1 Korɛ̃tɩ 14:32 - A SƐB-SÕW

³² A naaŋmɩn-ƴɛ̀r-manɛ so a naaŋmɩn-ƴɛ̀r-manɛ tɩɛrʋ na ƴãw ʋ ƴɛ̀rɛ a.

1 Korɛ̃tɩ 14:32 ပူးပေါင်းရင်းမြစ်များ

2 Na-mɩnɛ 2:3

A naaŋmɩn-ƴɛ̀r-manbɛ lãw nɩbɛ bɛl na kpɩɛr a Betɛl a, tɩ tuor'ɩ a Elize sowr'ʋ: «Fʋ bãwnɩ a na a Sore na na ír a fʋ nɩ-kpɛ̃ɛ, a dɩ̃a, do n a salom zu a?» A Elize tɩ sɔw na: «Ʋ̃ʋ, ɩ̃ mɩ̀ bãwnɩ a na, ɛcɛ nyɩ ta ƴɛ̀rɛ a ƴɛ̀rʋ a ɩ̃ zie ɩ!»

2 Na-mɩnɛ 2:5

A naaŋmɩn-ƴɛ̀r-manbɛ lãw nɩbɛ bɛl na kpɩɛr a Zeriko a tɩ taw na ta a Elize zie sowr'ʋ: «Fʋ bãwnɩ a na a Sore na na ír a fʋ nɩ-kpɛ̃ɛ, a dɩ̃a, do n a salom zu a?» A Elize tɩ sɔw na: «Ʋ̃ʋ, ɩ̃ mɩ̀ bãwnɩ a na, ɛcɛ nyɩ ta ƴɛ̀rɛ a ƴɛ̀rʋ a ɩ̃ zie ɩ!»

Zeremi 20:9

Mãa wa yel: «Ɩ̃ bɛ lɛb tɩ́ɛrɛ a Sore yele ɩ, ɩ̃ kʋ̃ lɛb ƴɛ̀r a ʋ yúor ƴãw a», a lɛn daar a, a mɩ́ ɩ na mɛ̃ vũu na dɩrɛ a ɩ̃ pʋ̃ɔmɩ za a. Ɩ̃ mɩ́ bàl'ɩ ɩ̃ tʋɔra k'ɩ̃ɩ tʋ̃ɔ́ ʋ tɛr, ɛcɛ ɩ̃ bɛ mɩ́ tʋ̃ɔ́ ɩ.

Nɩ-toni 13:1

A Ãtɩɔsɩ Lãw-yir pʋɔ, naaŋmɩn-ƴɛ̀r-manbɛ nɩ kã-kanbɛ tɩ be n be: Banabasɩ nɩ Sɩmɩ̃ɔ bɛ na kpɔwrɛ bʋɔlɛ Nɩ-sɛbla a, Lisiisɩ na yi Sɩɩrɛn a, nɩ Manayɛn na ɩ a Galile tẽw nàle Erɔdɩ bibi-daarɩ tu-ta-tɔ a, pãa de nɩ Sol.

1 Korɛ̃tɩ 14:31

Nyɩ za na tʋ̃ɔ́ na ƴɛ̀rɛ naaŋmɩn-ƴɛ̀r-manɛ ƴɛ̀rʋ, ɛcɛ, nyɩ ƴɛ̀rɛ lɩɛrɛ taa, k'aa nɩbɛ za tʋ̃ɔ́ nyɛ̃ wulu nɩ mɔwlʋ.

1 Korɛ̃tɩ 14:33

Bʋ̃ʋ n'ʋ vɛ̃, Naaŋmɩn bɛ ɩ bʋnɛ-ɩrɛ Naaŋmɩn ɛ, ʋ ɩ n ƴã-ɓaarʋ Naaŋmɩn. Mɛ̃ a lɛ a na ɩrɛ a kɩrɩta-nɩbɛ Lãw-yie za pʋɔ a,

2 Tesalonikɩ 2:2

nɩr wa yel k'aa Sore bibir ta na a, nyɩ ta sàw a nyɩ tɩɛrʋ dam nyɩ fɔ̃wlɛ ɩ, ɛ́ nyɩ ta zɔrɛ dɛ̃bɩ̃ɛ ɩ. Bɛlɛ saa yel kɛ́ tɩmɛ nɛbɛ ƴɛ̀r naaŋmɩn-ƴɛ̀r-manɛ ƴɛ̀rʋ bɩɩ ƴɛ̀r ƴɛ̀rʋ kãw bɩɩ tɩr sɛbɛ a, nyɩ taa sàwr ɛ.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

Yel-wula 22:6

Al pùorí, a malkɩ tɩ yel mɛ̃ na: «A ƴɛ̀rʋ á ŋá ɩ n sɩza ɛ́ bɛ tɛr bʋnʋ ɛ. A Sore Naaŋmɩn na mɩ́ kʋ̀ a tɩɛrʋ a ʋ ƴɛ̀r-manbɛ a, ʋlɛ n'ʋ tõ a ʋ malkɩ ʋ wa wul a ʋ tõ-tõ-biir a yele na kʋ̃ yaa kɛ́ ta a.»