1 Korɛ̃tɩ 15:13 - A SƐB-SÕW

¹³ Kũuni-lɛb-yibu bɛ wa ka be a, a Kɩrɩta mɩ̀ bɛ lɛb yi a kũuni pʋɔ ɩ,

1 Korɛ̃tɩ 15:13 ပူးပေါင်းရင်းမြစ်များ

Nɩ-toni 23:8

Bʋ̃ʋ n'ʋ vɛ̃, a Sadiseyɛ̃ mɩnɛ yere na kɛ́ kũuni-lɛb-yibu bɛ ka ɩ, kɛ́ malkɩ mɩnɛ nɩ a bome al na ɩ vʋʋrʋ tɛwr'a mɩ̀ bɛ be ɩ. Ɛ́ a Faarizɩ̃ɛ mɩnɛ bɛl sàw de kɛ́ à á ŋá za be na.

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Ʋrɔm 8:23

Ɛcɛ al tɛwr bɛ n'a ɩ: a tɩɩm tɛɛ za na páw a Naaŋmɩn maal-dãw na ɩ a Vʋʋrʋ Sõw a, tɩ mɩ̀ waalɛ na kone gùre nɩ k'aa Naaŋmɩn wa de tɩ, tɩ lɩɛbɩ a ʋ bibiir, ʋʋ faa tɩ tɩ ɓɩɩlɩ.

1 Korɛ̃tɩ 15:12

Tɩ hiere na kɛ́ a Kɩrɩta lɛb'a yi a kũu pʋɔ, ŋmɩŋmɩn za n'a nyɩ mɩnɛ yere kɛ́ kũuni-lɛb-yibu bɛ ka?

1 Korɛ̃tɩ 15:14

ɛ́ a Kɩrɩta bɛ wa lɛb yi a kũu pʋɔ a, a yele tɩ na hiere yere kʋ̀rɛ nyɩ a ɩ n zawla, ɛ́ a nyɩ naaŋmɩn-sàw-deb mɩ̀ ɩ n zawla.

1 Korɛ̃tɩ 15:20

Ɛcɛ lɛ bɛ n'a ɩ! Kɩrɩta lɛb'a yi a kũuni pʋɔ, wul k'aa bɛlɩ dem na kpi a mɩ̀ na lɛb'a yi.

1 Tesalonikɩ 4:14

Tɩ sàw na de k'aa Yeezu kpi na ɛ́ lɛb yi a kũu pʋɔ, lɛ n'a tɩ mɩ̀ sàw k'aa bɛlɩ dem na lãw nɩ a Yeezu a bɛ kũu pʋɔ a, Naaŋmɩn na de bɛ na lãw nɩ ʋ.

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 2:14

A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.