1 Korɛ̃tɩ 15:1 - A SƐB-SÕW

¹ Yɛbr i, ɩ̃ lɛb'a sɩ̃wnɛ a nyɩ tɩɛrʋ a Yel-nʋ̃ɔ̀ ɩ̃ na manɩ kʋ̀ nyɩ a ƴãw, a Yel-nʋ̃ɔ̀ ŋa nyɩ na wõ ɛ́ sàw de ʋ kpɛ̃w za a.

1 Korɛ̃tɩ 15:1 ပူးပေါင်းရင်းမြစ်များ

Zã 12:48

Sob nɛ na zawrɩ mɛ̃ bɛr ɛ́ bɛ dier a ɩ̃ ƴɛ̀rʋ a, tɛr'ɩ a ʋ ƴɛ̀r-maalɛ: a ƴɛ̀rʋ ɩ̃ na ƴɛ̀r a na yel'ɩ a ʋ sãwna a bibi-pɛ-baara wa vɩɛ a.

Nɩ-toni 11:1

A nɩ-toni nɩ a yɛbr na tɩ be a Zude a, tɩ wõ na k'aa nɩ-bʋʋr-yoru mɩ̀ sàw na de a Naaŋmɩn ƴɛ̀rʋ.

Nɩ-toni 2:41

A bɛlɩ dem na tɩ sàw a Pɩɛr ƴɛ̀rʋ a tɩ de nɩ a suob. A ʋlɩ bibir nɛ a, a nɩbɛ na tɩ sàw de pʋɔ a bɛ pʋɔ a, tɩ faar'a na ta túr-ata (3 000).

Ʋrɔm 11:20

Sɩza n'a, bɛ cɛ a na ŋma bɛr, a na bɛ sàw de a ƴãw, ɛ́ fʋ̃ʋ a, a fʋ sàw-deb zũú n'a fʋ lɩɛr'a. Ɛcɛ taa wa ɩrɛ pɔ̀l-ɩb ɛ, nɩ̃ɛ vɛ̃ kɛ́ zɔrɛ a Naaŋmɩn.

Ʋrɔm 2:16

A yele á ŋá n'a na sãá a bibir ʋl, a Naaŋmɩn na na ƴãw a Yeezu Kɩrɩta maal'ɩ a nɩsaalbɛ ƴɛ̀rʋ a bɛ yel-sɔwlɩ ƴãw a, mɛ̃ a lɛ a Yel-nʋ̃ɔ̀ ɩ̃ na hiere a na yel a.

Ʋrɔm 5:2

Ʋlɛ n'ʋ puo a Naaŋmɩn maalʋ sɔ́r kʋ̀ tɩ, a sàw-deb zũú, ɛ́ tɩ be a maalʋ ŋa pʋɔ. Ɛ́ bom nɛ na ɩrɛ tɩ nʋ̃ɔ̀ a, a ɩ n tɩ na tɩɛrɛ kɛ́ tɩ nãà páw nɩ a Naaŋmɩn yúor-vɩɛlʋ-danʋ a.

1 Korɛ̃tɩ 16:13

Nyɩ bɛr gʋ̃ɔ, nyɩ kpɛmɛ a sàw-deb pʋɔ, nyɩ ɩ dɛbr, nyɩ tɛr fãw.

1 Korɛ̃tɩ 3:6

Mãa sɛl'ɩ a tɩɛ, Apɔlɔsɩ cɔ̀r, ɛcɛ Naaŋmɩn n'ʋ tɩ ɩrɛ ʋ kɛrɛ.

1 Korɛ̃tɩ 4:15

Sɩza n'a, nyɩmɛ saa na tɛr wul-wulbɛ bɛ ta tùr-pie (10 000) a Kɩrɩta pʋɔ a, ɛcɛ nyɩ bɛ tɛr sãà yaga ɩ. Mãa n'ʋ ɩ nyɩ lɩɛbɩ kɩrɩta-nɩbɛ, a Yel-nʋ̃ɔ̀ ɩ̃ na hieri kʋ̀ nyɩ a zũú.

2 Korɛ̃tɩ 1:24

Tɩ bɛ bɔbr kɛ́ tɩ fɛrɛ nyɩ a nyɩ naaŋmɩn-sàw-deb pʋɔ ɩ, bʋ̃ʋ n'ʋ vɛ̃, nyɩ kpɛmɛ nɩ a sàw-deb pʋɔ. Ɛcɛ tɩ bɔbr'a kɛ́ tɩ lãw nɩ nyɩ tone kɛ̀ nyɩ wone nʋ̃ɔ̀.

1 Tesalonikɩ 1:6

Ɛ́ a nyɩɩm a, nyɩ cɔwrɩ tɩ na, tɩɩm nɩ a Sore. Nyɩ tɩ be n kpɩɛrʋ na bɛ dɩ vuo a pʋɔ, ɛ́ sàw de a Naaŋmɩn ƴɛ̀rʋ nɩ nʋ̃ɔ̀ na yi a Vʋʋrʋ Sõw zie a.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

1 Tesalonikɩ 4:1

Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.

2 Tesalonikɩ 3:6

Yɛbr i, a Sore Yeezu Kɩrɩta yúor ƴãw, tɩ yere na kʋ̀rɛ nyɩ: nyɩ ta pɩɛlɛ yɛb na kpɛ ƴã-tuo, ɛ́ bɛ tuur a wulu tɩ na lʋɔrɩ kʋ̀ nyɩ a ɩ.

1 Pɩɛr 5:12

A Sɩlvɛ̃ na ɩ yɛb na bɛ lɛbr pùor a mãa zie a, ʋlɛ n'ʋ ɩ̃ ƴãw ʋ sɛb a sɛb-ŋmale ŋa kʋ̀ nyɩ, k'ɩ̃ɩ kpaalɩ nyɩ ɛ́ yel kʋ̀ nyɩ kɛ́ a Naaŋmɩn maalʋ sɩza pùor'a nyɩ tu.