1 Korɛ̃tɩ 12:9 - A SƐB-SÕW

⁹ Naaŋmɩn-sàw-deb na bɛ tɛr ʋ tɔ a n'ʋ kãw páw a Vʋʋrʋ ŋa tɔr za zie, ɛ́ ƴen sob páw bàalbɛ sanʋ maalʋ a Vʋʋrʋ Sõw been yõ ŋa zie.

1 Korɛ̃tɩ 12:9 ပူးပေါင်းရင်းမြစ်များ

Matie 10:8

Nyɩ sanɛ a bàalbɛ, nyɩ sɩ̃wnɛ a kũuni, nyɩ ɩrɛ a kɔn bɛ lɛb vɩɛl, nyɩ diwr a kɔ̃tɔmɛ. Nyɩ páw nɩ mɔlɛ, nyɩ mɩ̀ tɩrɛ mɔlɛ.

Matie 21:21

A Yeezu tɩ sɔw bɛ na: «Yel-mɩŋa sɩza, ɩ̃ yere na kʋ̀rɛ nyɩ: bibir kãw nyɩmɛ wa tɛr a naaŋmɩn-sàwfʋ ɛ́ bɛ bʋ́nɛ a, à à ŋá ɩ̃ na ɩ a kãkã-tɩɛ a, lɛ tɛwr bɛ n'a nyɩ na mɩ́ tʋ̃ɔ́ ɩ ɛ, ɛcɛ nyɩmɛ mɩ̀ saa mɩ́ yel a tãw ŋa: “Ìr a ka tɩ lo a kʋ̃ɔ-kpɛ̃ɛ pʋɔ a”, a na tu n a lɛ.

Markɩ 16:18

Bɛlɛ saa nyɔw wɩɩr nɩ nuru bɩɩ bɛlɛ saa nyũ tɩ̃ɩ-faa kãw a, a kʋ̃ ɩ bɛ bom za ɩ. Bɛ na mɩ́ ír'ɩ nuru dɔwlɩ a bàalbɛ zu, ɛ̀ bɛ lɛb kpɛ̃w.»

Markɩ 6:13

Bɛ tɩ diwr'ɩ kɔ̃tɔmɛ yaga ɛ́ fʋɔrɛ bàalbɛ yaga nɩ kãá, bɛ mɩ́ tɩ lɛb kpɛ̃w.

Luka 10:9

Nyɩ sanɛ a bàalbɛ a be, ɛ́ yere kʋ̀rɛ a tẽw dem: “A Naaŋmɩn Naalʋ ta nyɩ na.”

Luka 9:2

Al pùorí, ʋ tɩ tõ bɛ na kɛ́ bɛ cen tɩ hiere k'aa Naaŋmɩn Naalʋ dɩb ta na, ɛ́ sanɛ a bàalbɛ.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Nɩ-toni 5:15

A nɩbɛ tɩ tuore nɩ a bɛ bàalbɛ yire nɩ tɩ gaalɛ a sɛ́ɛ pʋɔ, gadori zu nɩ sɛn pʋɔ, k'aa Pɩɛr wa tɔlɛ a, a ʋ dasule ɓaarʋ tɛwr, ʋ̃ʋ nɩ̃ɛ pàw a bɛ kãw.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

1 Korɛ̃tɩ 12:30

Bɛ za nɛbɛ páw a bàalbɛ sanʋ maalʋ ʋ? Bɛ za nɛbɛ ƴɛ̀rɛ a ƴɛ̀rʋ nɩr na bɛ wone a bɩɩ? Bɛ za nɛbɛ bãw a ƴɛ̀rʋ á ŋá taabɛ pɛ́ɛ íru bɩɩ?

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

2 Korɛ̃tɩ 4:13

A Sɛb-sõw yel'a: «Ɩ̃ sàw na de, alɛ so ɩ̃ ƴɛ̀r.» A tɩɩm mɩ̀ a, a sàw-deb-been ŋa tɩɛrʋ tɩ na tɛr a n'a so tɩ mɩ̀ sàw de, ɛ́ alɛ n'a so tɩ ƴɛ̀rɛ.

Efɛɛzɩ 2:8

Sɩza, a Naaŋmɩn maalʋ ƴãw n'a nyɩ nyɛ̃ a faafʋ, nyɩ na sàw de ʋ a zũú. A faafʋ ŋa bɛ yi nyɩ zie ɩ, Naaŋmɩn maalʋ n'ʋ ʋ kʋ̀ nyɩ zawlalɛ.

Ebre 11:33

A sàw-deb zũú, bɛ tɩ zɛb'a tʋ̃ɔ́ na-mɩnɛ ten, ɛ́ tɩ tu a mɩnʋ pùor, ɛ́ páw a alɩ bome nɛ a Naaŋmɩn na yel k'ʋʋ na tɩr a a. Bɛ tɩ pàw nɩ gben nɛ́ɛ,