1 Korɛ̃tɩ 14:2 - A SƐB-SÕW

² Bʋ̃ʋ n'ʋ vɛ̃ ʋlɩ sob na ƴɛ̀rɛ ƴɛ̀rʋ nɩr na bɛ wone a, nɩsaalbɛ zie bɛ n'a ʋ ƴɛ̀rɛ ɩ, Naaŋmɩn zie n'a, nɩr za na bɛ wone a ʋ ƴɛ̀rʋ a ƴãw. A Vʋʋrʋ Sõw mɩ́ ƴãw ʋ nɩ yã ʋ manɛ yele nɩsaal yã na kʋ̃ tʋ̃ɔ́ bãw tɔ a.

1 Korɛ̃tɩ 14:2 ပူးပေါင်းရင်းမြစ်များ

Yele-za-pɛr-tib 11:7

Alɛ! Tɩ siw tɩ ŋmɛ a bɛ ƴɛ̀rʋ nyaw taa bɛ ta cãà wone taa ƴɛ̀rʋ ɛ.»

Yele-za-pɛr-tib 42:23

Bɛ bɛ tɩ bãw k'aa Zuzɛb wone a na ɩ, ƴɛ̀r-lɩɛbɛ na tɩ be be a ƴãw.

2 Na-mɩnɛ 18:26

Lɛ n'a a Hɩlkɩahu bidɛb, Elɩakɩm, a Sevina nɩ a Yoa tɩ yel a Asiiri tẽw dem sojarɩ nɩ-kpɛ̃ɛ, na mɩ́ be a nãà zie a: «Tɩ zɛlɛ fʋ na, ƴɛ̀rɛ nɩ tɩ arameyɛ̃, tɩ wone a na. Ɛcɛ ta ƴɛ̀rɛ nɩ tɩ ebre ɩ, a nɩbɛ na be a dacin zu na bɛrɛ wone a tɩ ƴɛ̀rʋ a ƴãw.»

Sɛb-sõw yielu 78:2

Ɩ̃ na háa nɩ a nʋɔr lɔb zʋkpaɩ, ɛ́ ɩ a wulu na be a koro za yele pʋɔ a, a sãá.

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Markɩ 16:17

Ɛ́ bãwfʋ á ŋá n'a na tuur a bɛlɩ dem na sàw de a: a ɩ̃ yúor ƴãw, bɛ na diwr'ɩ kɔ̃tɔmɛ, bɛ na ƴɛ̀rɛ nɩ ƴɛ̀r-paalɛ.

Markɩ 4:11

Ʋ tɩ sɔw na yel bɛ: «A nyɩɩm a, bɛ wul nyɩ na nyɩ bãw a Naaŋmɩn Naalʋ yel-sɔwla, ɛcɛ a bɛl na cɛ a zie a, a za mɩ́ ɩ n zʋkpaɩ,

Nɩ-toni 10:46

Bɛ tɩ sɩrɩ na wone bɛ ƴɛ̀rɛ ƴɛ̀r-pɛ-bʋʋrɛ kãw, ɛ́ danɛ a Naaŋmɩn kpɛnʋ. Lɛ n'a a Pɩɛr tɩ yel:

Nɩ-toni 19:6

A Pol tɩ ír'ɩ nuru dɔwlɩ a bɛ zu, a Vʋʋrʋ Sõw siw bɛ, bɛ ƴɛ̀rɛ ƴɛ̀r-pɛ-bʋʋrɛ bɛ na bɛ tɩ dãw wone a, ɛ̀ ƴɛ̀rɛ naaŋmɩn-ƴɛ̀r-manbɛ ƴɛ̀rʋ.

Nɩ-toni 22:9

A ɩ̃ taabɛ tɩ nyɛ̃ nɩ a cãà, ɛcɛ bɛ bɛ tɩ wone a kɔkɔr na ƴɛ̀rɛ a ɩ̃ zie a ɩ.

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

1 Korɛ̃tɩ 12:10

Kãw páw nɩ nɔ-ɓãa-yele maalʋ fãw, ƴen sob páw naaŋmɩn-ƴɛ̀r-manɛ tome maalʋ, ŋa sob ʋl páw nɩ maalʋ mɩ́ bãw a vʋʋr-bɛlɛbɛlɛ nɩ a Vʋʋrʋ Sõw tɔr za, kãw páw nɩ a ƴɛ̀r-pɛ-bʋʋrɛ ƴɛ̀rʋ fãw, ɛ́ kãw bãw a ƴɛ̀rʋ á ŋá pɛ́ɛ íru.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

1 Korɛ̃tɩ 13:1

Mãa saa ɩ mɛ̃ ɩ̃ ƴɛ̀rɛ nɩ a ƴɛ̀r-pɛ-bʋʋrɛ za a, a nɩsaalbɛ dem nɩ a malkɩ mɩnɛ dem a, ɛ́ mãa bɛ wa tɛr a nɔ̃wfʋ a, ɩ̃ ɩ na mɛ̃ kure bɛ na ŋmɩɛr ʋ kone yire a, bom bɛ na ŋmɩɛr ʋ pàwr gɔmɛ a.

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

1 Korɛ̃tɩ 14:16

Bʋ̃ʋ n'ʋ vɛ̃, a Vʋʋrʋ Sõw yõ wa n'ʋ ƴãw fʋ puore yãanɩ puoru a, ŋmɩŋmɩn n'a a lãw pʋɔ nɩ-zawlɛ na ƴãw «Amɛn» sɔw a fʋ yãanɩ puoru, bɛ na bɛ bãw a lɛ fʋ na yere a?

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

1 Korɛ̃tɩ 15:51

Nyɩ vɛ̃ ɩ̃ yel yel-sɔwla kãw kʋ̀ nyɩ. Tɩ za bɛ kpiir ɛ, ɛcɛ tɩ za na lɩɛb'a,

1 Korɛ̃tɩ 2:10

Tɩmɛ nɛbɛ a Naaŋmɩn sɩrɩ ƴãw a Vʋʋrʋ Sõw wul a yel ŋa ʋ ɩ cãà. Bʋ̃ʋ n'ʋ vɛ̃, a Vʋʋrʋ n'ʋ jɛlɛ a yele za, mɩ́ tɩ lãwnɩ a Naaŋmɩn yel-sɔwlɩ za.

1 Korɛ̃tɩ 2:7

Ɛcɛ a yã-bãwfʋ ʋl tɩɩm na yere a, ʋ ɩ n Naaŋmɩn yã-bãwfʋ tɩ na kʋ̃ tʋ̃ɔ́ bãw tɔ, ʋʋ sɔwlɩ gã a. A yã-bãwfʋ ʋl a Naaŋmɩn na tɩ dãw bãwnɩ tɩ cɔbrɩ a tɩ yúor-vɩɛlʋ-danʋ ƴãw, ɛ́ a dɩta-pɛ-yome za bɛ be sɛr a.

Efɛɛzɩ 6:19

Nyɩ mɩ̀ puore kʋ̀rɛ mɛ̃, kɛ́ Naaŋmɩn ƴãw a ƴɛ̀r-bie al na sɛw a a ɩ̃ nʋɔrɩ́, k'ɩ̃ tʋ̃ɔ́ ɓãá ƴãw manɩ a Yel-nʋ̃ɔ̀ yel-sɔwla wul ʋ sãá.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Kɔlɔsɩ 2:2

Ɩ̃ bɔbr'a k'ɩ̃ɩ ɩ à ŋá bɛ kpɛ socir yaga za, bɛ lãw taa nɔnɛ taa tʋ̃ɔ́ páw a yã za naalʋ kpɛ, tʋ̃ɔ́ bãw a Naaŋmɩn yel-sɔwla na ɩ a Kɩrɩta a.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

1 Timote 3:9

Bɛ maal tɛr a naaŋmɩn-sàw-deb yel-sɔwla tɩɛr-vla pʋɔ.

Yel-wula 10:7

A ʋlɩ bibir a malkɩ ayopõi sob nãà wa pɛblɛ a ʋ wɩ́ɛ a, lɛn daar a a Naaŋmɩn yel-sɔwla ʋ na tɩɛrɩ bin a na maalɩ mɛ̃ a lɛ ʋ na tɩ dãw yel kʋ̀ a ʋ tõ-tõ-biir na ɩ a ʋ ƴɛ̀r-manbɛ a.»