1 Korɛ̃tɩ 15:3 - A SƐB-SÕW

³ A wulu ŋa mãa mɩŋa na tɩ páw a, ɩ̃ de nɩ niwn lʋɔr'ʋ kʋ̀ nyɩ: Kɩrɩta kpi n a tɩ yel-bebe ƴãw, mɛ̃ a lɛ a Sɛb-son na tɩ yel a.

1 Korɛ̃tɩ 15:3 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Ezekɩɛl 3:17

«Fʋ ɩ n nɩsaal tɛwr, ɛcɛ ɩ̃ ƴãw na fʋ ɩ zi-piwre a Ɩsɩrayɛl nɩbɛ ƴãw. Fʋ na bɛrɛ na wone a ɩ̃ ƴɛ̀rʋ, ɛ́ yere a yelu ɩ̃ na yere a Ɩsɩrayɛl nɩbɛ a kʋ̀rɛ bɛ.

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Matie 26:24

A Nɩsaal Bie kule na mɛ̃ a lɛ bɛ na sɛb yel a ʋ ƴãw a, ɛcɛ baw-bio sob'ɩ a sob nɛ na mɩl a Nɩsaal Bie nyɔw tɩr a, a nɩr ŋa bɛ tɩ dɔw a, alɛ sa.»

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Luka 24:25

Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a?

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Nɩ-toni 17:2

Mɛ̃ a lɛ ʋ na mɩ́ tu a kʋralɛ a, a Pol tɩ cen na tɩ páw bɛ hieri a ƴɛ̀rʋ kʋ̀ bɛ pɩ̃ɛnʋ bibie ata tu taa. A Sɛb-sõw ƴɛ̀r-bie n'a

Nɩ-toni 3:18

Ɛ́ à ŋá n'a a Naaŋmɩn mɩ̀ tu maalɩ a ʋlɩ bom nɛ ʋ na dãw ƴãw a ʋ ƴɛ̀r-manbɛ za yel a: a ʋ Nɩ-kabra na na wõ a tuo a.

Nɩ-toni 8:32

A Sɛb-sõw ƴɛ̀r-bie á ŋá n'a ʋ tɩ kanɛ: “Mɛ̃ pɛ́rʋ bɛ na nyɔw cere nɩ a kʋb zie a, mɛ̃ pele bɛ na ŋmarɛ a kɔblʋ ʋʋ àr gbili a, ʋ bɛ háa nʋɔr ɛ.

Ʋrɔm 3:25

A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.

Ʋrɔm 4:25

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.

1 Korɛ̃tɩ 11:2

Ɩ̃ mʋʋrɛ nyɩ na nyɩ na tɛr a ɩ̃ tɩɛrʋ a yele za pʋɔ a, ɛ́ maal tuur a wulu ɩ̃ na lʋɔrɩ kʋ̀ nyɩ a.

1 Korɛ̃tɩ 11:23

Bʋ̃ʋ n'ʋ vɛ̃, yel ŋa n'ʋ ɩ̃ páw a Sore zie ɛ́ mɩ̀ lʋɔrɩ kʋ̀ nyɩ: a ʋlɩ tɩ̃ɩsɔw nɛ bɛ na tɩ nyɔw a Sore Yeezu tɩr a, ʋ tɩ de nɩ dipɛ̃,

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 1:12

Ɩ̃ mɩ̀ bɛ páw ʋ nɩsaal zie ɩ, ɛ́ nɩsaal mɩ̀ bɛ n'ʋ zànɩ nɩ mɛ̃ ɩ̃ bãw ʋ ɛ, a Yeezu Kɩrɩta mɩŋa n'ʋ wul mɛ̃.

Galasi 1:4

A Kɩrɩta de nɩ ʋ tʋɔra tɩr a tɩ yel-bebe ƴãw, k'ʋʋ tʋ̃ɔ́ faa tɩ a dɩ̃a zie ŋa na bɛ vɩɛl a pʋɔ, mɛ̃ a lɛ a Naaŋmɩn tɩ Sãà na bɔbr a.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Efɛɛzɩ 1:7

A Kɩrɩta zɩ̃ɩ n'a cir yaarɩ faa tɩ, ɛ̀ tɩ páw a tɩ sãwna suur. À ŋá n'a a Naaŋmɩn wul k'aa ʋ maalʋ bɛ tɛr manʋ ɛ.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Ebre 5:1

Naaŋmɩn bàwr-maal-kara za a, a nɩsaalbɛ pʋɔ n'a bɛ mɩ́ kaa ír ʋ a nɩsaalbɛ ƴãw, a bɛ Naaŋmɩn yele kaafʋ pʋɔ, k'ʋʋ mɩ́ tɩr a de-kʋ̀b bome ɛ́ maalɩ bàwr a yel-bebe suur páwfʋ ƴãw.

Ebre 5:3

Ɛ́ a ʋl mɩŋa na ɩ bãbàal a ƴãw n'a a fɛr k'ʋʋ mɩ́ maalɩ a bàwr a ʋl mɩŋa yel-bebe ƴãw, mɛ̃ a lɛ ʋ na mɩ́ maalɩ a nɩbɛ dem ƴãw a.

1 Pɩɛr 1:11

Bɛ tɩ ƴãw nɩ fãw jɛlɛ kɛ́ bɛ bãw debor daar'a, nɩ yele abobe n'a a Kɩrɩta Vʋʋrʋ na be a bɛ pʋɔ a, tɩ bɔbr k'ʋʋ yel, a lɛn daar ʋ na tɩ de niwn yel a tuo na gùre a Kɩrɩta a yele, nɩ a yúor-vɩɛlʋ-danʋ ʋ na na páw a tuo wob pùorí a.

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.