1 Korɛ̃tɩ 12:6 - A SƐB-SÕW

⁶ A yele na maalɛ a ɩ n tɛɛtɛɛ, ɛcɛ Naaŋmɩn-been n'ʋ maalɛ a za a nɩbɛ za zie.

1 Korɛ̃tɩ 12:6 ပူးပေါင်းရင်းမြစ်များ

A Zɔb sɛbɛ 33:29

Nyɛ̃, à á ŋá za n'a a Naaŋmɩn ɩrɛ a nɩsaal ƴãw, mɩ́ ɩ gb'a ayi, gb'a ata,

Zã 5:17

Ɛcɛ a Yeezu tɩ sɔw bɛ na: «Wa tɩ tɔ à ŋá a, a ɩ̃ Sãà be n a tome zu, ɩ̃ɩ mɩ̀ be a tome zu.»

1 Korɛ̃tɩ 12:11

Ɛcɛ a Vʋʋrʋ Sõw been yõ ŋa tɔr za n'ʋ maalɛ à à ŋá za. Ʋlɛ n'ʋ pone a maalʋ tɛɛtɛɛ kʋ̀rɛ a nɩbɛ been been, mɛ̃ a lɛ ʋ na bɔbr a.

1 Korɛ̃tɩ 12:5

A tõ-nɛ́ɛ ɩ n tɛɛtɛɛ, ɛcɛ a Sore been n'ʋ bɛ tone.

1 Korɛ̃tɩ 15:28

Ɛ́ a Bie wa so bom za a, a Naaŋmɩn na ƴãw ʋ so bom za a, mɩ̀ na so ʋ na, lɛ n'a a Naaŋmɩn na dɩrɛ naalʋ bom za zu.

1 Korɛ̃tɩ 3:7

A na ɩ à ŋá a, a sob nɛ na sɛl a nɩ a sob nɛ na cɔ̀r a, bɛ ɩ bom ɛ, Naaŋmɩn yõ n'ʋ ɩ bom, ʋl na ɩrɛ a tɩɛ ʋ kɛrɛ a.

Efɛɛzɩ 4:6

Naaŋmɩn-been yõ na ɩ a bɛ za Sãà a, na so bɛ za a, na tone bɛ za zie, ɛ́ lãw nɩ bɛ za a.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

Kɔlɔsɩ 3:11

A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.