1 Korɛ̃tɩ 13:5 - A SƐB-SÕW

⁵ ʋ bɛ ɩrɛ vĩ yele ɩ, bɛ bɔbr ʋl yõ tɔnɛ ɩ, ʋ bɛ nyɛrɛ suur ɛ, bɛ tɛr pʋ-bier ɛ,

1 Korɛ̃tɩ 13:5 ပူးပေါင်းရင်းမြစ်များ

2 Samɩɛl 10:3

a Amɔ̃ tẽw nɩ-bɛrɛ tɩ yel'ɩ a bɛ zu-sob Hanun: «Fʋ tɩɛr k'aa fʋ sãà ƴãwfʋ tɛwr ƴãw n'a, a Daviir tõ tõ-tõ-bi-bɛrɛ kɛ́ bɛ wa puori fʋ a wahala bɩɩ? A tɩ tẽ-kpɛ̃ɛ piwru nɩ a ʋ ŋmɛ-lɔbrʋ ƴãw nɩ̃ɛ bɛ n'a ɩ?»

A Zɔb sɛbɛ 21:27

Nyɩ nyɛ̃, ɩ̃ bãw nɩ a nyɩ tɩɛrʋ, nɩ a lɛ za nyɩ na tɩɛrɛ a ɩ̃ ƴãw a.

Zʋkpaɩ 14:17

Nɩr na bɛ mɩ́ yaa kɛ́ nyɛ̃ suur a mɩ́ tõ n gẽgẽ-tome, ɛ́ bɛ bɛ mɩ́ nɔnɛ nɩr na bɛ̀lɛ a ʋ taabɛ a ɩ.

Ɩzayi 3:5

A nɩbɛ na ɩrɛ nɩ taa po-to-fãw-ɩb, ŋa za a ʋ tɔ sob zie: a pɔlbili na dɔwrɛ nɩ a dɛb-nyamɛ, a nɩ-bɛ-tɛr-bir mɩnɛ dɔwrɛ a nɩ-sɩza mɩnɛ.

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Sɔr-nɛ́ɛ 12:3

Zɩ̃ k'aa Moyiir tɩ ɩ n nɩr na siwre ʋ tʋɔra yaga a, nɩr na siwre ʋ tʋɔra gãw nɩsaal za a tẽw zu a.

Sɔr-nɛ́ɛ 16:15

A Moyiir tɩ nyɛ̃ nɩ suur mab, ɛ́ yel a Sore à ŋá: «Taa ŋmɛlɛ kaar a bɛ de-kʋ̀b bom ɛ! Ɩ̃ bɛ dãw de bɛ bom ɛ, bõw mɩ̀ saa n'ʋ a. Ɩ̃ bɛ dãw sãw a bɛ kãw za ɩ.»

Sɔr-nɛ́ɛ 32:6

A Moyiir tɩ sɔw bɛ na: «Ɛ́ bʋnʋ yaa? A nyɩ yɛbr na cen nɩ a zɛbr zie, ɛ́ nyɩɩm zɩ̃ zoom a ka a?

Matie 5:22

Ɛcɛ mãa yere na kʋ̀rɛ nyɩ: sob nɛ za na nyɛ̃ nɩ a ʋ yɛb suur a, na cen nɩ ƴɛ̀rʋ-maalʋ zie tɩ yel a pɛr. Nɩr wa yel a ʋ yɛb: “Dãbol ŋa!”, ʋ sob na cen nɩ a ƴɛ̀rʋ-dɩb-lãw-kpɛ̃ɛ niŋé. Ɛ́ nɩr wa yel ʋ: “Yãyaar sob ŋa!”, ʋ na sɛwnɩ nɩ a tẽ-faa vũu pʋɔ kpɛb.

Matie 9:4

A Yeezu na tɩ bãw a bɛ tɩɛrʋ a, ʋ sowri bɛ na: «Bʋ̃ʋ n'ʋ so a tɩɛr-faar á ŋá be a nyɩ zie?

Markɩ 3:5

A bɛ mimi-kõw tɩ ɩ ʋ nɩ kpɩɛrʋ yaga, ʋ nyɛ̃ suur jɩɛlɩ bɛ kʋlʋlʋ, ɛ́ yel a nũ-kũu sob nɛ: «Dɔl a nũu.» Ʋ tɩ dɔl'a, ɛ́ a nũu sanɩ.

Luka 7:39

A Faarizɩ̃ɛ nɛ na tɩ bʋɔlɩ a Yeezu a dɩb ƴãw a na tɩ nyɛ̃ a lɛ a, ʋ tɩɛr'ɩ ʋ pʋɔ: «A nɩr ŋa tɩ sɩrɩ ɩ naaŋmɩn-ƴɛ̀r-manɛ a, ʋ nãá bãw nɩ ãa n'ɩ a pɔw ŋa, nɩ nɩ-bʋ̃ʋ n'ɩ a pɔw ŋa na tʋɔr ʋ a, ʋ nãá bãw na kɛ́ yel-bier-maalɛ n'ʋ.»

1 Korɛ̃tɩ 10:24

Kãw za ta mɩ́ bɔbr a ʋ tɔnɛ tɛwr ɛ, ʋ mɩ́ bɔbr a ʋ tɔ dem.

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

1 Korɛ̃tɩ 11:18

A yel dãw-niwn sob'ɩ ŋa: bɛ yel'a kʋ̀ m kɛ́ nyɩ na mɩ́ wa ɓã taa a, ɛ́ bʋ́r-taa mɩ́ be n a nyɩ cara pʋɔ, ɩ̃ɩ tɩɛr kɛ́ à à ŋá bɛ na yel a, a mɩnɛ ɩ n yel-mɩŋa.

1 Korɛ̃tɩ 12:25

Ʋ ɩ n à ŋá, kɛ́ bʋ́r-taa ta be a ƴã-gan pʋɔ ɩ, ɛcɛ a ƴã-gã-ɓɛrmɛ lãw kaarɛ taa zie.

1 Korɛ̃tɩ 7:36

Pɔlbile wa nyɛ̃ ʋ sãwnɛ a ʋ ƴãwnɩ-yúor pʋɔ, ʋ na kʋ̃ kul ʋ a, a pɔw vʋla wa kpɩɛr ʋ tɩ zuo, ʋʋ bãw k'aa tɩ sɛw na kɛ́ bɛ kul taa a, bɛ̃ɛ kul bɛ taa mɛ̃ a lɛ ʋ na bɔbr a. Ʋ bɛ maalɛ yel-bier ɛ.

2 Korɛ̃tɩ 5:19

Bʋ̃ʋ n'ʋ vɛ̃, a Kɩrɩta zũú, a Naaŋmɩn n'ʋ tone kɛ́ ʋlɛ nɩ a nɩsaalbɛ za lɛb kpɛ taa, lɛ so ʋ mɩ́ tɩ de a bɛ sãwna bɛr a baarɩ, ɛ́ ƴãw a lɛb-kpɛ-taa ƴɛ̀r-bie a tɩ nʋɔrɩ́.

Galasi 5:13

Yɛbr i, a nyɩɩm a, a tʋɔra-sob ƴãw n'a bɛ bʋɔlɩ nyɩ. Ɛcɛ nyɩ taa wa yel kɛ́ a tʋɔra-sob ŋa ƴãw ɛ́ tuur a nyɩ nɩsaal yel-bɔbrɩ na bɛ vɩɛl a ɩ. Nyɩ nɩ̃ɛ mɩ́ kaarɛ taa zie a nɔ̃wfʋ zũú.

Filib 2:21

bɛ za tɩɛrɛ nɩ a bɛl tɛwr yele, ɛ́ bɛr a Yeezu Kɩrɩta dem.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

2 Tesalonikɩ 3:7

A nyɩɩm a, nyɩ bãw nɩ a lɛ a na fɛr kɛ́ nyɩ cɔwrɛ tɩ a: bʋ̃ʋ n'ʋ vɛ̃, tɩ bɛ ɩ ƴã-to-ɩb a nyɩ sɔgɔ ɩ.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

2 Timote 4:16

Ɩ̃ na tɩ cen a ƴɛ̀rʋ zie a dãw-niwn sob, k'ɩ̃ɩ tɩ ƴɛ̀r faa ɩ̃ tʋɔra a, nɩr za bɛ tɩ tu a ɩ̃ pùor ɛ, bɛ za tɩ zawrɩ mɛ̃ na bɛr. Naaŋmɩn taa wa sowre bɛ bom ɛ.

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.