1 Korɛ̃tɩ 13:4 - A SƐB-SÕW

⁴ A nɔ̃wfʋ tɛr'ɩ su-nyɔwra, ʋ sõwne nɩ nɩbɛ, ɛ́ bɛ kpɛ nyuur ɛ, ʋ bɛ wule ʋ tʋɔra ɩ, ʋ bɛ ɩrɛ pɔ̀lʋ ɛ,

1 Korɛ̃tɩ 13:4 ပူးပေါင်းရင်းမြစ်များ

Yele-za-pɛr-tib 30:1

A Arasɛl na tɩ nyɛ̃ ʋ bɛ dɔwr bibiir kʋ̀rɛ a Zakɔb a, ʋ nyuur'ɩ nɩ a ʋ yɛb. Ʋ tɩ yel'ɩ a Zakɔb: «Kʋ̀ m bibiir, alɛ bɛ ɩ lɛ ɩ̃ kpiir a!»

Yele-za-pɛr-tib 37:11

A ʋ yɛbr tɩ nyùur'ɩ ʋ na, ɛcɛ a ʋ sãà tɩ tɛr'ɩ a ʋ zánʋ ŋa tɩ́ɛrɛ.

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

Sɛb-sõw yielu 10:5

A ʋ yele za mɩ́ maal'ɩ vla kʋralɛ. A Naaŋmɩn na mɩ́ dɩ a ƴɛ̀rʋ bin lɛ a, a do na zuo, bɛ tʋɔr a nɩ-faa ŋa ɩ. Ʋ mɩ́ pɛbl'ɩ a ʋ dɔ̃ dem za bɛr.

Zʋkpaɩ 10:12

A dɔ̃ n'a waar'ɩ a zɛb-taa, ɛcɛ a nɔ̃wfʋ mɩ́ piwl'ɩ a sãwna za.

Zʋkpaɩ 13:10

A pɔ̀lʋ waar'ɩ nɩ zɛb-taa. Ɛcɛ yã-bãwfʋ mɩ́ be n a bɛlɩ dem na sàwr a wulu a zie.

Zʋkpaɩ 17:14

A zɛbr tib ɩ na mɛ̃ kʋ̃ɔ-bɩwra bɛ na yuo bɛr a. A zɛbr na bɛ úr sɛr a, taw yi pùor!

Zʋkpaɩ 17:9

Nɩr na mɩ́ de sãwna bɛr a baar'a na tɛr'ɩ bárɩ, ɛcɛ ʋlɛ wa ƴɛ̀rɛ a sãwna ƴɛ̀rʋ kʋralɛ a, a ʋ bárɩ na zɔ na.

Zʋkpaɩ 19:22

A bom nɛ bɛ na mɩ́ gùre a nɩsaal zie a n'ɩ a nɔ̃wfʋ, ɛ́ nã́w sob sa n zir-ŋmarɛ.

Zʋkpaɩ 31:20

Ʋ mɩ́ sõwne nɩ a bãbàalbɛ, ɛ́ kʋ̀rɛ bome a nan dem.

Zʋkpaɩ 31:26

Ʋ mɩ́ ƴɛ̀rɛ na nɩ yã-bãwfʋ, ʋ mɩ́ wule nɩ a yã nɩ nɔ̃wfʋ.

Ekilezɩasɩ 10:4

A fʋ nɩ-kpɛ̃ɛ wa nyɛ̃ nɩ fʋ suur a, ta bɛr a fʋ tõ-nʋɔr ɛ, bʋ̃ʋ n'ʋ vɛ̃, a tʋɔra-nyɔwfʋ mɩ́ nɩɩr'ɩ sãwna kpɛ̃ɛ bɛr.

Matie 27:18

Ʋ tɩ bãwnɩ a na nyuur ƴãw na n'a bɛ nyɔw a Yeezu wa n a ʋ zie a.

Nɩ-toni 7:9

A sãàkʋm-kore tɩ nyuur'ɩ nɩ a Zuzɛb, nyɔw ʋ kʋɔrɩ ƴãw bɛ cen nɩ Eziptɩ. Ɛcɛ a Naaŋmɩn tɩ be n a ʋ zie.

Ʋrɔm 1:29

Ɩ-bʋʋrɛ za na bɛ tu sɔ́r a, nɩ faalʋ, nɩ tɛra vʋla, nɩ po-tuolu nɩbɛ nɛbɛ. Bɛ ɩ n nyuur tɛwr, nɩ nɩ-kʋrbɛ, nɩ nɔhaarʋ, nɩ nyãnyu-yã, nɩ nɩ-fa-ɩb tɛwr. Bɛ mɩ́ sãwnɛ nɩ a bɛ taabɛ yee,

Ʋrɔm 13:13

Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

1 Korɛ̃tɩ 3:3

nyɩ na cãà ɩ nɩsaalbɛ tɛwr a ƴãw. Nyuur nɩ taw-taa na be a nyɩ cará a ƴãw, nɩsaalʋ nɩbɛ bɛ n'ɩ nyɩ ɛ? Ɛ́ nɩsaalʋ ɩb tɛwr bɛ n'a nyɩ ɩrɛ ɩ?

1 Korɛ̃tɩ 4:18

Bɛ mɩnɛ na tɩ tɩɛr k'ɩ̃ɩ kʋ̃ lɛb wa wa nyɛ̃ nyɩ a tɩ ɩ n pɔ̀l-ɩb bɛ dɩ vuo ɩ.

1 Korɛ̃tɩ 4:6

Yɛbr i, a nyɩ wulu ƴãw n'a ɩ̃ dãw de a yele man cɔwr'ɩ mãa nɩ a Apɔlɔsɩ. Ɩ̃ bɔbr'a k'ɩ̃ɩ man cɔwr'ɩ tɩ à ŋá nyɩ tʋ̃ɔ́ bãw a zʋkpar ŋa pɛr: «A sɛw na kɛ́ bɛ ta mɩ́ gãw a lɛ na sɛb a bɛr ɛ.» A bɛ tɛr sɔ́r k'aa nyɩ kãw zɛwr ʋ tʋɔra, mɩ́ kpɛ a tɩ kãw ɛ́ bɛr a ƴen sob ɛ.

1 Korɛ̃tɩ 5:2

A tɩ sɛw na k'aa ɩ kpɩɛrʋ a nyɩ zie, ɛ́ bɛ diw a nɩr ŋa tɔ bɛr a nyɩ sɔgɔ, nyɩɩm nɩ̃ɛ bɛr ɛ́ zɛwr nyɩ tʋɔra.

1 Korɛ̃tɩ 8:1

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a, «tɩ za tɛr'ɩ a yele bãwfʋ», mɛ̃ a lɛ nyɩ na mɩ́ yel a. Ɛcɛ a yele bãwfʋ mɩ́ ɩ n a nɩsaal zɛwr ʋ tʋɔra, ɛ́ nɔ̃wfʋ mɩ́ ɩ a Lãw-yir ʋ kɛrɛ dɔwlɛ.

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

2 Korɛ̃tɩ 6:6

Tɩ bɔbr'a k'aa tɩ vɩɛlʋ nɩ a tɩ bãwfʋ, a tʋɔra-nyɔwfʋ nɩ a ɩ-vɩɛlɩ, a Vʋʋrʋ Sõw tome nɩ a nɔ̃wfʋ sɩza tɩ na nɔnɛ a nɩbɛ a, tɩ bɔbr'a k'aa wul a sãá kɛ́ tɩ ɩ n Naaŋmɩn tõ-tõ-biir.

Galasi 5:26

Tɩ ta mɩ́ pɔrɛ ɩ, a nɔhaarʋ nɩ a nyu-ɩb, a ta be a tɩ cara pʋɔ ɩ.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

Efɛɛzɩ 4:32

Nyɩ ɩ nɩ-vɩɛlɩ a nyɩ cara pʋɔ, ɛ́ zɔrɛ taa nɩbaalʋ dɩrɛ nɩ suur kʋ̀rɛ taa, mɛ̃ a lɛ a Naaŋmɩn na dɩ suur kʋ̀ nyɩ a Kɩrɩta ƴãw a.

Filib 1:15

Sɩza n'a, nyuur'a bɛ mɩnɛ ɩrɛ nɩ mɛ̃ hiere a Kɩrɩta, tɛr'ɩ cier-taa tɩɛrʋ a ɩ̃ zie, ɛcɛ bɛ mɩnɛ hiere a Kɩrɩta nɩ tɩɛrʋ na vɩɛl a.

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

1 Tesalonikɩ 5:14

Yɛbr i, tɩ kpaalɛ nyɩ na: nyɩ kpãanɛ a ƴã-to-dem, nyɩ mɩ́ yel a bɛlɩ dem na zɔrɛ dɛ̃bɩ̃ɛ a, kɛ́ bɛ ƴãw fãw bɛr a dɛ̃bɩ̃ɛ, nyɩ sõwne a bãbàalbɛ, nyɩ tɛr su-nyɔwra a nɩbɛ za zie.

1 Timote 6:4

a ʋ nyʋʋr ɩ na ʋ zɔ̃w. Ʋ bɛ bãw bom za ɩ, nɔkpɛn nɩ ƴɛ̀r-foli bàalʋ nyɔw ʋ na. Alɛ n'a waar'ɩ a nyuur, a taw-taa, a zʋmɛ, a tɩɛr-faar a tɔ sob ƴãw,

2 Timote 2:25

Bàalʋ bàalʋ lɛ n'a a sɛw k'ʋʋ mɩ́ wule a bɛlɩ dem na mɩ́ ŋmɛ a ʋ ƴɛ̀rʋ lɔb a. Ãa bãw, Naaŋmɩn nãà ɩ na bɛ lɩɛbɩ a bɛ ɩb bãw a yel-mɩŋa,

2 Timote 3:10

Ɛcɛ a fʋ̃ʋ a, fʋ tu mɛ̃ nɩ vla a ɩ̃ wulu pʋɔ, nɩ a ɩ̃ cenu pʋɔ, a lɛ ɩ̃ na mɩ́ tɩɛr k'ɩ̃ɩ ɩ a, nɩ a ɩ̃ naaŋmɩn-sàw-deb pʋɔ, a ɩ̃ tʋɔra-nyɔwfʋ pʋɔ nɩ a nɔ̃wfʋ pʋɔ, a kanyir pʋɔ,

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

Zakɩ 4:5

Nyɩ tɩɛrɛ kɛ́ zawlalɛ ƴãw n'a a Sɛb-sõw yel a ƴɛ̀r-bie á ŋá bɩɩ? «A Naaŋmɩn bɛ sàwr a vʋʋrʋ ʋ na ƴãw ʋ kpɩɛr a tɩ pʋɔ a ƴãw ɛ.»

1 Pɩɛr 2:1

A na ɩ lɛ a, a po-tuolu bʋʋrɛ za nɩ a ziri za, a libelibe bʋʋrɛ za, a nyuur nɩ a tɔ yel-faar manʋ a, nyɩ bɛr a za a lo.

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

1 Pɩɛr 4:8

Ɛ́ baa zuo a za, nyɩ nɔnɛ taa yaga za, a nɔ̃wfʋ mɩ́ piwl'ɩ yel-bebe na bɛ tɛr vuo a.

2 Pɩɛr 1:7

Nyɩ nɔnɛ taa mɛ̃ yɛbr a, ƴãw pʋɔ a Naaŋmɩn ƴãwfʋ ƴãw, ɛ́ pãa baa tɛr a nɔ̃wfʋ ƴãw pʋɔ a yɛbr nɔ̃w-taa ƴãw.

1 Zã 4:11

Ɩ̃ bá mɩnɛ ɛ, a Naaŋmɩn wa nɔ̃w tɩ à ŋá a, a fɛr'a k'aa tɩɩm mɩ̀, tɩ mɩ̀ nɔnɛ taa.