1 Korɛ̃tɩ 15:54 - A SƐB-SÕW

⁵⁴ A nɩr ʋl na na wɛ a, wa su a nɩr ʋl na bɛ wɛrɛ a, ɛ́ a nɩr ʋl na na kpi a, su a nɩr ʋl na bɛ kpiir a, lɛ n'a a Sɛb-sõw ƴɛ̀r-bie á ŋá na tu: «Bɛ zɛb'a tʋ̃ɔ́ a kũu pẽlẽpẽlẽ.

1 Korɛ̃tɩ 15:54 ပူးပေါင်းရင်းမြစ်များ

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Luka 20:36

bɛ kʋ̃ lɛb tʋ̃ɔ́ kpi ɛ: bɛ ŋmɛ̃ na mɛ̃ malkɩ mɩnɛ a, bɛ ɩ n Naaŋmɩn bibiir, bɛ na lɛb yi a kũu pʋɔ a ƴãw.

Ʋrɔm 1:23

Bɛ de nɩ a Naaŋmɩn na bɛ tɛr kũu daar a yúor-vɩɛlʋ-danʋ tɛw nɩ nɩsaal na ɩ bʋ̃-kpiira a dasule, tɛw nɩ bʋ̃-pɩgɛ nɩ dʋ̃-gbɛ́ɛ-anaɩ nɩ bʋ̃-vuri dasuli.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 6:12

A na ɩ à ŋá a, a yel-bier bɛ tɛr sɔ́r k'ʋʋ cãà dɩrɛ naalʋ a nyɩ ƴã-gan na ɩ bʋ̃-kpiira a zu, ƴãw kɛ̀ nyɩ tuur a ƴã-gan ŋa yel-bɔbrɩ ɛ.

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

2 Korɛ̃tɩ 4:11

Tɩ na saa cãà vʋʋrɛ a, ɛcɛ a kũu jɩɛrɛ tɩ nɩ kʋralɛ a Yeezu yúor ƴãw, k'aa ʋ nyɔ-vʋʋrʋ mɩ̀ tʋ̃ɔ́ sãá a tɩ ƴã-gan na ɩ bʋ̃-kpiira a pʋɔ.

2 Korɛ̃tɩ 5:4

Sɩza n'a, a tɩɩm na be a pɛn-sɛw ŋa pʋɔ a, tɩ kone na mɛ̃ nɩbɛ na tuo tuor ìre nɩ guur a. Tɩ bɛ bɔbr kɛ́ tɩ yaa a tẽw zu ka kpɛb zie bɛr ɛ, tɩ bɔbr'a kɛ́ tɩ su a tẽ-vla pʋɔ dem dɔwlɩ, k'aa nyɔ-vʋʋrʋ vɔl a ʋlɩ bom nɛ na ɩ bʋ̃-kpiira.

2 Tesalonikɩ 1:10

a lɛn daar ʋ na na lɛb wa wa nyɛ̃ yúor-vɩɛlʋ-danʋ a ʋ nɩ-son zie, ɛ́ a bɛlɩ dem za na sàw de ʋ a úore a ʋ niwn vɩɛlʋ a ʋlɩ bibir nɛ a. Ɛ́ a nyɩɩm a, nyɩ sàw na de a dãsɩɛ tɩ na dɩ a.

Yel-wula 20:14

Bɛ tɩ lɔb'ɩ a kũu nɩ a kpɩmɛ tẽw ƴãw a gbãtar-kpɛ̃ɛ vũumí. A gbãtar-kpɛ̃ɛ vũu ɩ n a kũu-gb'a ayi sob.

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»