1 Korɛ̃tɩ 16:16 - A SƐB-SÕW

¹⁶ Lɛ so, nyɩ sàwr a nɩbɛ bɛ ŋa taabɛ nʋɔr, nɩ a bɛlɩ dem za na lãw nɩ bɛ tone ɛ́ hanɛ a.

1 Korɛ̃tɩ 16:16 ပူးပေါင်းရင်းမြစ်များ

1 Bibie za yel-manɩ 12:18

A Daviir tɩ yi na tuori bɛ ɛ́ yel à ŋá: «Alɛ wa ɩ ƴã-ɓaarʋ tɩɛrʋ n'a nyɩ waar'ɩ a ɩ̃ zie nɩ kɛ́ nyɩ wa sõw mɛ̃ a, nyɩɩm wa, ɩ̃ dier nyɩ na nɩ ɩ̃ pʋɔ za. Ɛcɛ nyɩmɛ wa waar kɛ́ nyɩ wa mɩl mɛ̃ nyɔw kʋ̀ a ɩ̃ dɔ̃ dem, ɩ̃ na saa bɛ sãw bom a, a tɩ sãàkʋm-kore Naaŋmɩn, ʋ nyɛ̃ ɛ́ bãw a yel ŋa.»

Ekilezɩasɩ 1:3

Bʋ̃ʋ tɔnɛ n'a a nɩsaal pãa mɩ́ páw a ʋ tẽw zu ka tõ-kpɛn pʋɔ a?

Ʋrɔm 16:12

Nyɩ puori Tɩrɩfɛn nɩ Tɩrɩfozi na hanɩ a Sore ƴãw a, ɛ́ mɩ̀ puori a ɩ̃ sɛn Pɛrsisɩ na hanɩ yaga za a Sore ƴãw a.

Ʋrɔm 16:3

Nyɩ puori Pɩrɩsɩl nɩ Akɩlasɩ kʋ̀ m, bɛl na ɩ a ɩ̃ lãw-tõ-taabɛ a Yeezu Kɩrɩta tome pʋɔ a.

Ʋrɔm 16:6

Nyɩ puori a Marya na hanɩ hanɩ a nyɩ ƴãw a.

Ʋrɔm 16:9

Nyɩ puori Irbɛ̃, tɩ lãw-tõ-tɔ a Kɩrɩta tome pʋɔ, nɩ a ɩ̃ bá Sɩtakɩsɩ.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

1 Korɛ̃tɩ 3:9

Naaŋmɩn lãw-tõ-taabɛ n'ɩ tɩ, ɛ́ nyɩmɛ nɛbɛ ɩ a Naaŋmɩn púo. Nyɩmɛ nɛbɛ mɩ̀ ɩ a yir a Naaŋmɩn na mɩɛr a.

Efɛɛzɩ 5:21

Nyɩɩm na ƴãwnɛ a Kɩrɩta a, nyɩ sàwr taa nɛ́ɛ.

Filib 4:3

Ɛ́ a fʋ̃ʋ na ɩ a ɩ̃ lãw-tõ-tɔ mɩŋa a, ɩ̃ zɛlɛ fʋ na: sõw bɛ, bʋ̃ʋ n'ʋ vɛ̃, bɛ lãw nɩ mɛ̃ na tɩ zɛb a Yel-nʋ̃ɔ̀ ƴãw, lãwnɩ a Kilimã nɩ a ɩ̃ lãw-tõ-taabɛ bɛl za na cɛ a. A bɛ yée sɛb'a ƴãw a nyɔ-vʋʋrʋ sɛbɛ pʋɔ.

1 Tesalonikɩ 1:3

Bʋ̃ʋ n'ʋ vɛ̃, a Naaŋmɩn tɩ Sãà niŋé a, tɩ mɩ́ lɛb'a bãwnɩ a nyɩ naaŋmɩn-sàw-deb tome, a nyɩ nɔ̃wfʋ na nyɛrɛ bàlʋ a, nɩ a tɩɛrʋ nyɩ na ƴãw kpɛ̃w za a tɩ Sore Yeezu Kɩrɩta ƴãw a.

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

1 Tesalonikɩ 5:12

Yɛbr i, tɩ zɛlɛ nyɩ na, nyɩ ƴãwnɛ a bɛlɩ dem na hanɛ a nyɩ sɔgɔ, ɛ́ a Sore mɩ́ ƴãw bɛ kaarɛ a nyɩ zie ɛ́ kpãanɛ nyɩ a.

1 Timote 5:17

A nɩ-kore na tone a nɩ-kpɛ̃ɛnʋ tome vla a sɛwnɩ nɩ ƴãwfʋ gb'a ayi, baa zuo a za a bɛl na hanɛ a Naaŋmɩn ƴɛ̀rʋ ƴãw nɩ a wulu ƴãw a.

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

Ebre 13:24

Nyɩ puori a nyɩ niw-dierbɛ za nɩ a kɩrɩta-nɩbɛ za. A bɛl na yi a Ɩtali tẽw a puore nyɩ na.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

3 Zã 1:8

A na ɩ à ŋá a, a tɩɩm a, a fɛr'a kɛ́ tɩ mɩ́ tɩɛ a nɩbɛ bɛ ŋa taabɛ tɛr, tʋ̃ɔ́ mɩ̀ mɩ́ pʋɔ a yel-mɩŋa manʋ tome pʋɔ.

Yel-wula 2:3

Fʋ tɛr'ɩ kanyir, fʋ wõ n tuo a ɩ̃ ƴãw ɛ́ bɛ bàl tɩɛ bɛr ɛ.