1 Korɛ̃tɩ 12:8 - A SƐB-SÕW

⁸ A kãw a, ƴɛ̀rʋ na tu yã-bãwfʋ a n'ʋ a Vʋʋrʋ Sõw kʋ̀ ʋ, ɛ́ a kãw ƴɛ̀rʋ tu zanʋ ʋ na zanɩ bãw a, ɛ́ a cãà yi a Vʋʋrʋ Sõw been nɛ zie.

1 Korɛ̃tɩ 12:8 ပူးပေါင်းရင်းမြစ်များ

Neemi 9:20

A fʋ nɔ̃wfʋ pʋɔ, fʋ kʋ̀ bɛ nɩ a fʋ vʋʋrʋ kɛ́ bɛ tɛr yã. Fʋ kʋ̀ bɛ nɩ a mãan a bɛ dɩb ƴãw, nɩ kʋ̃ɔ a bɛ kʋ̃ɔ-nyúur ɓãafʋ ƴãw.

A Zɔb sɛbɛ 32:8

Ɛcɛ alɛ ɩrɛ mɛ̃ bom'ʋ a, a Naaŋmɩn Vʋʋrʋ, a Kpɛnʋ-za-sob pɩɛlʋ, ʋlɛ n'ʋ mɩ́ ɩ a nɩsaal bãw a yã.

Sɛb-sõw yielu 143:10

Fʋ̃ʋ n'ɩ a ɩ̃ Naaŋmɩn, zanɩ nɩ mɛ̃ a fʋ pʋ-tɩɛrʋ maalʋ. A fʋ vʋʋrʋ, ʋ tɛr mɛ̃ nɩ nɔ̃wfʋ, cere nɩ tẽsɔw na man taa ʋ za a zu.

Eziptɩ tẽw yib 31:3

Ɩ̃ ƴãw nɩ a ɩ̃ vʋʋrʋ paalɩ ʋ, k'ɩ̃ɩ ɩ ʋ bãw tome vla vla, ɛ́ tɛr yã. Ʋ bãw nɩ bãwfʋ bʋʋrɛ bʋʋrɛ za:

Zʋkpaɩ 2:6

Bʋ̃ʋ n'ʋ vɛ̃, a Sore n'ʋ mɩ́ tɩr a yã-bãwfʋ, ʋl zie n'a a bãwfʋ nɩ a tɩ́ɛrʋ yire.

Ɩzayi 50:4

A Sore Naaŋmɩn wul mɛ̃ nɩ a ʋlɩ bom nɛ a na fɛr k'ɩ̃ɩ yel, tʋ̃ɔ́ mɩ́ tɛr mɔwlʋ ƴɛ̀r-bie a sob nɛ na bàl a zie a. Biɓaara za, ʋ mɩ́ sɩ̃w mɛ̃ na, k'ɩ̃ɩ tʋ̃ɔ́ bɛrɛ wone mɛ̃ a po-tuurbɛ a.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Nɩ-toni 6:3

A na ɩ lɛ a, yɛbr i, nyɩ bɔ dɛbr ayopõi a nyɩ pʋɔ, nɩbɛ na ɩrɛ vla, ɛ́ a Vʋʋrʋ Sõw nɩ yã-bãwfʋ be a bɛ zie a, ɛ́ tɩ na de nɩ a ton ŋa kʋ̀ bɛ.

Ʋrɔm 15:14

Ɩ̃ yɛbr i, ɩ̃ mɩŋa za bãwnɩ a na nyɩ na tɛr tɩɛr-vɩɛlɩ yaga ɛ́ bãw bom za vla, na tʋ̃ɔ́ wule nɩ taa yã a.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 1:5

Bʋ̃ʋ n'ʋ vɛ̃, nyɩ na lãw nɩ ʋ a n'a nyɩ kpɛ naalʋ bʋʋrɛ za, a ƴɛ̀rʋ bãwfʋ naalʋ nɩ a yele bãwfʋ naalʋ.

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

1 Korɛ̃tɩ 13:8

A nɔ̃wfʋ bɛ tɛr nãà tɔl ɛ. A naaŋmɩn-ƴɛ̀r-manɛ tome na baar'ɩ bibir kãw, a ƴɛ̀r-pɛ-bʋʋrɛ ƴɛ̀rʋ na kpiir'a, a bãwfʋ na baar'a.

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

1 Korɛ̃tɩ 14:6

Yɛbr i, alɛ ɩ mɛ̃ ɩ̃ wa n a nyɩ nyɛ́b a ƴɛrɛŋa, wa ta ƴɛ̀rɛ ƴɛ̀rʋ nɩr na bɛ wone a, bʋ̃ʋ yel-ɩra n'ʋ ɩ̃ na tɛr a nyɩ zie? A ɩ̃ ƴɛ̀rʋ bɛ wa manɩ yel-sɔwla kãw kʋ̀ nyɩ a, ʋlɛ bɛ wa wa n bãwfʋ kãw a, bɛ ƴɛ̀r naaŋmɩn-ƴɛ̀r-manɛ ƴɛ̀rʋ kʋ̀ nyɩ bɩɩ kʋ̀ nyɩ wulu kãw a, bʋ̃ʋ yel-ɩra n'ʋ ɩ̃ na tɛr a nyɩ zie?

1 Korɛ̃tɩ 2:11

A nɩsaalbɛ pʋɔ a, ãa n'ʋ pãa bãw bom nɛ na be a nɩsaal pʋ̃ɔmɩ a, a bɛ ɩ a nɩsaal tɩɛrʋ na be a nɩsaal pʋɔ a? Lɛ mɩ̀ n'a, bom nɛ na be a Naaŋmɩn pʋɔ a, nɩr za bɛ bãw ʋ a bɛ ɩ a Naaŋmɩn Vʋʋrʋ ɛ.

1 Korɛ̃tɩ 2:16

Bʋ̃ʋ n'ʋ vɛ̃, bɛ sɛb'a kɛ́: «Ãa n'ʋ bãw a Sore pʋ-tɩɛrʋ? Ãa n'ʋ na tʋ̃ɔ́ wul ʋ yã?» Ɛ́ tɩɩm a, tɩ tɛr'ɩ a Kɩrɩta pʋ-tɩɛrʋ.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Korɛ̃tɩ 11:6

Sɩza n'a, ɩ̃ tɔ̃w bɛ bãw ƴɛ̀rʋ ɛ, ɛcɛ a yele bãwfʋ lowr a, a bɛ ɩ a lɛ ɩ: bom za ƴãw, yele za pʋɔ, tɩ wul nyɩ na a sãá.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

2 Korɛ̃tɩ 6:6

Tɩ bɔbr'a k'aa tɩ vɩɛlʋ nɩ a tɩ bãwfʋ, a tʋɔra-nyɔwfʋ nɩ a ɩ-vɩɛlɩ, a Vʋʋrʋ Sõw tome nɩ a nɔ̃wfʋ sɩza tɩ na nɔnɛ a nɩbɛ a, tɩ bɔbr'a k'aa wul a sãá kɛ́ tɩ ɩ n Naaŋmɩn tõ-tõ-biir.

2 Korɛ̃tɩ 8:7

Ɛ́ bom za na ʋr a nyɩ zie a: a naaŋmɩn-sàw-deb, a ƴɛ̀rʋ bãwfʋ, a yele bãwfʋ, yele ƴãw nyɩ na tʋlɛ bɛ tɛr bɛ́rʋ, lãwnɩ a nɔ̃wfʋ tɩ na wul nyɩ a, à á ŋá za na ʋr a nyɩ zie a, nyɩ mɩ̀ sàw tɩr yaga za a yel ŋa ƴãw.