1 Korɛ̃tɩ 13:7 - A SƐB-SÕW

⁷ A nɔ̃wfʋ mɩ́ de nɩ yel za bɛr a baarɩ, ʋ mɩ́ tɛr'ɩ a naaŋmɩn-sàw-deb a yele za pʋɔ, lãwnɩ a tɩɛrʋ ʋ na ƴãw a Naaŋmɩn ƴãw a, ɛ́ mɩ́ nyɔw ʋ tʋɔra bom za ƴãw.

1 Korɛ̃tɩ 13:7 ပူးပေါင်းရင်းမြစ်များ

Yele-za-pɛr-tib 29:20

A Zakɔb tɩ tõ n a Labã tome yome ayopõi, a Arasɛl kulu ƴãw. Ɛcɛ a tɩ ɩ na mɛ̃ bibie blãlɛ n'a a, ʋ na tɩ nɔnɛ a Arasɛl yaga za a ƴãw.

A Zɔb sɛbɛ 13:15

A bɛ tɛr vɛb ɛ, a Naaŋmɩn na kʋ m a, ɩ̃ bɛ cãà tɩɛrɛ bom za ɩ. Ɛcɛ ɩ̃ na ƴɛ̀r'a wul a ɩ̃ yel-mɩŋa a ʋ niŋé.

Sɛb-sõw yielu 119:66

Zanɩ nɩ mɛ̃ ɩ̃ bãw a yele jielu, ɛ́ bãw a fʋ nɛ-ƴãwnɩ, bʋ̃ʋ n'ʋ vɛ̃, ɩ̃ ƴãw nɩ a ɩ̃ tɩɛrʋ a ƴãw.

Zʋkpaɩ 10:12

A dɔ̃ n'a waar'ɩ a zɛb-taa, ɛcɛ a nɔ̃wfʋ mɩ́ piwl'ɩ a sãwna za.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

Markɩ 9:23

A Yeezu lɛb yel ʋ: «Fʋ̃ʋ na na tʋ̃ɔ́ a yaa? Sob nɛ na tɛr naaŋmɩn-sàw-deb a, bom za mɩ́ tʋ̃ɔ́ nɩ a ʋ zie.»

Ʋrɔm 15:1

A tɩɩm na tɛr fãw a sàw-deb pʋɔ a, a fɛr'a kɛ́ tɩ mɩ́ sõw a bãbàalbɛ a bɛ bãbàalʋ pʋɔ, ɛ́ ta bɔbr kɛ́ tɩ ɩrɛ lɛ na nʋmɛ a tɩ zie a ɩ.

Ʋrɔm 8:24

Tɩ nyɛ̃ nɩ a faafʋ, ɛcɛ ʋ cãà na ɩ bom tɩ na tɩɛrɛ a. Fʋ̃ʋ wa nyɛ̃ a ʋlɩ bom fʋ na tɩɛrɛ a, ʋ bɛ cãà ɩ tɩɛrʋ fʋ tɩɛrɛ ɩ: a bom fʋ na nyɛ̃ a, fʋ na ɩ n ŋmɩn cãà tɩɛrɛ ʋ?

1 Korɛ̃tɩ 13:4

A nɔ̃wfʋ tɛr'ɩ su-nyɔwra, ʋ sõwne nɩ nɩbɛ, ɛ́ bɛ kpɛ nyuur ɛ, ʋ bɛ wule ʋ tʋɔra ɩ, ʋ bɛ ɩrɛ pɔ̀lʋ ɛ,

1 Korɛ̃tɩ 9:12

Bɛ mɩnɛ wa tɛr sɔ́r na ɩrɛ a lɛ a nyɩ zu, bʋ̃ʋ n'ʋ so tɩɩm kʋ̃ nɩ̃ɛ ɩrɛ a lɛ zuo lɛ? Ɛcɛ tɩ bɛ ɩ à à ŋá tɩ na tɩ tɛr sɔ́r na ɩrɛ a ɩ. Tɩ nɩ̃ɛ na sàw de bom za, kɛ́ yel za ta piw a Kɩrɩta Yel-nʋ̃ɔ̀ ɩ.

Galasi 6:2

Nyɩ tuore taa tuor, lɛ n'a nyɩ na sàw a Kɩrɩta Wulu.

Wulu-ayi-sob 1:9

A Moyiir tɩ yel'a: Tɩ na tɩ be a Orɛb tãgɛ̃́ a, ɩ̃ tɩ yel nyɩ na: «Ɩ̃ kʋ̃ tʋ̃ɔ́ tɛr nyɩ ɩ̃ yõ tẽtẽ ɩ.

Wulu-ayi-sob 22:27

Wɩ̀ɛ pʋɔ n'a a dɛb tuori a pɔwsɩrale na ƴãw nɩ yúor a, ʋlɛ saa kõ bʋɔlɩ a, nɩr bɛ tɩ ka be na faa ʋ ɛ.

2 Tesalonikɩ 1:4

Lɛ so tɩ mɩ́ nyʋʋr a nyɩ ƴãw a Naaŋmɩn Lãw-yie sɔgɔ, nyɩ na mɩ́ dɩ kanyir ɛ́ tɛr a naaŋmɩn-sàw-deb, a nyɩ dɔwrʋ za, nɩ a nyɩ kpɩɛrʋ za nyɩ na nyɛrɛ a ƴãw a.

2 Timote 2:24

Ɛcɛ Sore tõ-tõ-bie bɛ sɛw kɛ́ ʋlɛ nɩ nɩr zɛbr taa ɩ. A sɛw na k'ʋʋ tɛr nɔ̃wfʋ a nɩbɛ za ƴãw, k'ʋʋ tʋ̃ɔ́ wule a nɩbɛ, ɛ́ sàwr dier a nɩbɛ po-to-yele.

2 Timote 3:11

a dɔwrʋ pʋɔ nɩ a kpɩɛrʋ pʋɔ ɩ̃ na páw a Ãtɩɔsɩ, a Ɩkonɩɔm nɩ a Lɩsɩtɩr a. Bʋ̃ʋ dɔwrʋ n'a ɩ̃ bɛ nyɛ̃! Ɛ́ a Sore faa mɛ̃ a za pʋɔ!

2 Timote 4:5

Ɛcɛ a fʋ̃ʋ a, nyɔw fʋ tʋɔra a yele za pʋɔ, sàw de a tuo, tone a Yel-nʋ̃ɔ̀ hieru tome, tone a fʋ Naaŋmɩn tõ-tõ-bie tome za vla.

Ebre 13:13

A na ɩ à ŋá a, nyɩ ɩ tɩ yi a laɩ pʋɔ tuor ʋ, ɛ́ sàw de a ʋlɩ vĩ-been nɛ.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

1 Pɩɛr 4:8

Ɛ́ baa zuo a za, nyɩ nɔnɛ taa yaga za, a nɔ̃wfʋ mɩ́ piwl'ɩ yel-bebe na bɛ tɛr vuo a.