1 Korɛ̃tɩ 12:10 - A SƐB-SÕW

¹⁰ Kãw páw nɩ nɔ-ɓãa-yele maalʋ fãw, ƴen sob páw naaŋmɩn-ƴɛ̀r-manɛ tome maalʋ, ŋa sob ʋl páw nɩ maalʋ mɩ́ bãw a vʋʋr-bɛlɛbɛlɛ nɩ a Vʋʋrʋ Sõw tɔr za, kãw páw nɩ a ƴɛ̀r-pɛ-bʋʋrɛ ƴɛ̀rʋ fãw, ɛ́ kãw bãw a ƴɛ̀rʋ á ŋá pɛ́ɛ íru.

1 Korɛ̃tɩ 12:10 ပူးပေါင်းရင်းမြစ်များ

Markɩ 16:17

Ɛ́ bãwfʋ á ŋá n'a na tuur a bɛlɩ dem na sàw de a: a ɩ̃ yúor ƴãw, bɛ na diwr'ɩ kɔ̃tɔmɛ, bɛ na ƴɛ̀rɛ nɩ ƴɛ̀r-paalɛ.

Markɩ 16:20

A ʋ Nɩ-toni tɩ cen na tɩ hiere a Yel-nʋ̃ɔ̀ a ziir za. A Sore tɩ lãwnɩ bɛ na tone, ɛ́ mɩ́ wul kɛ́ a Yel-nʋ̃ɔ̀ ƴɛ̀rʋ ɩ n sɩza, a nɔ-ɓãa-yele na tɩ maalɛ pʋɔ a ƴãw.]

Luka 24:49

Ɛ́ a mãa a, a ʋlɩ bom nɛ a ɩ̃ Sãà na ƴãw nʋɔr k'ʋʋ na tɩr'a a, ɩ̃ na ɩ na ʋ wa a nyɩ zu. Nyɩɩm ƴãw a, nyɩ be a Zerizalɛm tẽw pʋɔ ɛ́ gù nyɩ wa tɩ páw a fãw na yi a saa-zu a.»

Zã 14:12

Yel-mɩŋa sɩza sɩza n'a ɩ̃ yere kʋ̀rɛ nyɩ, ʋlɩ sob na sàw de m a, ʋ mɩ̀ na tõ n a tome ɩ̃ na tõ a, ʋ na tõ n tõ-bɛrɛ gãw lɛ mɩ̀: ɩ̃ na cere a Naaŋmɩn Sãà zie a ƴãw.

Zã 16:13

A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ.

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 11:27

A alɩ bibie nɛ pʋɔ, naaŋmɩn-ƴɛ̀r-manbɛ tɩ yi n Zerizalɛm ɛ́ siw wa a Ãtɩɔsɩ.

Nɩ-toni 11:28

Vʋʋrʋ Sõw tɩ caal'ɩ a bɛ ƴen sob, na dɩ kɛ́ Agabisɩ a, ʋ yel kɛ́ kɔ̃-kpɛ̃ɛ kʋ̃ yaa kɛ́ lo a tẽ-daa za zu ɛ. A kɔ̃ ʋl wa sɩrɩ na lo a Ʋrɔm tẽw na-kpɛ̃ɛ Kuloor daar.

Nɩ-toni 19:6

A Pol tɩ ír'ɩ nuru dɔwlɩ a bɛ zu, a Vʋʋrʋ Sõw siw bɛ, bɛ ƴɛ̀rɛ ƴɛ̀r-pɛ-bʋʋrɛ bɛ na bɛ tɩ dãw wone a, ɛ̀ ƴɛ̀rɛ naaŋmɩn-ƴɛ̀r-manbɛ ƴɛ̀rʋ.

Nɩ-toni 5:3

Lɛ n'a a Pɩɛr tɩ yel ʋ: «Ananɩasɩ i, bʋ̃ʋ n'ʋ so a Sɩtaana só fʋ tɩ zɛ̃ à ŋá, kɛ̀ fʋ ŋmãa ziri kʋ̀ a Vʋʋrʋ Sõw? Fʋ gbab'ɩ a púo libie ŋmãa tɛr.

Ʋrɔm 12:6

Tɩ tɛr'ɩ maalʋ dẽdeni, mɛ̃ a lɛ a Naaŋmɩn na mɩ́ kʋ̀ ŋa za mɔlɛ a. Alɛ wa ɩ naaŋmɩn-ƴɛ̀r-manɛ maalʋ n'ʋ tɩ kãw páw a, ʋ manɛ a Naaŋmɩn ƴɛ̀rʋ tuur'ɩ a naaŋmɩn-sàw-deb.

Ʋrɔm 15:19

nɩ yele na ɩ bãwfʋ sãá a fãw, nɩ yel bãw-guuri nɩ a Naaŋmɩn Vʋʋrʋ Sõw fãw. À ŋá n'a ɩ̃ tĩ a Zerizalɛm ɛ́ yel a Kɩrɩta Yel-nʋ̃ɔ̀ vla za gʋɔr'ɩ tɩ ta n Ɩlɩɩrɩ.

1 Korɛ̃tɩ 11:4

Dɛb za na puore bɩɩ ƴɛ̀rɛ naaŋmɩn-ƴɛ̀r-manɛ ƴɛ̀rʋ ɛ́ 'lẽ a ʋ zu pàw a, ʋ bɛ ƴãwnɛ a ʋ zu-sob ɛ.

1 Korɛ̃tɩ 13:8

A nɔ̃wfʋ bɛ tɛr nãà tɔl ɛ. A naaŋmɩn-ƴɛ̀r-manɛ tome na baar'ɩ bibir kãw, a ƴɛ̀r-pɛ-bʋʋrɛ ƴɛ̀rʋ na kpiir'a, a bãwfʋ na baar'a.

1 Korɛ̃tɩ 14:13

Alɛ so, sob nɛ na ƴɛ̀rɛ ƴɛ̀rʋ nɩr na bɛ wone a, a fɛr'a k'ʋʋ puore tʋ̃ɔ́ páw a ƴɛ̀rʋ á ŋá pɛ́ɛ-íru maalʋ.

1 Korɛ̃tɩ 14:39

A na ɩ lɛ a, yɛbr i, nyɩ bɔbr kɛ́ nyɩ ɩ naaŋmɩn-ƴɛ̀r-manbɛ, ɛ́ ta diwr ƴɛ̀rʋ nɩr na bɛ wone a bɛrɛ ɩ,

Galasi 3:5

A Naaŋmɩn na kʋ̀rɛ nyɩ a ʋ Vʋʋrʋ ɛ́ maalɛ a nɔ-ɓãa-yele a nyɩ sɔgɔ a, a Wulu sàwfʋ zũú n'a bɩɩ nyɩ na bɛr wõ ɛ́ sàw de a Yel-nʋ̃ɔ̀ a n'a so?

1 Tesalonikɩ 5:20

Nyɩ ta dier a naaŋmɩn-ƴɛ̀r-manbɛ ƴɛ̀rʋ a ɩ bʋ̃-zawlɛ ɩ.

Ebre 2:4

A Naaŋmɩn mɩ̀ tu n a bɛ dãsɩɛ pùor maalɩ yele na ɩ bãwfʋ sãá a, nɩ yel-bãw-guuri nɩ nɔ-ɓãa-yel-bʋʋrɛ za, ɛ́ mɩ̀ cãà lɛb tu a pùor nɩ a Vʋʋrʋ Sõw maalʋ ʋ na põ mɛ̃ a lɛ ʋ na bɔbr a.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

Yel-wula 2:2

ɩ̃ bãw nɩ a fʋ tome, a balʋ fʋ na bàl fʋ tʋɔra a, nɩ a fʋ kanyir. Ɩ̃ bãwnɩ a na fʋ̃ʋ nɩ a po-to-dem na kʋ̃ tʋ̃ɔ́ taa a. A bɛl na yel kɛ́ bɛ ɩ n nɩ-toni ɛ́ bɛ ɩ nɩ-toni a, fʋ ɩ bɛ na kaa nyɛ̃ bɛ ɩ zir-ŋmarbɛ.