1 Korɛ̃tɩ 15:47 - A SƐB-SÕW

⁴⁷ A Nɩsaal-dãw-niwn sob bɛ na maal'ɩ tẽsɔw tanɛ a, ɩ n tẽsɔw bom. A nɩsaal ayi sob ʋl yi n salom zu.

1 Korɛ̃tɩ 15:47 ပူးပေါင်းရင်းမြစ်များ

Yele-za-pɛr-tib 2:7

A Sore Naaŋmɩn tɩ de nɩ a tẽsɔw tã-buulu mɛ n a nɩsaal, ɛ́ pɛblɩ a nyɔ-vʋʋrʋ pɩɛlʋ ƴãw a ʋ nyɔbɔgɛ pʋɔ, a nɩsaal lɩɛbɩ bʋ̃-vʋʋra.

Yele-za-pɛr-tib 3:19

A fʋ niwn na mɩ́ ɩ n hanʋ mɛb, ɛ́ fʋ páw a fʋ nʋɔr-dɩb, ɛ́ gù fʋ wa tɩ lɛb kpɛ a tẽsɔw pʋɔ, ʋl pʋɔ na n'a fʋ yi a! Bʋ̃ʋ n'ʋ vɛ̃, fʋ ɩ n úuru, ɛ́ na lɛb lɩɛbɩ a úuru.»

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Luka 2:11

Faarɛ dɔw nɩ a nyɩ ƴãw a dɩ̃a, a Daviir tẽw pʋɔ, ʋlɛ n'ɩ a Kɩrɩta, a Sore.

Zã 3:31

«Sob nɛ na yi a saa-zu waar a do na gãw bɛ za. Sob nɛ na yi tẽw zu a ɩ n tẽw zu nɩr, ɛ́ mɩ́ ƴɛ̀rɛ mɛ̃ tẽw zu nɩr a. Sob nɛ na yi a salom zu waar a [do na gãw bɛ za]:

Zã 6:33

Bʋ̃ʋ n'ʋ vɛ̃, a dipɛ̃ a Naaŋmɩn na tɩrɛ a, ʋlɛ n'ɩ a ʋl na yi a salom zu siwr ɛ́ kʋ̀rɛ a nyɔ-vʋʋrʋ a tẽ-daa a.»

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

1 Korɛ̃tɩ 15:45

Al ƴãw n'a a Sɛb-sõw yel a ƴɛ̀r-bie á ŋá: «A nɩsaal-dãw-niwn sob, a Adama, ʋ tɩ ɩ n bʋ̃-vʋʋra. A Adama pɛ-baara ɩ n Vʋʋrʋ nɩr na tɩrɛ nyɔ-vʋʋrʋ a.»

1 Korɛ̃tɩ 15:46

Ɛcɛ a Vʋʋrʋ nɩr bɛ n'ɩ a dãw-niwn sob ɛ, a ʋl na ɩ nɩsaal tɛwr'a n'ʋ, a Vʋʋrʋ nɩr pãa tu.

2 Korɛ̃tɩ 5:1

Tɩ bãwnɩ a na, a pɛn-sɛw ʋl pʋɔ tɩ na be kpɩɛr a (a pɛr lɛ k'aa tɩ tẽw zu ka ƴã-gan) ʋlɛ wa sãw a, Naaŋmɩn cɔbrɛ nɩ kpɛb zie bɛrɛ tɩ a tẽ-vla pʋɔ, kpɛb zie na bɛ ɩ nɩsaal nuru bʋ̃-maala, ɛ́ be kʋralɛ a.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.