔbrɩ a.

Zã 20:19

A ʋlɩ kɔsɩɛra nɛ tɔr za bibir zaanʋɔra, a Yeezu po-tuurbɛ tɩ zɩ̃ n yir kãw pʋɔ ɛ́ kpa a pamɛ, a Zifʋ mɩnɛ dɛ̃bɩ̃ɛ ƴãw. Bɛ wa bere na a Yeezu wa àr a bɛ sɔgɔ ɛ́ yel bɛ: «A ƴã-ɓaarʋ, ʋ be a nyɩ zie!»

Zã 20:26

Bibie ani pùorí, a Yeezu po-tuurbɛ tɩ lɛb'a maal ɓã taa a yir pʋɔ, a Toma mɩ̀ pʋɔ. A pamɛ tɩ cãà na kpa, ɛ́ a Yeezu wa kpɛ àr a bɛ sɔgɔ ɛ́ yel bɛ: «A ƴã-ɓaarʋ, ʋ be a nyɩ zie!»

Nɩ-toni 20:7

A kɔsɩɛra zãa daarɩ́ zaanʋɔra, tɩ tɩ ɓã n taa kɛ́ tɩ ŋma a dipɛ̃ põ. A Pol tɩ yire nɩ a bio daarɩ́, lɛ so ʋ tɩ nyɔw nɩ a yɛbr a ƴɛ̀rʋ lɛɛɛ tɩ ta n tɩ̃ɩsɔw põ-zɛ̃-taa.

2 Korɛ̃tɩ 8:10

Mãa na nyɛ̃ lɛ a n'a ɩ̃ yere kʋ̀rɛ nyɩ a yel ŋa ƴãw: à ŋá n'a sɛwnɩ nyɩ, nyɩmɛ na nɛbɛ dɩyã de niwn tone a ton ŋa, ɛ́ mɩ̀ tɩ de niwn yel kɛ́ nyɩ na tõ ʋ na a.

Wulu-ayi-sob 8:18

Nyɩ cãà bãwnɩ a Sore nyɩ Naaŋmɩn na n'ʋ kʋ̀rɛ nyɩ a fãw nyɩ tʋ̃ɔ́ mɩ́ tɛr a a. À ŋá n'a ʋ mɩ́ cãà ɩ tɛr a wõ-taa ʋ na maal'ɩ a nyɩ sãàkʋm-kore, mɛ̃ à ŋá ʋ na ɩrɛ a dɩ̃a a.

Yel-wula 1:10

A Naaŋmɩn Vʋʋrʋ tɩ siw mɛ̃ nɩ a Sore bibir, ɩ̃ɩ tɩ wõ kɔkɔr na yire kpɛ̃w kpɛ̃w za a ɩ̃ pùorí mɛ̃ wɩ́ɛ na pɛblɛ a.